1 Samuel 4:20 - Ang Pulong sa Dios

²⁰ Sa dihang himalatyon na siya, miingon ang mga babaye nga nagpaanak kaniya, “Lig-ona ang imong kaugalingon! Lalaki ang imong anak!” Apan wala siya manumbaling ni motubag.

Ang Biblia 2011

²⁰ Sa dihang nag-ungaw siya sa kamatayon, ang mga babaye nga nag-atiman miingon kaniya, “Ayaw kahadlok kay ikaw nanganak ug usa ka batang lalaki.” Apan wala siya motubag o mohatag ug pagtagad.

Maayong Balita Biblia

²⁰ Nag-ungaw siya sa kamatayon ug giingnan siya sa mananabang, “Ayaw kahadlok kay lalaki ang imong anak.” Apan wala siya motingog o magtagad.

Ang Bag-ong Maayong Balita Biblia

²⁰ Nag-ungaw siya sa kamatayon ug giingnan siya sa mananabang, “Ayaw kahadlok kay lalaki ang imong anak.” Apan wala siya motingog o magtagad.

1 Samuel 4:20 Cross References

Genesis 35:16

Unya, mibiya si Jacob ug ang iyang panimalay sa Betel. Layo-layo pa sila sa lungsod sa Efrata sa dihang nagbati na si Raquel.

Salmo 77:2

Sa panahon sa kalisod nag-ampo ako sa Ginoo. Sa panahon sa kagabhion wala ako gikapoy sa pagbayaw sa akong mga kamot sa pag-ampo, apan wala gihapon ako malipay.

Juan 16:21

Sama sa babayeng nagbati tungod kay manganak na siya. Apan kon matawo na gani ang bata, malimot na siya sa kasakit tungod sa iyang kalipay nga natawo na ang iyang anak dinhi sa kalibotan.

1 Samuel 4:19

Niadto usab nga higayon, ang umagad ni Eli nga asawa ni Pinehas manganakay na. Sa dihang nadunggan niya nga nailog ang Sudlanan sa Dios ug namatay ang iyang bana ug ugangang lalaki, kalit lang siyang nagbati ug naglisod sa pagpanganak.