1 Samuel 4:19 - Ang Pulong sa Dios

¹⁹ Niadto usab nga higayon, ang umagad ni Eli nga asawa ni Pinehas manganakay na. Sa dihang nadunggan niya nga nailog ang Sudlanan sa Dios ug namatay ang iyang bana ug ugangang lalaki, kalit lang siyang nagbati ug naglisod sa pagpanganak.

Ang Biblia 2011

¹⁹ Ang iyang umaagad nga asawa ni Pinehas mabdos ug hapit nang manganak. Sa pagkabalita niya nga ang sudlanan sa kasabotan sa Dios nailog, ug nga ang iyang ugangan nga lalaki ug ang iyang bana namatay, siya mitikubo ug nanganak tungod kay ang pagbati miabot man kaniya.

Maayong Balita Biblia

¹⁹ Niadtong higayona hapit na manganak ang umagad ni Eli, ang asawa ni Pinehas. Ug sa pagkabalita niya nga nailog ang Sudlanan sa Kasabotan ug nga namatay ang iyang ugangan ug ang iyang bana, misakit dayon ang iyang tiyan ug nanganak siya.

Ang Bag-ong Maayong Balita Biblia

¹⁹ Niadtong higayona hapit na manganak ang umagad ni Eli, ang asawa ni Pinehas. Ug sa pagkabalita niya nga nailog ang Sudlanan sa Kasabotan ug nga namatay ang iyang ugangan ug ang iyang bana, misakit dayon ang iyang tiyan ug nanganak siya.

1 Samuel 4:19 Cross References

Genesis 3:16

Miingon usab siya sa babaye, “Tungod sa imong gibuhat, dugangan ko ang kalisod sa imong pagpanamkon ug ang kasakit sa pagpanganak. Ug bisan pa niana, mangandoy ka gihapon sa imong bana, ug siya ang mogahom kanimo.”

Genesis 35:17

Naglisod siya sa iyang pagpanganak, ug sa dihang nakaanak na siya, miingon ang mananabang kaniya, “Ayaw kahadlok Raquel, lalaki na usab ang imong anak.”

1 Mga Hari 14:1

Niadtong panahona, nagsakit ang anak nga lalaki ni Jeroboam nga si Abias.

Salmo 78:64

Nangamatay sa gira ang ilang mga pari, ug ang ilang mga biyuda dili makahimo sa pagbangotan alang kanila.

Jeremias 26:6

laglagon ko kining Templo, maingon nga gilaglag ko ang Silo. Ug kini nga siyudad panghimaraoton sa tanang nasod sa tibuok kalibotan.”

1 Samuel 4:18

Sa dihang nahisgotan sa tawo ang bahin sa Sudlanan sa Dios, natikay-ang si Eli gikan sa iyang gilingkoran didto sa kilid sa pultahan sa lungsod. Nabali ang iyang liog ug namatay siya, kay tambok man gud siya ug tigulang na. Nahimo siyang pangulo sa Israel sulod sa 40 ka tuig.

1 Samuel 4:20

Sa dihang himalatyon na siya, miingon ang mga babaye nga nagpaanak kaniya, “Lig-ona ang imong kaugalingon! Lalaki ang imong anak!” Apan wala siya manumbaling ni motubag.