Ester 7:10 - Ang Pulong sa Dios

¹⁰ Busa gituhog nila si Haman sa kahoy nga gipahimo niya alang unta kang Mordecai. Unya nahupay ang kasuko sa hari.

Ang Biblia 2011

¹⁰ Ug ang hari miingon, “Bitaya siya niini.” Busa ilang gibitay si Haman sa bitayan nga iyang giandam alang kang Mardoqueo. Unya ang kasuko sa hari napuypoy.

Maayong Balita Biblia

¹⁰ Ug miingon ang hari, “Bitaya siya didto!” Busa gibitay nila si Haman sa bitayan nga gipabuhat ni Haman aron bitayan unta kang Mardoqueo. Unya napuypoy ang kasuko sa hari.

Ang Bag-ong Maayong Balita Biblia

¹⁰ Ug miingon ang hari, “Bitaya siya didto!” Busa gibitay nila si Haman sa bitayan nga gipabuhat ni Haman aron bitayan unta kang Mardoqueo. Unya napuypoy ang kasuko sa hari.

Ester 7:10 Cross References

Genesis 40:22

apan gipapatay niya ang pangulo sa mga panadero, ug gituhog sa kahoy ang iyang patayng lawas sumala sa gisulti ni Jose.

Ester 2:1

Unya, sa dihang nahuwasan na si Haring Ahasuerus sa iyang kasuko, nahinumdoman niya si Vasti ug sa gihimo niini. Nahinumdoman usab niya ang mga sugo nga iyang gihimo bahin kang Vasti.

Ester 5:14

Miingon kaniya ang iyang asawa ug mga higala, “Nganong dili ka magpaandam ug talinis nga kahoy nga 75 ka piye ang gihabugon. Ug ugma sa buntag, hangyoa ang hari nga bitayon si Mordecai, aron malipayon kang makig-uban sa hari sa panihapon.” Nakauyon si Haman niadtong ilang gisulti, busa nagpahimo siya ug bitayanan.

Ester 7:7

Unya mitindog ang hari sa labihang kasuko. Gibiyaan niya ang iyang ilimnon ug miadto sa hardin sa palasyo. Apan nagpabilin si Haman ug nagpakiluoy kang Rayna Ester tungod kay nasayod siya nga silotan gayod siya sa hari.

Ester 7:8

Sa pagbalik sa hari gikan sa hardin, iyang nakita si Haman nga naghapa sa sopa nga ginalingkoran ni Ester. Miingon ang hari, “Buot mo pang lugoson ang rayna bisan ania ako dinhi sa palasyo!” Pagkahuman gayod ug sulti sa hari niini, gitabonan sa mga sulugoon ang ulo ni Haman.

Ester 8:7

Miingon si Haring Ahasuerus kang Rayna Ester ug kang Mordecai nga Judio, “Gipabitay ko sa kahoy si Haman tungod kay nagtinguha siya sa paglaglag kaninyong mga Judio. Ug gihatag ko na kanimo, Ester, ang iyang mga kabtangan.

Ester 9:14

Busa nagsugo ang hari nga himuon ang hangyo ni Ester. Gipahibalo sa Susa ang mando sa hari, ug gipabitay ang mga patayng lawas sa napulo ka anak ni Haman.

Ester 9:25

Apan sa dihang nabalitaan sa hari ang maong plano pinaagi kang Rayna Ester, nagpasulat siya ug mando nga ang daotang plano ni Haman batok sa mga Judio himuon ngadto kanila, ug bitayon siya apil ang iyang mga anak nga lalaki.

Job 18:8

Siya mismo ang mipaingon sa lit-ag, ug nalit-agan siya.

Job 20:8

Mahanaw siya sama sa damgo o sa panan-awon sa kagabhion, ug dili na gayod siya makita.

Salmo 37:15

Apan sila mismo ang matuhog sa ilang mga espada, ug ang ilang mga pana mangabali.

Salmo 94:23

Silotan mo sila ug laglagon tungod sa ilang mga sala. Laglagon mo gayod sila, Ginoo nga among Dios.

Mga Panultihon 11:27

Ang tawong nangandoy sa maayo makakitag kaayo, apan ang tawo nga mangitag samok makasugat gayod niini.

Mga Panultihon 11:8

Luwason sa Dios gikan sa kalisod ang matarong, apan ang daotan iyang pasagdan.

Mga Panultihon 26:27

Kon magkalot kag bangag aron mahulog ang uban, maunay ka niini. Kon magpaligid kag bato aron maligiran ang uban, ikaw ang maligiran niini.

Jeremias 34:17

“Busa ako, ang  Ginoo, nag-ingon nga tungod kay wala ninyo ako tumana ug wala ninyo hatagig kagawasan ang inyong mga kadugo ug katagilungsod nga giulipon ninyo, hatagan ko kamog kagawasan nga mamatay sa gira, kagutom, ug balatian. Tungod sa mahitabo kaninyo mahadlok ang tanang gingharian sa kalibotan.

Ezequiel 5:13

“Kon mahitabo na kini, mahuwasan na ako sa akong labihan nga kasuko kaninyo, ug makabalos na ako. Kon mapatagamtam ko na kaninyo ang akong kapungot, mahibaloan ninyo nga ako, ang  Ginoo, nakigsulti kaninyo pinaagi sa akong labihang pagbati kaninyo.

Daniel 6:24

Unya, nimando ang hari nga ang tanang miakusar kang Daniel itambog didto sa bangag nga adunay mga liyon apil ang ilang mga asawa ug mga anak. Wala pa gani sila makaabot sa ubos giataki na sila sa mga liyon ug gibali-balian ug mga bukog.

Daniel 6:25

Human niini nagsulat si Haring Darius ngadto sa tanang katawhan sa nagkalain-laing mga nasod, tribo, ug pinulongan sa kalibotan: Hinaut nga magmauswagon pa gayod ang inyong kahimtang.

Zacarias 6:8

Unya sa makusog nga tingog miingon ang  Ginoo kanako, “Tan-awa ang mga kabayo nga mipaingon sa amihanan. Sila ang mohatag ug kapahulayan sa akong Espiritu nianang dapita.”

Mga Maghuhukom 15:7

Miingon si Samson sa mga Filistihanon, “Tungod niining inyong gihimo, dili ako mohunong hangtod nga makabalos ako kaninyo.”