2 Samuel 6:20 - Ang Pulong sa Dios

²⁰ Sa dihang mipauli si David sa pagbendisyon sa iyang panimalay, gitagbo siya ni Mical nga anak ni Saulo ug gisukmatan, “Pagkahalangdon sa hari sa Israel karong adlawa! Mura siyag buang nga walay kaulaw nga nagsayaw-sayaw nga halos hubo atubangan sa mga babayeng sulugoon sa iyang mga opisyal. Bastos lang nga tawo ang naghimo niana.”

Ang Biblia 2011

²⁰ Unya si David mipauli aron sa pagpanalangin sa iyang panimalay. Apan si Mical nga anak ni Saul migula aron sa pagsugat kang David ug miingon, “Pagkamahimayaon sa hari sa Israel niining adlawa, naghubo sa iyang kaugalingon atubangan sa mga mata sa mga sulugoon nga babaye sa iyang mga alagad, sama sa usa ka tawo nga walay ulaw, naghubo sa iyang kaugalingon!”

Maayong Balita Biblia

²⁰ Mipauli si David aron pagpanalangin sa tibuok niyang banay. Misugat kang David si Mical ug miingon, “Pagkaanindot sa hari sa Israel sa iyang pagpasidungog sa iyang kaugalingon karong adlawa nga walay sapot atubangan sa mga babayeng sulugoon sa iyang mga opisyal! Sama ka sa buangbuang nga naghubo!”

Ang Bag-ong Maayong Balita Biblia

²⁰ Mipauli si David aron pagpanalangin sa tibuok niyang banay. Misugat kang David si Mical ug miingon, “Pagkaanindot sa hari sa Israel sa iyang pagpasidungog sa iyang kaugalingon karong adlawa nga walay sapot atubangan sa mga babayeng sulugoon sa iyang mga opisyal! Sama ka sa buangbuang nga naghubo!”

2 Samuel 6:20 Cross References

Genesis 18:19

Gipili ko siya aron iyang mandoan ang iyang mga kaanakan ug mga kaliwat nga motuman sa akong mga sugo pinaagi sa pagbuhat sa husto ug matarong. Ug pinaagi niana, matuman ang akong gisaad kaniya.”

2 Samuel 6:14

Labihan ang sayaw ni David sa presensya sa Ginoo, nga nagsul-ob lang ug efod nga lino.

2 Samuel 6:16

Sa dihang pasulod na ang Sudlanan sa Ginoo didto sa Lungsod ni David, midungaw si Mical nga anak ni Saulo sa bintana. Ug sa dihang nakita niya si Haring David nga naglukso-lukso ug nagsayaw-sayaw sa presensya sa Ginoo, gitamay niya kini.

2 Samuel 6:18

Pagkahuman niyag halad, gibendisyonan ni David ang mga tawo sa ngalan sa Ginoo nga Makagagahom.

2 Samuel 6:19

Unya gihatagan niya ang matag Israelinhon didto, lalaki ug babaye, ug pan, karne, ug mga pasas. Unya namauli ang mga tawo sa ilang balay.

1 Cronicas 16:43

Unya namauli ang tanan ngadto sa ilang tagsa-tagsa ka mga balay, ug si David mipauli usab aron sa pagbendisyon sa iyang pamilya.

Job 30:8

Wala silay pulos ug wala gani nakaila kanila, ug giabog sila sa ilang yuta.

Salmo 101:2

Magkinabuhi ako nga walay ikasaway. Kanus-a ka man moanhi kanako? Magkinabuhi ako nga walay ikasaway sa akong palasyo.

Salmo 30:1

Gidayeg ka nako, Ginoo, kay giluwas mo ako sa katalagman, ug wala mo tugoti nga magmaya ang akong mga kaaway sa akong kahimtang.

Ecclesiastes 7:17

Ayaw usab pagpasulabi sa pagpakadaotan ug pagpakabuang. Kon imo kining himuon, basin mamatay ka sa dili pa nimo panahon.

Marcos 14:66

Samtang didto pa si Pedro sa tugkaran, miagi ang usa sa mga babaye nga sulugoon sa pangulong pari.

Marcos 3:21

Pagkadungog sa iyang pamilya mahitungod sa mga gipangbuhat ni Jesus, miadto sila didto aron kuhaon siya, kay nag-ingon ang mga tawo nga nabuang siya.

Juan 13:6

Sa pag-abot niya kang Simon Pedro, miingon si Simon kaniya, “Ginoo, hugasan mo ba ang akong mga tiil?”

Josue 24:15

Apan kon dili ninyo ikalipay ang pag-alagad sa Ginoo, pagpili kamo karong adlawa kon kinsa ang inyong alagaron, ang mga dios nga gialagad sa inyong mga katigulangan sa tabok sa Suba sa Eufrates, o ang mga dios sa mga Amorihanon kansang yuta inyong gipuy-an karon. Apan ako ug ang akong pamilya moalagad sa Ginoo.”

Mga Maghuhukom 9:4

Gihatagan nila si Abimelec ug 70 kabuok nga pilak gikan sa templo ni Baal Berit, ug gigamit niya kini sa pagsuhol ug mga bugoy nga mosunod kaniya.

1 Samuel 14:49

Ang mga anak nga lalaki ni Saulo mao si Jonatan, si Ishvi, ug si Malkishua. Ang iyang mga anak nga babaye mao si Merab, ang magulang, ug si Mical, ang manghod.

1 Samuel 18:20

Unya ang usa ka anak ni Saulo nga babaye nga si Mical nakagusto kang David. Ug sa dihang gisultihan si Saulo bahin niini, nalipay siya.