2 Samuel 6:22 - Ang Pulong sa Dios

²² ug himuon ko pang mas makauulaw ang akong kaugalingon kay niini. Makauulaw ako sa imong panan-aw, apan pasidunggan ako sa mga babayeng sulugoon nga imong giingon.”

Ang Biblia 2011

²² Ako maghimo sa akong kaugalingon nga labaw pang salawayon kay niini ug ipaubos diha sa akong kaugalingong mga mata, apan sa mga ulipon nga babaye nga imong gihisgotan, pinaagi kanila, ako ilhon gayod nga dungganan.”

Maayong Balita Biblia

²² Ug himoon ko pa gayong labing salawayon ang akong kaugalingon ug ako tamayon mo unya pag-ayo; apan pasidunggan ako sa mga dalaga nga giingon mo.”

Ang Bag-ong Maayong Balita Biblia

²² Ug himoon ko pa gayong labing salawayon ang akong kaugalingon ug ako tamayon mo unya pag-ayo; apan pasidunggan ako sa mga dalaga nga giingon mo.”

2 Samuel 6:22 Cross References

Genesis 32:10

Dili ako takos nga modawat sa tanan nga kaayo ug pagkamatinumanon nga imo nang gipakita kanako nga imong alagad. Kay sa pagtabok ko kaniadto sa Jordan baston ra ang akong dala, apan karon adunay duha na ako ka grupo.

2 Samuel 6:21

Miingon si David kang Mical, “Gihimo ko kadto sa presensya sa Ginoo nga nagpili kanako labaw sa imong amahan o ni bisan kinsa sa iyang panimalay. Gipili niya ako nga modumala sa iyang katawhan nga mga Israelinhon. Busa magpadayon ako sa paglipay sa presensya sa Ginoo,

2 Samuel 6:23

Wala gayod makabaton ug anak si Mical hangtod nga namatay siya.

Job 40:4

“Dili ako takos nga motubag kanimo. Unsay may akong itubag? Maghilom na lang ako.

Job 42:6

Busa naulaw ako sa tanan kong gisulti bahin kanimo, ug gihinulsolan ko kini pinaagi sa paglingkod sa yuta ug sa abog.”

Salmo 131:1

O Ginoo, dili ako garboso ug mapahitas-on. Wala ako mangandoy sa dagko ug pinasahi nga mga butang nga dili ko masarangan.

Isaias 50:6

Gitahan ko ang akong likod ngadto sa mga nagbunal kanako, ug ang akong nawong ngadto sa nangibot sa akong bangas. Wala ako molikay sa ilang pagpakaulaw kanako ug pagluwa sa akong nawong.

Isaias 51:7

“Pamatia ninyo ako, kamo nga nasayod kon unsa ang husto ug nagtuman sa akong kasugoan! Ayaw kamo kahadlok sa mga pagsaway ug pagpakaulaw sa mga tawo kaninyo.

Marcos 14:66

Samtang didto pa si Pedro sa tugkaran, miagi ang usa sa mga babaye nga sulugoon sa pangulong pari.

1 Timoteo 1:15

Kining akong isulti tinuod ug angay gayod nga dawaton ug tuohan sa tanan: si Cristo Jesus mianhi sa kalibotan aron pagluwas sa mga makasasala. Ug nasayod ako nga ako mao gayod ang labing makasasala sa tanan.

Mga Hebreo 12:2

Isentro nato ang atong huna-huna kang Jesus nga mao ang gisandigan sa atong pagtuo sukad pa sa sinugdan hangtod sa kataposan. Giantos niya ang paglansang kaniya sa krus ug wala niya igsapayan ang kaulaw, tungod kay gihuna-huna niya ang kalipay nga madawat niya unya. Ug karon atua na siya naglingkod sa tuo nga dapit sa trono sa Dios.

1 Pedro 4:14

Busa kon pakaulawan kamo tungod kay mga sumusunod kamo ni Cristo, bulahan kamo kay kini nagpasabot nga anaa kaninyo ang makagagahom nga Espiritu, nga mao ang Espiritu sa Dios.

1 Pedro 5:6

Busa pagpasakop kamo sa gahom sa Dios, kay moabot ang adlaw nga pasidunggan niya kamo.

1 Samuel 2:30

“Kaniadto, ako nga inyong Ginoo, nga Dios sa Israel, nagsaad kaninyo nga kamo lang gayod ug ang mga kaliwat sa inyong katigulangan ang makaalagad kanako isip mga pari hangtod sa kahangtoran. Apan dili na karon, kay pasidunggan ko ang nagpasidungog kanako, ug panghimaraoton ko ang nagtamay kanako.