2 Samuel 6:21 - Ang Pulong sa Dios

²¹ Miingon si David kang Mical, “Gihimo ko kadto sa presensya sa Ginoo nga nagpili kanako labaw sa imong amahan o ni bisan kinsa sa iyang panimalay. Gipili niya ako nga modumala sa iyang katawhan nga mga Israelinhon. Busa magpadayon ako sa paglipay sa presensya sa Ginoo,

Ang Biblia 2011

²¹ Ug si David miingon kang Mical, “Gihimo nako kini atubangan sa Ginoo nga nagpili kanako labaw sa imong amahan, ug labaw sa tibuok niyang balay, aron sa pagtudlo kanako ingon nga pangulo sa katawhan sa Ginoo, sa Israel, busa naghudyaka ako atubangan sa Ginoo.

Maayong Balita Biblia

²¹ Ug giingnan ni David si Mical, “Gihimo ko kini atubangan sa Ginoo nga nagpili kanako labaw sa imong amahan ug labaw sa tibuok niyang banay kay gihimo ako niyang hari sa tanang Israelita nga mao ang katawhan sa Ginoo busa maglipay ako atubangan sa Ginoo.

Ang Bag-ong Maayong Balita Biblia

²¹ Ug giingnan ni David si Mical, “Gihimo ko kini atubangan sa Ginoo nga nagpili kanako labaw sa imong amahan ug labaw sa tibuok niyang banay kay gihimo ako niyang hari sa tanang Israelita nga mao ang katawhan sa Ginoo busa maglipay ako atubangan sa Ginoo.

2 Samuel 6:21 Cross References

2 Samuel 5:2

Sukad pa kaniadto, bisan sa dihang si Saulo pa ang among hari, ikaw na ang nangulo sa mga Israelinhon sa pagpakig-gira. Ug nag-ingon ang Ginoo kanimo, ‘Atimanon mo ang akong katawhan nga mga Israelinhon sama sa pag-atiman sa usa ka magbalantay sa iyang mga karnero. Ikaw ang mahimo nilang pangulo.’ ”

2 Samuel 6:14

Labihan ang sayaw ni David sa presensya sa Ginoo, nga nagsul-ob lang ug efod nga lino.

2 Samuel 6:16

Sa dihang pasulod na ang Sudlanan sa Ginoo didto sa Lungsod ni David, midungaw si Mical nga anak ni Saulo sa bintana. Ug sa dihang nakita niya si Haring David nga naglukso-lukso ug nagsayaw-sayaw sa presensya sa Ginoo, gitamay niya kini.

2 Samuel 6:22

ug himuon ko pang mas makauulaw ang akong kaugalingon kay niini. Makauulaw ako sa imong panan-aw, apan pasidunggan ako sa mga babayeng sulugoon nga imong giingon.”

2 Samuel 6:5

Gaselebrar si David ug ang tanan nga katawhan sa Israel sa presensya sa Ginoo sa tibuok nila nga kusog. Nag-awit sila ug nagtukar sa mga harpa, lira, tamborin, kastanitas, ug simbal.

2 Samuel 7:8

“Sultihi usab si David nga ako, ang Ginoo nga Makagagahom, nag-ingon, ‘Magbalantay ka kaniadto sa mga karnero, apan gipili ka nako nga magdumala sa akong katawhan nga mga Israelinhon.

1 Cronicas 15:29

Pag-abot sa Sudlanan sa Kasabotan sa Ginoo sa Lungsod ni David, midungaw si Mical nga anak ni Saulo sa bintana. Ug sa dihang nakita niya si Haring David nga nagsayaw-sayaw sa kalipay, nakasaway siya niini.

Mga Buhat 13:22

Sa dihang gipapahawa na sa Dios si Saulo isip hari, si David na usab ang iyang gipili nga maghari kanila. Mao kini ang giingon sa Dios, ‘Gikahimut-an ko si David nga anak ni Jesse. Motuman siya sa tanan kong sugo kaniya.’

1 Mga Taga-Corinto 10:31

Mao nga bisan unsa ang inyong buhaton, bisan mokaon o moinom, buhata ninyo ang tanan sa katuyoan nga madayeg ang Dios.

1 Samuel 13:14

Apan dili na kana mahitabo, kay aduna nay gipili ang Ginoo nga usa ka tawo nga tawo nga nag-agpas sa kasing-kasing sa Ginoo. Ug gihimo sa Ginoo kini nga tawo nga pangulo sa iyang katawhan, tungod kay wala ka motuman sa iyang sugo.”

1 Samuel 15:28

Unya miingon si Samuel kaniya, “Kuhaon sa Ginoo gikan kanimo karong adlawa ang gingharian sa Israel ug ihatag sa sama nimong Israelinhon nga mas maayo kay kanimo.

1 Samuel 16:1

Usa niadto ka higayon, miingon ang Ginoo kang Samuel, “Hangtod kanus-a ka magsubo alang kang Saulo? Gisalikway ko na siya isip hari sa Israel. Karon, pun-a ug lana ang imong sudlanan nga sungay sa mananap, kay paadtoon ka nako kang Jesse nga taga-Betlehem. Gipili ko na ang usa sa iyang mga anak nga mahimong hari.”

1 Samuel 16:12

Busa gipatawag ni Jesse si David, ug gipaadto didto kanila. Guwapo siya, nindot ang iyang mga mata, ug pulahon ang iyang nawong. Unya miingon ang Ginoo kang Samuel, “Dihogi siya sa lana kay siya ang akong gipili.”