2 Samuel 12:22 - Ang Pulong sa Dios

²² Mitubag si David, “Oo, nagpuasa ako ug mihilak sa dihang buhi pa ang bata kay namasin ako nga kaloy-an ako sa Ginoo ug dili niya itugot nga mamatay ang bata.

Ang Biblia 2011

²² Ug siya miingon, “Samtang ang bata buhi pa, ako nagpuasa ug naghilak, kay ako miingon, ‘Kinsay nasayod kon ang Ginoo maluoy ba kanako, aron ang bata mabuhi?’

Maayong Balita Biblia

²² Mitubag siya, “Samtang ang bata buhi pa, nagpuasa ako ug naghilak kay giingnan ko ang akong kaugalingon, ‘Kinsay nasayod nga pinaagi niini kaluy-an ako sa Ginoo ug buhion niya ang bata?’

Ang Bag-ong Maayong Balita Biblia

²² Mitubag siya, “Samtang ang bata buhi pa, nagpuasa ako ug naghilak kay giingnan ko ang akong kaugalingon, ‘Kinsay nasayod nga pinaagi niini kaluy-an ako sa Ginoo ug buhion niya ang bata?’

2 Samuel 12:22 Cross References

2 Samuel 12:21

Miingon ang iyang mga alagad kaniya, “Unsa kining imong gibuhat? Sa dihang buhi pa ang bata, nagpuasa ka ug mihilak, apan karong patay na ang bata, mibangon ka ug mikaon!”

2 Mga Hari 20:3

Miingon siya, “Ginoo, hinumdomi nga nagkinabuhi ako nga matinumanon kanimo ug nag-alagad sa kinasing-kasing, ug gibuhat ko ang tanan nga makalipay kanimo.” Ug mihilak siya ug kusog.

Isaias 38:5

nga mobalik kang Ezequias ug isulti kini: “Mao kini ang giingon sa Ginoo, nga Dios sa imong katigulangan nga si David: Nadungog ko ang imong pag-ampo ug nakita ko ang imong mga luha. Dugangan ko pag 15 ka tuig ang imong kinabuhi.

Joel 1:14

Sultihi ninyo ang mga tigdumala sa Juda ug ang tanang mga lumulupyo niini nga magtigom ug magpuasa silang tanan sa Templo sa Ginoo nga inyong Dios. Mangayo sila ug tabang sa Ginoo.

Joel 2:14

Basin pa lang mausab ang huna-huna sa Ginoo nga inyong Dios, ug panalanginan niya ang inyong mga abot, aron makahalad na kamo kaniya ug mga trigo ug bino.

Amos 5:15

Likayi ninyo ang daotan ug himoa ninyo ang maayo, ug ipatigbabaw ang hustisya diha sa korte. Basin pa ug maluoy ang Ginoong Dios nga Makagagahom sa nabiling mga kaliwat ni Jose.

Jonas 1:6

Unya miadto kaniya ang kapitan sa barko ug miingon, “Nakahimo ka pa sa pagtulog? Bangon, ug pangayo ug tabang sa imong dios! Basin pa ug maluoy siya kanato, ug tabangan niya kita nga dili kita mangamatay.”