Ester 8:3 - Ang Pulong sa Dios

³ Nakigsulti na usab si Ester kang Haring Ahasuerus. Miluhod siya sa tiilan sa hari ug mihilak. Nagpakiluoy siya nga dili na ipadayon ang daotang plano ni Haman nga Agagnon batok sa mga Judio.

Ang Biblia 2011

³ Unya si Ester misulti pag-usab ngadto sa hari, siya miluhod sa iyang tiilan ug nangaliyupo kaniya uban sa luha aron sa pagpahunong sa kadaotan ni Haman nga Agaghanon ug sa laraw nga iyang gihunahuna batok sa mga Judio.

Maayong Balita Biblia

³ Unya si Ester nakigsulti pag-usab sa hari. Mihapa siya sa iyang tiilan ug naghilak aron dili molampos ang daotang laraw ni Haman, ang kaliwat ni Agag, nga mao ang pagpatay sa mga Judio.

Ang Bag-ong Maayong Balita Biblia

³ Unya si Ester nakigsulti pag-usab sa hari. Mihapa siya sa iyang tiilan ug naghilak aron dili molampos ang daotang laraw ni Haman, ang kaliwat ni Agag, nga mao ang pagpatay sa mga Judio.

Ester 8:3 Cross References

2 Mga Hari 4:27

Apan pag-abot niya didto kang Eliseo sa bukid, gikuptan niya ang tiil ni Eliseo. Miduol si Gehazi aron ipalayo siya, apan miingon si Eliseo, “Pasagdi lang siya! Kay anaa siya sa kaguol. Apan gililong kini sa Ginoo kanako; wala niya ako sultihi bahin niini.”

Ester 3:1

Human niadtong hitaboa, gipatas-an ni Haring Ahasuerus ang ranggo ni Haman nga anak ni Hamedata nga Agagnon. Gihatagan sa hari si Haman sa labing taas nga katungdanan sa iyang gingharian.

Ester 7:4

Kay ako ug ang akong katawhan gibaligya na ngadto sa mopatay ug mopuo kanamo. Kon gibaligya lang kami aron mahimong ulipon, magpakahilom na lang unta ako tungod kay dili man kana igo nga hinungdan aron samokon ka nako.”

Ester 8:2

Gihubo sa hari ang singsing nga pangsilyo nga iyang gibawi kang Haman, ug gihatag kini kang Mordecai. Unya gihimo ni Ester si Mordecai nga tigdumala sa tanang kabtangan ni Haman.

Ester 8:4

Gitunol sa hari ang iyang bulawan nga septer ngadto kang Ester. Unya mitindog si Ester sa atubangan sa hari ug miingon,

Isaias 38:2

Pagkadungog ni Ezequias niini, miatubang siya sa bongbong ug nag-ampo sa Ginoo.

Oseas 12:4

pinaagi sa pagpakiglayog sa usa ka anghel, ug midaog siya. Naghilak siya nga mihangyo nga panalanginan sa anghel. Nakita niya ang Dios sa Betel, ug didto nakigsulti kaniya ang Dios.

Mga Hebreo 5:7

Sa dihang dinhi pa si Jesus sa kalibotan, nag-ampo siya ug naghilak gayod nga nagpakiluoy sa Dios nga makaluwas kaniya gikan sa kamatayon. Ug tungod kay siya mapainubsanon ug matinumanon, gitubag sa Dios ang iyang pag-ampo.