1 Samuel 4:18 - Ang Pulong sa Dios

¹⁸ Sa dihang nahisgotan sa tawo ang bahin sa Sudlanan sa Dios, natikay-ang si Eli gikan sa iyang gilingkoran didto sa kilid sa pultahan sa lungsod. Nabali ang iyang liog ug namatay siya, kay tambok man gud siya ug tigulang na. Nahimo siyang pangulo sa Israel sulod sa 40 ka tuig.

Ang Biblia 2011

¹⁸ Sa diha nga nakahisgot siya mahitungod sa sudlanan sa kasabotan sa Dios, si Eli nahayang gikan sa iyang gilingkoran sa kiliran sa ganghaan ug ang iyang liog nabali ug siya namatay kay siya tigulang na man ug bug-at. Naghukom siya sa Israel sulod sa 40 ka tuig.

Maayong Balita Biblia

¹⁸ Sa paghisgot niya sa Sudlanan sa Kasabotan, si Eli natikay-ang ug nabali ang iyang liog ug namatay kay tigulang na man siya ug bug-at ang iyang lawas. Nangulo siya sa Israel sulod sa 40 ka tuig.

Ang Bag-ong Maayong Balita Biblia

¹⁸ Sa paghisgot niya sa Sudlanan sa Kasabotan, si Eli natikay-ang ug nabali ang iyang liog ug namatay kay tigulang na man siya ug bug-at ang iyang lawas. Nangulo siya sa Israel sulod sa 40 ka tuig.

1 Samuel 4:18 Cross References

Salmo 26:8

Gihigugma ko ang balay nga gipuy-an mo, Ginoo, ang dapit diin makita ang imong pagkagamhanan.

Salmo 42:10

Daw madugmok ang akong kabukogan sa pagbiay-biay nila kanako adlaw-adlaw nga nag-ingon, “Asa na man ang imong Dios?”

Salmo 42:3

Adlaw ug gabii grabe ang akong hilak. Nagsigeg pangutana ang mga tawo kanako, “Asa na man ang imong Dios?”

Salmo 69:9

Tungod sa paghigugma ko sa imong balay, ginalaglag ako, ug gisakitan ako sa mga pagpanamastamas sa mga tawo kanimo.

Levitico 10:3

Unya miingon si Moises kang Aaron, “Mao kini ang buot ipasabot sa Ginoo sa dihang miingon siya: “ ‘Kinahanglan ilhon sa mga pari ang akong pagkabalaan, ug kinahanglan pasidunggan ako sa tanang katawhan.’ ” Wala makatubag si Aaron.

Mga Maghuhukom 15:20

Gipangulohan ni Samson ang mga Israelinhon sulod sa 20 ka tuig. Ug sulod niadtong panahona, sakop sa gahom sa mga Filistihanon ang ilang yuta.

1 Samuel 4:13

Pag-abot niya sa Silo, didto si Eli daplin sa dalan nga naglingkod sa bangko ug nagbantay tungod kay nabalaka kaayo kini sa Sudlanan sa Dios. Niadtong higayona, 98 ka tuig na si Eli ug halap na. Unya gibalita sa tawo didto sa lungsod ang nahitabo sa gira. Naniyabaw ang mga tawo sa pagkadungog nila niini. Nadunggan kini ni Eli ug nangutana siya, “Nganong naniyabaw ang mga tawo?” Midali-dali ug duol ang tawo kaniya

1 Samuel 4:17

Mitubag ang tawo, “Nangikyas ang mga Israelinhon gikan sa mga Filistihanon ug daghan kaayog nangamatay sa atong mga sundalo, apil na ang imong duha ka anak nga si Hofni ug si Pinehas. Ug ang Sudlanan sa Dios nailog.”

1 Samuel 4:19

Niadto usab nga higayon, ang umagad ni Eli nga asawa ni Pinehas manganakay na. Sa dihang nadunggan niya nga nailog ang Sudlanan sa Dios ug namatay ang iyang bana ug ugangang lalaki, kalit lang siyang nagbati ug naglisod sa pagpanganak.