2 Samuel 12:20 - Ang Pulong sa Dios

²⁰ Unya mibangon si David, naligo, nanghaplas ug humot nga lana, ug nag-ilis. Miadto siya sa balay sa Ginoo ug misimba. Unya mipauli siya, nagpahukad ug pagkaon, ug mikaon.

Ang Biblia 2011

²⁰ Unya si David mibangon gikan sa yuta ug naligo ug nagdihog sa iyang kaugalingon ug nag-ilis sa iyang bisti. Ug miadto siya sa balay sa Ginoo ug misimba. Unya miadto siya sa iyang kaugalingong balay ug sa dihang nangayo siya, sila midulot ug pagkaon sa iyang atubangan ug siya mikaon.

Maayong Balita Biblia

²⁰ Unya mibangon si David ug naligo. Nagdihog siyag lana sa iyang kaugalingon ug nag-ilis siya. Unya miadto siya sa balay sa Ginoo ug misimba. Unya mipauli siya sa ila. Ug sa pagpangayo niyag pagkaon, gihatagan siya ug mikaon siya.

Ang Bag-ong Maayong Balita Biblia

²⁰ Unya mibangon si David ug naligo. Nagdihog siyag lana sa iyang kaugalingon ug nag-ilis siya. Unya miadto siya sa balay sa Ginoo ug misimba. Unya mipauli siya sa ila. Ug sa pagpangayo niyag pagkaon, gihatagan siya ug mikaon siya.

2 Samuel 12:20 Cross References

2 Samuel 12:19

Nakita ni David nga naghinunghongay ang iyang mga alagad, busa nasabtan niya nga patay na ang bata. Nangutana siya, “Patay na ba ang bata?” Mitubag sila, “Oo.”

2 Samuel 12:21

Miingon ang iyang mga alagad kaniya, “Unsa kining imong gibuhat? Sa dihang buhi pa ang bata, nagpuasa ka ug mihilak, apan karong patay na ang bata, mibangon ka ug mikaon!”

2 Samuel 14:2

Busa nagsugo siyag usa ka tawo nga magkuha ug usa ka maalamon nga babaye gikan sa Tekoa. Pag-abot sa babaye, miingon si Joab kaniya, “Pagpakaaron-ingnon nga nagbangotan ka alang sa patay. Pagsul-ob ug bisti nga ginasul-ob sa nagbangotan. Ayaw pagpaguwapa, kondili, pagpakaaron-ingnon nga usa ka babayeng nagbangotan alang sa patay sulod sa taas na nga panahon.

2 Samuel 19:24

Miadto usab didto si Mefiboset nga apo ni Saulo sa pagtagbo kang David. Gikan siya sa Jerusalem. Wala siya makapanghimasa sa iyang tiil, wala makapamalbas, ug wala usab makailis sa iyang bisti sukad sa pagbiya ni David sa Jerusalem hangtod nga nahibalik kini nga luwas sa kakuyaw. Sa pag-abot niya didto, gipangutana siya ni David, “Mefiboset, nganong wala ka man mouban kanako?”

2 Samuel 6:17

Gibutang nila ang Sudlanan sa Ginoo sulod sa tolda nga gipatindog ni David alang niini. Unya naghalad si David sa Ginoo ug mga halad nga sinunog ug mga halad alang sa maayong relasyon.

2 Samuel 7:18

Unya misulod si Haring David sa Tolda sa Sudlanan sa Kasabotan. Milingkod siya diha sa presensya sa Ginoo ug nag-ampo: “Ginoong Dios, si kinsa ba gayod ako ug ang akong pamilya nga gipanalanginan mo man ako ug sama niini?

Job 1:20

Pagkadungog niadto ni Job, mitindog siya ug gigisi niya ang iyang bisti. Unya gikiskisan niya ang iyang ulo ug mihapa sa yuta sa pagsimba sa Ginoo.

Job 2:10

Mitubag si Job, “Walay pulos ang imong gipanulti. Ang maayo lang ba diay ang atong dawaton gikan sa Dios, ug dili ang daotan?” Bisan sa nahitabo kaniya, wala makasala si Job pinaagi sa pagsultig daotan.

Salmo 103:1

Dayegon ko gayod ang  Ginoo. Dayegon ko siya sa iyang pagkabalaan sa tibuok kong kinabuhi.

Salmo 103:8

Adunay kahangawa siya ug maluloy-on; mahigugmaon siya ug dili daling masuko.

Salmo 39:9

Magpakahilom na lang ako; dili ako moreklamo kay imo kining pagbuot.

Salmo 95:6

Dali! Moluhod kita sa pagsimba sa Ginoo nga naghimo kanato.

Mga Panultihon 3:7

Ayaw paghuna-huna nga maalamon ka na gayod. Tahora hinuon ang  Ginoo ug ayaw paghimog daotan.

Ecclesiastes 9:8

Pagsadya ug paglipay sa kanunay.

Mateo 6:17

Apan kon kamo magpuasa, panghilam-os kamo ug panudlay,

Lucas 7:46

Wala mo butangi ug lana ang akong ulo agi ug pagdawat kanako, apan kini nga babaye, ang mahalon pa gayod nga pahumot ang iyang gibubo sa akong tiil.

Ruth 3:3

Busa maligo ka, magpahumot, ug isul-ob ang nindot mong bisti. Unya moadto ka sa giokanan, apan ayaw pagpakita kaniya hangtod nga mahuman siya ug kaon ug inom.

1 Samuel 15:25

Apan karon, nagpakiluoy ako kanimo nga pasayloon mo ako sa akong mga sala, ug mouban ka kanako sa pagsimba sa Ginoo.”

1 Samuel 15:31

Busa miuban si Samuel kang Saulo, ug misimba si Saulo sa Ginoo.