Ester 9:3 - Ang Pulong sa Dios

³ Bisan ang tanang mga opisyal sa mga probinsya apil na ang ilang mga gobernador, mga pangulo, ug mga administrador mitabang sa mga Judio tungod kay nahadlok sila kang Mordecai.

Ang Biblia 2011

³ Ang tanang mga pangulo sa mga lalawigan, ug ang mga tinugyanan ug ang mga gobernador, ug ang mga tinugyanan sa hari mitabang sa mga Judio tungod kay ang pagkahadlok kang Mardoqueo miabot kanila.

Maayong Balita Biblia

³ Ang tanang mga pangulo sa mga lalawigan ug ang mga kadagkoan ug ang mga gobernador ug ang mga opisyal sa hari mitabang sa mga Judio tungod sa ilang kahadlok kang Mardoqueo.

Ang Bag-ong Maayong Balita Biblia

³ Ang tanang mga pangulo sa mga lalawigan ug ang mga kadagkoan ug ang mga gobernador ug ang mga opisyal sa hari mitabang sa mga Judio tungod sa ilang kahadlok kang Mardoqueo.

Ester 9:3 Cross References

Esdras 2:2

Ang nangulo kanila sa pagbalik mao sila si Zerubabel, Jeshua, Nehemias, Seraya, Reelaya, Mordecai, Bilshan, Mispar, Bigvai, Rehum, ug Baana. Mao kini ang lista sa katawhan sa Israel nga namalik gikan sa pagkabihag:

Esdras 8:36

Gihatag usab nila sa mga gobernador ug mga opisyal sa probinsya sa kasadpang Eufrates ang dokumento diin nasulat ang mando sa hari. Ug kini sila mitabang sa katawhan sa Israel ug sa balay sa Dios.

Ester 3:12

Busa sa ika-13 nga adlaw sa unang bulan, gipatawag ni Haman ang mga sekretaryo sa hari. Gipahimo niya sila ug sulat alang sa mga gobernador, mga pangulo, ug mga opisyal sa kada probinsya sa gingharian sumala sa ilang mga pinulongan. Gisulat kini sa ngalan ni Haring Ahasuerus, gisilyohan sa iyang singsing,

Ester 8:17

Sa matag siyudad o probinsya diin nakaabot ang sugo sa hari, ang mga Judio nagmaya pag-ayo ug nagkombira sa kalipay. Ug daghang mga tawo ang nahimong Judio tungod sa ilang kahadlok sa mga Judio.

Ester 8:5

“Kon tinuod nga nalipay ka kanako, Mahal nga Hari, ug ikahimuot mo ang pagtabang kanako, ug kon mouyon ka, pagpasulat ug usa ka sugo sa pagbakwi sa mando ni Haman nga anak ni Hamedata nga Agagnon nga pamatyon ang mga Judio sa tibuok gingharian.

Ester 8:9

Busa sa ika-23 nga adlaw sa ikatulong bulan, nga mao ang bulan sa Sivan, gipatawag ang mga sekretaryo sa hari. Gisulat nila ang tanang gidikta ni Mordecai kanila. Ang sulat alang sa mga Judio, mga gobernador, mga pangulo, ug mga opisyal sa 127 ka mga probinsya sa India hangtod sa Etiopia. Gisulat kini sa pinulongan sa mga tawo sa tibuok gingharian, apil na sa pinulongan sa mga Judio.

Daniel 3:2

Pagkahuman, gipatawag ni Haring Nebucadnezar ang mga gobernador, mga mayor, mga tinugyanan, mga magtatambag, mga tresurero, mga maghuhukom, mga tigdumala, ug ang uban pang mga opisyal sa mga probinsya aron motambong sa pagdedikar sa estatuwa. Sa dihang didto na sila nagtindog atubangan sa estatuwa,