Jeremias 4:5 - Ang Pulong sa Dios

⁵ “Ingna ang Juda ug Jerusalem: ‘Patingoga ang budyong sa tibuok yuta. Isinggit ug kusog nga magtapok sila ug managan ngadto sa pinarilan nga mga lungsod.

Ang Biblia 2011

⁵ Ipahayag ninyo sa Juda, ug isangyaw sa Jerusalem, ug ingna sila, “Patingoga ang mga trumpeta diha sa yuta; singgit ug kusog ug pag-ingon, ‘Pagtigom kamo, ug paadtoa kami sa mga kinutaan nga mga siyudad!’

Maayong Balita Biblia

⁵ Patingoga ang trumpeta ngadto sa tibuok nasod! Singgit ug kusog! Papundoka ang katawhan sa Juda ug sa Jerusalem ug padagana ngadto sa mga kinutaang siyudad.

Ang Bag-ong Maayong Balita Biblia

⁵ Patingoga ang trumpeta ngadto sa tibuok nasod! Singgit ug kusog! Papundoka ang katawhan sa Juda ug sa Jerusalem ug padagana ngadto sa mga kinutaang siyudad.

Jeremias 4:5 Cross References

Isaias 28:19

Moabot kini kanunay matag adlaw, buntag ug gabii, ug malaglag gayod kamo niini.” Malisang gayod kamo kon masabtan ninyo kini nga mensahe.

Jeremias 11:2

“Pahinumdomi ang mga taga-Juda ug taga-Jerusalem sa mga lagda sa among kasabotan.

Jeremias 35:11

Apan sa dihang gisulong ni Nebucadnezar nga hari sa Babilonia kini nga nasod, nahadlok kami sa mga sundalo sa Babilonia ug sa Aram, busa nagdesisyon kami nga moanhi sa Jerusalem ug mao kana ang hinungdan nga ania kami dinhi magpuyo.”

Jeremias 5:20

“Ipahibalo kini sa mga katawhan sa Israel ug sa Juda:

Jeremias 6:1

“Palayo kamo ug panago mga kaliwat ni Benjamin! Biya kamo sa Jerusalem! Patingoga ang budyong sa Tekoa ug paghatag ug sinyas didto sa Bet Hakerem. Kay moabot ang grabing kadaot gikan sa amihan.

Jeremias 8:14

“Unya moingon sila, ‘Unsa pa may atong gihulat? Dali, mangadto kita sa pinarilan nga mga lungsod ug didto kita magpakamatay, kay gihukman na kita nga patyon sa Ginoo nga atong Dios. Daw sama lang nga gihatagan niya kita ug tubig nga adunay hilo aron atong imnon, tungod kay nakasala kita kaniya.

Jeremias 9:12

Nangutana ako sa Ginoo, “Kinsang tawhana nga maalamon ang makasabot niini nga mga hitabo? Kinsay gisaysayan mo bahin niini aron iyang ipasabot kon nganong nalaglag kining yutaa ug nahimong daw disyerto nga wala nay gaagi?”

Ezequiel 7:14

“Bisag patingogon pa nila ang trumpeta aron mangandam ang tanan sa pagpakiggubat, walay mouban sa pagpakiggubat kay maapil ang tanan sa akong kasuko.

Oseas 8:1

Miingon ang Ginoo, “Patingoga ang budyong sa pagpahibalo sa akong katawhan nga ang Israel nga giisip ko nga akong puloy-anan sulongon sa kaaway nga daw agila nga mosakdap kanila. Kay gipakawalay-bili nila ang akong kasabotan ug gilapas nila ang akong Kasugoan.

Joel 2:1

Patingoga ninyo ang budyong sa pagpasidaan sa mga tawo sa Zion, ang balaang bungtod sa Ginoo. Tanan kamong nagpuyo sa Juda, magkurog kamo sa kahadlok, kay haduol na gayod ang adlaw sa Ginoo.

Amos 3:6

Dili ba mangurog sa kahadlok ang mga tawo kon patingogon na ang budyong sa pagpahibalo nga adunay mga kaaway nga misulong? Kon moabot ang kalamidad sa usa ka siyudad, dili ba ang  Ginoo mao ang nagpadala niini?

Amos 3:8

Kinsay dili mahadlok kon mongulob na ang liyon? Kinsa ba ang dili makapadayag sa mensahe sa Ginoong Dios kon siya na mismo ang magpadayag sa imoha?

Numeros 10:2

“Pagpahimo ug duha ka trumpeta nga pilak ug gamita kini sa pagtigom sa mga tawo ug sa pagpaandam kanila sa pagpanglakaw.

Numeros 10:3

Kon patingogon ug dungan kining duha ka trumpeta, magtigom ang tibuok katilingban diha sa pultahan sa Tolda nga Tagboanan.

Josue 10:20

Halos nahurot ug patay ni Josue ug sa mga Israelinhon ang ilang mga kaaway. Apan adunay pipila nga nakaikyas ug nakasulod balik sa ilang pinarilan nga mga lungsod.