Ester 9:1 - Ang Pulong sa Dios

¹ Miabot ang ika-13 nga adlaw sa ika-12 nga bulan, nga mao ang bulan sa Adar. Mao na kini ang adlaw nga ipatuman ang mando sa hari. Nianang adlawa nagtuo ang mga kaaway sa mga Judio nga malupig nila ang mga Judio. Apan sukwahi ang nahitabo; gipildi sa mga Judio ang ilang mga kaaway.

Ang Biblia 2011

¹ Sa ikanapulo ug duha nga bulan, nga mao ang bulan sa Adar, sa ikanapulo ug tulo nga adlaw sa maong bulan, sa diha nga ang sugo sa hari ug ang iyang balaod hapit na matuman, sa adlaw gayod nga ang mga kaaway sa mga Judio naglaom nga maghari kanila apan nausab ngadto sa adlaw nga ang mga Judio naghari niadtong mga nagdumot kanila,

Maayong Balita Biblia

¹ Miabot ang ika-13 nga adlaw sa ika-12 nga bulan nga mao ang bulan sa Adar diin ang sugo sa hari tumanon na. Niini mismong adlawa ang mga kaaway sa mga Judio nagtuo nga ilang maulipon ang mga Judio apan sila hinuon ang naulipon sa mga Judio.

Ang Bag-ong Maayong Balita Biblia

¹ Miabot ang ika-13 nga adlaw sa ika-12 nga bulan nga mao ang bulan sa Adar diin ang sugo sa hari tumanon na. Niini mismong adlawa ang mga kaaway sa mga Judio nagtuo nga ilang maulipon ang mga Judio apan sila hinuon ang naulipon sa mga Judio.

Ester 9:1 Cross References

2 Samuel 22:41

Gipakagiw mo ang akong mga kaaway ug gilaglag ko sila.

Ester 3:13

ug gipadala pinaagi sa mga mensahero ngadto sa tanang probinsya sa gingharian. Nakasulat didto nga hutdon gayod ug patay sa usa lang ka adlaw ang tanang mga Judio, bata man o tigulang, mga babaye ug mga kabataan, ug kuhaon ang tanan nilang kabtangan. Himuon kini sa ika-13 nga adlaw sa ika-12 nga bulan, nga mao ang bulan sa Adar.

Ester 3:7

Sa unang bulan (nga mao ang bulan sa Nisan), sa ika-12 nga tuig sa paghari ni Ahasuerus, nagsugo si Haman nga ripahon pinaagi sa “pur” (usa ka klasi sa hulbot-hulbot) kon unsa nga adlaw ug bulan buhaton ang iyang plano. Ug ang napilian mao ang ika-13 nga adlaw sa ika-12 nga bulan, nga mao ang bulan sa Adar.

Ester 8:12

Himuon kini sa mga Judio sa tanang probinsya nga sakop sa gingharian ni Haring Ahasuerus sulod lang sa usa ka adlaw, sa ika-13 nga adlaw sa ika-12 nga bulan nga mao ang bulan sa Adar.

Ester 8:6

Kay dili ako makaantos nga makita nga mangamatay ang akong mga katawhan ug mga paryente.”

Salmo 18:40

Gipakagiw mo ang akong mga kaaway ug gilaglag ko sila.

Salmo 30:11

Gipulihan mo ug malipayong pagsayaw ang akong kasubo. Gipahubo mo kanako ang bisting sako nga nagpaila sa akong pagsubo, ug gihatagan mo akog kalipay.

Mga Buhat 12:11

Didto pa lamang niya nahibaw-i nga dili diay damgo ang nahitabo kaniya. Miingon siya, “Tinuod gayod nga gipadala sa Ginoo ang iyang anghel ug giluwas niya ako sa kamot ni Herodes ug sa tanang giplano sa mga Judio nga mahitabo kanako.”

Deuteronomio 32:36

Hukman sa Ginoo ang iyang katawhan; kaloy-an niya sila nga iyang mga alagad kon makita niya nga wala na silay kusog ug diyutay na lang ang nabilin kanila, ulipon man o dili ulipon.

Gipadayag 11:18

Hilabihan gayod ang kasuko sa mga tawo nga wala nag-ila kanimo. Kay miabot na ang panahon nga silotan mo sila, ug ang mga patay hukman mo na. Mao na kini ang panahon nga hatagan mo ug ganti ang imong mga sulugoon, ang mga propeta, ang imong katawhan, ug ang tanan nga nagtahod kanimo, inila man o dili. Panahon na nga pamatyon mo ang mga tawo nga nagguba sa kalibotan.”