Ester 9:2 - Ang Pulong sa Dios

² Kay nianang adlawa, nagtigom ang mga Judio sa mga lungsod sa ilang tagsa-tagsa ka dapit, sa tanang probinsya nga sakop ni Haring Ahasuerus, aron pamatyon kinsa nga mosulong kanila. Walay nakasukol kanila tungod kay nahadlok kanila ang tanang katawhan.

Ang Biblia 2011

² ang mga Judio nagtigom diha sa ilang mga siyudad sa tibuok lalawigan ni Hari Ahasuero, aron sa pagbakyaw sa ilang kamot ngadto sa nagtinguha sa ilang kadaot. Ug walay tawo nga makasukol kanila kay ang pagkahadlok kanila miabot sa tanang mga katawhan.

Maayong Balita Biblia

² Ang mga Judio nagtigom sulod sa ilang siyudad sa mga lalawigan ni Hari Ahasuero aron pagdakop kang bisan kinsa nga buot modaot kanila. Walay nakasukol kanila kay nangahadlok man ang mga tawo kanila.

Ang Bag-ong Maayong Balita Biblia

² Ang mga Judio nagtigom sulod sa ilang siyudad sa mga lalawigan ni Hari Ahasuero aron pagdakop kang bisan kinsa nga buot modaot kanila. Walay nakasukol kanila kay nangahadlok man ang mga tawo kanila.

Ester 9:2 Cross References

Genesis 35:5

Sa paggikan nila ni Jacob, giabot ug kahadlok sa Dios ang mga tawo sa palibot nga mga lungsod, busa wala nila gukda sila si Jacob.

Ester 8:11

Pinaagi niadtong sulata, gitugotan ni Haring Ahasuerus ang mga Judio sa matag siyudad nga maghiusa sa pagpanalipod sa ilang kaugalingon ug sa mga babaye ug mga kabataan. Mahimo nilang patyon si bisan kinsa nga mosulong kanila gikan sa bisan unsa nga nasod o probinsya. Ug mahimo usab nilang kuhaon ang mga kabtangan sa ilang mga kaaway.

Ester 8:17

Sa matag siyudad o probinsya diin nakaabot ang sugo sa hari, ang mga Judio nagmaya pag-ayo ug nagkombira sa kalipay. Ug daghang mga tawo ang nahimong Judio tungod sa ilang kahadlok sa mga Judio.

Ester 9:10

Sila mao ang napulo ka anak ni Haman nga anak ni Hamedata, ang kaaway sa mga Judio. Apan wala kuhaa sa mga Judio ang mga kabtangan sa ilang mga kaaway.

Salmo 71:13

Hinaut pa nga ang mga nagbutang-butang kanako maulawan ug malaglag. Hinaut pa nga ang buot modagmal kanako maulawan ug biay-biayon.

Salmo 71:24

Isugilon ko kanunay ang imong pagkamatarong, kay ang mga tawong buot modagmal kanako naulawan.

Exodo 23:27

“Hadlokon ko ug patarantahon ang inyong mga kaaway nga inyong ikaatubang ug mangikyas sila gikan kaninyo.

Isaias 8:9

Kamong mga nasod, bisan pag magkahiusa kamo, magkatibulaag gihapon kamo. Pamati kamo nga anaa sa halayo! Bisan mangandam pa kamo sa pagpakig-gira, mapildi gihapon kamo.

Deuteronomio 2:30

Apan wala mosugot si Sihon nga hari sa Hesbon nga moagi kita didto. Kay gipagahi sa Ginoo nga inyong Dios ang kasing-kasing ni Sihon aron itugyan niya siya sa atong mga kamot, sama sa iyang gihimo karong adlawa.

Josue 11:20

Kay gipagahi sa Ginoo ang ilang kasing-kasing aron makig-away sila sa mga Israelinhon. Niining paagiha gipamatay sila sa walay kaluoy ug nalaglag sila sa hingpit sumala sa gisugo sa Ginoo kang Moises.

Josue 2:9

miingon kanila, “Nasayod ako nga gihatag sa Ginoo kaninyo kining yutaa ug labihan gayod ang kahadlok sa mga tawo dinhi kaninyo.