2 Samuel 12:21 - Ang Pulong sa Dios

²¹ Miingon ang iyang mga alagad kaniya, “Unsa kining imong gibuhat? Sa dihang buhi pa ang bata, nagpuasa ka ug mihilak, apan karong patay na ang bata, mibangon ka ug mikaon!”

Ang Biblia 2011

²¹ Unya ang iyang mga sulugoon miingon kaniya, “Unsang butanga kining imong nabuhat? Ikaw nagpuasa ug naghilak alang sa bata sa buhi pa siya apan sa diha nga namatay na ang bata, ikaw mitindog ug mikaon.”

Maayong Balita Biblia

²¹ Unya giingnan siya sa iyang mga kadagkoan, “Unsa man kining gibuhat mo? Nagpuasa ka ug gihilakan mo ang bata samtang buhi pa siya. Apan sa pagkamatay sa bata, mitindog ka hinuon ug mikaon.”

Ang Bag-ong Maayong Balita Biblia

²¹ Unya giingnan siya sa iyang mga kadagkoan, “Unsa man kining gibuhat mo? Nagpuasa ka ug gihilakan mo ang bata samtang buhi pa siya. Apan sa pagkamatay sa bata, mitindog ka hinuon ug mikaon.”

2 Samuel 12:21 Cross References

2 Samuel 12:20

Unya mibangon si David, naligo, nanghaplas ug humot nga lana, ug nag-ilis. Miadto siya sa balay sa Ginoo ug misimba. Unya mipauli siya, nagpahukad ug pagkaon, ug mikaon.

2 Samuel 12:22

Mitubag si David, “Oo, nagpuasa ako ug mihilak sa dihang buhi pa ang bata kay namasin ako nga kaloy-an ako sa Ginoo ug dili niya itugot nga mamatay ang bata.

2 Mga Hari 20:3

Miingon siya, “Ginoo, hinumdomi nga nagkinabuhi ako nga matinumanon kanimo ug nag-alagad sa kinasing-kasing, ug gibuhat ko ang tanan nga makalipay kanimo.” Ug mihilak siya ug kusog.

1 Mga Taga-Corinto 2:15

Ang tawo nga nakabaton sa Espiritu ang nagsusi niining tanan, apan dili siya ubos sa pagsusi sa ubang tawo.