Ester 8:2 - Ang Pulong sa Dios

² Gihubo sa hari ang singsing nga pangsilyo nga iyang gibawi kang Haman, ug gihatag kini kang Mordecai. Unya gihimo ni Ester si Mordecai nga tigdumala sa tanang kabtangan ni Haman.

Ang Biblia 2011

² Unya gikuha sa hari ang singsing nga iyang gikuha kang Haman ug gihatag kini kang Mardoqueo. Busa gipahimutang ni Ester si Mardoqueo sa balay ni Haman.

Maayong Balita Biblia

² Gihuslo sa hari ang iyang igsisilyong singsing nga iyang gikuha pagbalik gikan kang Haman ug gihatag niya kini kang Mardoqueo. Ug gihimo ni Ester si Mardoqueo nga pangulo sa balay ni Haman.

Ang Bag-ong Maayong Balita Biblia

² Gihuslo sa hari ang iyang igsisilyong singsing nga iyang gikuha pagbalik gikan kang Haman ug gihatag niya kini kang Mardoqueo. Ug gihimo ni Ester si Mardoqueo nga pangulo sa balay ni Haman.

Ester 8:2 Cross References

Genesis 41:42

Unya gihuslo sa hari ang iyang singsing nga pangtimbre ug gisul-ob kini sa tudlo ni Jose. Gipasul-oban niya si Jose ug pinasahi nga bisti nga lino ug gipakuwintas ug bulawan.

Ester 10:2

Ang mga binuhatan ug ang mga kasaysayan sa pagkagamhanan ni Haring Ahasuerus apil ang kinatibuk-an sa sugilanon sa kabantog ni Mordecai, nga gihatagan sa hari ug taas nga ranggo, nasulat sa libro sa mga sugilanon bahin sa mga hari sa Media ug Persia.

Ester 3:10

Unya gihubo sa hari ang iyang singsing nga pangsilyo ug gihatag kang Haman nga anak ni Hamedata nga Agagnon, nga kaaway sa mga Judio.

Ester 8:3

Nakigsulti na usab si Ester kang Haring Ahasuerus. Miluhod siya sa tiilan sa hari ug mihilak. Nagpakiluoy siya nga dili na ipadayon ang daotang plano ni Haman nga Agagnon batok sa mga Judio.

Salmo 37:34

Salig sa Ginoo ug tumana ang iyang pamaagi, ug pasidunggan ka niya pinaagi sa paghatag kanimo sa yuta sa Israel. Makita mo nga malaglag ang mga daotan nianang yutaa.

Daniel 2:48

Unya gipasidunggan pag-ayo sa hari si Daniel ug gihatagan ug daghang matahom nga mga gasa. Gihimo niya kini nga tigdumala sa tibuok nga probinsya sa Babilonia ug pangulo sa tanang maalamon sa Babilonia.

Lucas 15:22

“Gitawag sa amahan ang iyang mga sulugoon ug miingon, ‘Dali, dad-a ninyo dinhi ang pinakanindot nga bisti ug ipasul-ob kaniya. Sul-obi usab ninyo siya ug singsing ug sapatos.