Ester 9:4 - Ang Pulong sa Dios

⁴ Kay si Mordecai taas na kaayog ranggo sa palasyo sa hari; ilado na siya sa tibuok gingharian. Ug misamot pa siya ka gamhanan.

Ang Biblia 2011

⁴ Kay si Mardoqueo halangdon diha sa balay sa hari, ug ang iyang kabantog miabot sa tanang mga lalawigan kay ang tawo nga si Mardoqueo nag-anam ug ka gamhanan.

Maayong Balita Biblia

⁴ Sa palasyo sa hari nahimong dakong tawo si Mardoqueo ug mikaylap ang iyang kabantog sa tanang lalawigan kay si Mardoqueo nag-anam man kagamhanan.

Ang Bag-ong Maayong Balita Biblia

⁴ Sa palasyo sa hari nahimong dakong tawo si Mardoqueo ug mikaylap ang iyang kabantog sa tanang lalawigan kay si Mardoqueo nag-anam man kagamhanan.

Ester 9:4 Cross References

2 Samuel 3:1

Mao kadto ang sinugdanan sa dugay nga panag-away tali sa mga nagdapig kang Saulo ug sa mga nagdapig kang David. Padayon nga milig-on ang grupo ni David apan ang kang Saulo gaanam ug kahuyang.

1 Cronicas 11:9

Misamot ang pagkagamhanan ni David, tungod kay gitabangan siya sa Ginoo nga Makagagahom.

1 Cronicas 14:17

Busa nabantog si David sa tanang dapit, ug gitugot sa Ginoo nga mahadlok kaniya ang tanang mga nasod.

Ester 10:2

Ang mga binuhatan ug ang mga kasaysayan sa pagkagamhanan ni Haring Ahasuerus apil ang kinatibuk-an sa sugilanon sa kabantog ni Mordecai, nga gihatagan sa hari ug taas nga ranggo, nasulat sa libro sa mga sugilanon bahin sa mga hari sa Media ug Persia.

Salmo 1:3

Sama siya sa kahoy nga gitanom sa daplin sa sapa, nga mamunga sa panahon sa tingbunga, ug dili malaya ang mga dahon. Ug ang tanan niyang buhaton magmalampuson.

Salmo 18:43

Giluwas mo ako gikan sa mga nagrebelde. Gihimo mo akong pangulo sa mga kanasoran. Ang mga langyaw nag-alagad kanako.

Salmo 92:13

Daw mga kahoy sila nga gitanom diha sa Templo sa Ginoo nga atong Dios, nga molambo

Exodo 11:3

(Gitugotan sa Ginoo nga mahimong maayo ang mga Ehiptohanon ngadto sa mga Israelinhon. Ug gitahod pag-ayo si Moises sa mga opisyal sa hari ug sa mga lumulupyo sa Ehipto.)

Mga Panultihon 4:18

Ang pagkinabuhi sa mga matarong daw sama sa nagsubang nga adlaw nga mosamot kasidlak sa kaudtohon.

Isaias 9:7

Walay kataposan ang kauswagan ug kalinaw diha sa iyang pagdumala. Maghari siya isip manununod sa gingharian ni David. Palig-onon niya kini ug patunhayon ang hustisya ug katarong sa walay kataposan. Sigurohon gayod sa Ginoo nga Makagagahom nga matuman kini.

Sofonias 3:19

Niadto unyang taknaa akong atimanon ang tanan nga nagpaantos kanimo. Luwason ko ang mga bakol, akong tipunon ang mga binihag, ako silang dayegon ug pasidungan sa matag dapit diin sila nakasinati ug kaulawan.

Mateo 4:24

Nabantog siya hangtud sa tibuok Siria, busa gidala sa mga tawo ang tanang mga masakiton ngadto kaniya: bisan ang mga nag-antos sa hilabihan nga kasakit, ang mga gigamhan sa daotang espiritu, ang mga patulon, ug ang mga paralitiko. Giayo silang tanan ni Jesus.

Josue 6:27

Ang Ginoo miuban gayod kang Josue, ug nabantog siya sa tibuok nga nasod.

1 Samuel 2:30

“Kaniadto, ako nga inyong Ginoo, nga Dios sa Israel, nagsaad kaninyo nga kamo lang gayod ug ang mga kaliwat sa inyong katigulangan ang makaalagad kanako isip mga pari hangtod sa kahangtoran. Apan dili na karon, kay pasidunggan ko ang nagpasidungog kanako, ug panghimaraoton ko ang nagtamay kanako.