Ester 8:1 - Ang Pulong sa Dios

¹ Niadto gayong adlawa, gihatag ni Haring Ahasuerus kang Rayna Ester ang tanang kabtangan ni Haman nga kaaway sa mga Judio. Unya gipaadto si Mordecai sa hari tungod kay miingon man si Ester nga paryente sila.

Ang Biblia 2011

¹ Niadtong adlawa gihatag ni Hari Ahasuero ngadto kang Rayna Ester ang balay ni Haman nga kaaway sa mga Judio. Ug si Mardoqueo miadto sa atubangan sa hari, kay si Ester misugilon kon unsa siya kaniya.

Maayong Balita Biblia

¹ Nianang adlawa gihatag ni Hari Ahasuero kang Ester ang balay ni Haman nga kaaway sa mga Judio. Ug si Mardoqueo miatubang sa hari kay gisultihan man ni Ester ang hari bahin sa iyang pagtahod kang Mardoqueo.

Ang Bag-ong Maayong Balita Biblia

¹ Nianang adlawa gihatag ni Hari Ahasuero kang Ester ang balay ni Haman nga kaaway sa mga Judio. Ug si Mardoqueo miatubang sa hari kay gisultihan man ni Ester ang hari bahin sa iyang pagtahod kang Mardoqueo.

Ester 8:1 Cross References

Ester 1:14

Ang kanunay niyang pangayoan ug tambag mao sila si Carshena, Shetar, Admata, Tarshish, Meres, Marsena, ug Memukan. Kini silang pito ang pinakataas ug ranggo sa mga opisyal sa gingharian sa Persia ug Media, ug sayon ra silang makaduol sa hari.

Ester 2:15

Sa ikanapulo nga bulan (nga mao ang bulan sa Tebet), sa ikapito nga tuig sa paghari ni Ahasuerus, miabot ang turno ni Ester nga moadto sa hari didto sa palasyo. Walay laing gipangayo si Ester gawas sa gisulti kaniya ni Hegay, ang personal nga alagad sa hari nga tig-atiman sa mga babaye sa palasyo. Ug midayeg kaniya ang tanang nakakita kaniya.

Ester 2:7

Adunay ig-agaw si Mordecai nga dalaga nga matahom ug nindot ug lawas. Hadasa ang iyang ngalan ug gitawag usab siya ug Ester. Sa dihang namatay ang ginikanan ni Ester, gisagop siya ni Mordecai ug gipadako ingon nga iyang anak.

Ester 7:6

Mitubag si Ester, “Ang among kaaway walay lain kondili kining daotan nga si Haman.” Labihang kahadlok ni Haman sa atubangan sa hari ug sa rayna.

Ester 8:7

Miingon si Haring Ahasuerus kang Rayna Ester ug kang Mordecai nga Judio, “Gipabitay ko sa kahoy si Haman tungod kay nagtinguha siya sa paglaglag kaninyong mga Judio. Ug gihatag ko na kanimo, Ester, ang iyang mga kabtangan.

Salmo 39:6

o sama sa anino nga mawala. Nagkapuliki ang tawo sa mga buluhaton nga walay kapuslanan. Nagtigom siyag bahandi apan wala siya masayod kon kinsay makapahimulos niini kon mamatay na siya.

Mga Panultihon 13:22

Ang bahandi sa maayo nga tawo mapanunod sa iyang mga apo, apan ang bahandi sa makasasala mapanag-iya sa mga matarong.

Mga Panultihon 28:8

Kon maadunahan ka pinaagi sa pagpatubo ug kuwarta, ang imong bahandi mapaingon sa tawong matinabangon sa mga kabos.

Lucas 12:20

“Apan miingon ang Dios kaniya, ‘Buang-buang! Karong gabii bawion ko ang imong kinabuhi. Busa kinsa man ang makapahimulos sa imong gitigom nga mga kabtangan?’