1 Samuel 26:10 - Ang Pulong sa Dios

¹⁰ Ginasiguro ko gayod kanimo, sa presensya sa buhi nga Ginoo, nga ang Ginoo mismo ang mopatay kaniya, o mamatay siya sa natural nga kamatayon o sa gira.

Ang Biblia 2011

¹⁰ Ug si David miingon, “Ingon nga ang Ginoo buhi, ang Ginoo ang maghampak kaniya o ang iyang adlaw sa kamatayon moabot o siya moadto sa gubat ug mamatay.

Maayong Balita Biblia

¹⁰ Nakasiguro ako nga silotan gayod siya sa Ginoo. Mahimong mamatay siya sa natural nga paagi o sa gubat.

Ang Bag-ong Maayong Balita Biblia

¹⁰ Nakasiguro ako nga silotan gayod siya sa Ginoo. Mahimong mamatay siya sa natural nga paagi o sa gubat.

1 Samuel 26:10 Cross References

Genesis 47:29

Sa dihang hapit na siya mamatay, gipatawag niya si Jose ug giingnan, “Kon mahimo itapion ang imong kamot taliwala sa duha ko ka paa ug panumpa nga ipadayon mo ang imong kaayo kanako. Ayaw ako ilubong dinhi sa Ehipto.

Job 14:14

Kon mamatay ang tawo mabuhi pa ba siya pag-usab? Kon ingon niana, agwantahon ko ang tibuok nga panahon sa akong pag-antos hangtod moabot ang panahon nga matapos kini.

Job 14:5

Gitakda mo na kon unsa kataas ang kinabuhi sa tawo. Ug dili siya makalapas sa panahon nga gitagal mo kaniya.

Job 7:1

“Ang kinabuhi sa tawo dinhi sa kalibotan labihan kakapoy, sama kakapoy sa adlaw-adlaw nga trabaho sa usa ka trabahante,

Salmo 37:10

Sa dili madugay mangahanaw ang mga daotan. Bisan pangitaon pa ninyo sila, dili na ninyo sila makita.

Salmo 37:13

Apan nagkatawa lang ang Ginoo sa mga daotan, kay nahibalo siya nga hapit na ang panahon nga laglagon sila.

Salmo 94:23

Silotan mo sila ug laglagon tungod sa ilang mga sala. Laglagon mo gayod sila, Ginoo nga among Dios.

Ecclesiastes 3:2

Adunay panahon sa pagkatawo ug adunay panahon sa pagkamatay, adunay panahon sa pagtanom ug adunay panahon sa pag-ani,

Lucas 18:7

Ang Dios pa kaha ang dili molaban sa iyang mga pinili nga nagtawag kaniya adlaw ug gabii?

Roma 12:19

Mga hinigugma, ayaw gayod kamo pagpanimalos, kondili itugyan ninyo kini sa Dios nga mao ang magsilot kanila. Kay sa Kasulatan nag-ingon ang Dios: “Ako ang manimalos; ako ang magsilot.”

Deuteronomio 31:14

Miingon ang Ginoo kang Moises, “Hapit ka nang mamatay; busa ipatawag si Josue ug adto kamo sa Tolda nga Tagboanan, kay tudloan ko siya didto sa iyang pagahimuon.” Busa miadto si Moises ug si Josue sa Tolda nga Tagboanan.

Deuteronomio 32:35

Manimalos ang Ginoo ug magsilot kanila, kay moabot ang panahon nga madakin-as gayod sila. Hapit na moabot ang ilang kalaglagan.”

Mga Hebreo 10:30

Kay nailhan nato ang Dios nga nag-ingon, “Ako ang manimalos. Ako ang bahala nga mosilot.” Ug aduna pa gayod nasulat nga nag-ingon, “Hukman sa Ginoo ang iyang katawhan!”

Mga Hebreo 9:27

Ang tawo kausa lang gayod mamatay, ug pagkahuman hukman siya sa Dios.

Gipadayag 18:8

Tungod niini, moabot kaniya ang mga katalagman: mga kasakit, mga kasubo ug kagutom, sulod lang sa usa ka adlaw. Human niini, sunogon siya, tungod kay gamhanan ang Ginoong Dios nga naghukom kaniya.

1 Samuel 24:12

“Hinaut nga ang Ginoo mao ang maghukom kanatong duha, ug hinaut nga panimaslan ka niya sa imong daotang gihimo kanako. Apan ako dili gayod manghilabot kanimo,

1 Samuel 24:15

Hinaut nga ang Ginoo mao ang maghukom ug modesisyon kon kinsa ang sad-an kanatong duha. Hinaut nga dunggon niya ako, labanan ug luwason gikan sa imong mga kamot.”

1 Samuel 25:26

“Karon, gipugngan ka sa Ginoo sa pagpanimalos ug sa pagpatay. Ipanumpa ko sa buhi nga Ginoo ug kanimo, nga hinaut pa nga ang imong mga kaaway ug ang tanan nga buot mopasipala kanimo silotan sa Dios sama nga silotan niya si Nabal.

1 Samuel 25:38

Paglabay sa napulo ka adlaw, gisilotan siya sa Ginoo ug namatay.

1 Samuel 25:39

Sa dihang nadunggan ni David nga namatay si Nabal, miingon siya, “Dalaygon ang Ginoo! Siya ang nanimalos ngadto kang Nabal sa pag-insulto niini kanako, ug gilikay niya ako sa pagpanimalos. Gisilotan niya si Nabal sa daotan niyang gihimo kanako.” Unya nagpadala si David ug mga mensahero sa pagsulti kang Abigail nga buot niya kining pangasaw-on.

1 Samuel 31:4

Miingon si Saulo sa tigdala sa iyang armas, “Ibta ang imong espada ug patya ako, kay kon dili, sila nga mga wala nakaila sa Dios mao ang mopatay kanako, ug bugal-bugalan nila ako.” Apan nahadlok mopatay kaniya ang tigdala sa iyang armas, busa gikuha ni Saulo ang iyang kaugalingong espada, ug giunay ang iyang kaugalingon.

1 Samuel 31:6

Busa namatay si Saulo, ang iyang tulo ka anak nga lalaki, ang tigdala sa iyang armas, ug ang tanan niyang mga tawo niadtong adlawa.