1 Samuel 26:11 - Ang Pulong sa Dios

¹¹ Apan dili motugot ang Ginoo nga ako ang mopatay sa iyang pinili nga hari. Kuhaon lang nato ang bangkaw ug ang sudlanan sa tubig nga anaa sa iyang ulohan, ug unya mamiya kita.”

Ang Biblia 2011

¹¹ Ang Ginoo nagdili nga bakyawon nako ang akong kamot batok sa dinihogan sa Ginoo, apan karon kuhaa ang bangkaw nga anaa sa iyang ulohan ug ang tibod sa tubig, ug manglakaw kita.”

Maayong Balita Biblia

¹¹ Dili motugot ang Ginoo nga pasipad-an ko ang iyang pinili apan kuhaon nato ang iyang bangkaw nga anaa sa iyang ulohan ug ang iyang tibod nga sudlanag tubig ug mamahawa kita.”

Ang Bag-ong Maayong Balita Biblia

¹¹ Dili motugot ang Ginoo nga pasipad-an ko ang iyang pinili apan kuhaon nato ang iyang bangkaw nga anaa sa iyang ulohan ug ang iyang tibod nga sudlanag tubig ug mamahawa kita.”

1 Samuel 26:11 Cross References

2 Samuel 1:14

Miingon si David, “Wala ka ba mahadlok sa pagpatay sa hari nga pinili sa Ginoo?”

2 Samuel 1:16

Miingon si David, “Ikaw, Amalekanhon, mao ang responsable sa imong kamatayon, tungod kay ikaw mismo ang nagpamatuod batok sa imong kaugalingon sa dihang misulti ka nga gipatay mo ang hari nga pinili sa Ginoo.”

2 Samuel 19:22

Apan miingon si David, “Kamong mga anak ni Zeruya, unsay inyong labot? Mura kamog akong mga kaaway! Ayaw ninyog supaka ang akong hukom. Ako na karon ang hari sa Israel, ug walay tawo nga patyon karong adlawa.”

Salmo 17:4

sama sa ginabuhat sa uban. Pinaagi sa pagtuman sa imong mga sugo, nalikayan ko ang pagsunod sa mga daotan.

Roma 12:17

Kon adunay magbuhat ug daotan kaninyo ayaw kamo pagbalos ug daotan. Hinuon huna-hunaa ninyo kon sa unsa nga pamaagi kamo makahimog maayo atubangan sa mga tawo.

Roma 12:19

Mga hinigugma, ayaw gayod kamo pagpanimalos, kondili itugyan ninyo kini sa Dios nga mao ang magsilot kanila. Kay sa Kasulatan nag-ingon ang Dios: “Ako ang manimalos; ako ang magsilot.”

1 Pedro 3:9

Ayaw ninyo balosi ug daotan ang nagbuhat ug daotan kaninyo, ug ayaw usab ninyo insultoha ang nanginsulto kaninyo. Ang angay ninyong buhaton, mag-ampo kamo nga kaloy-an sila sa Dios, tungod kay gipili kamo sa Dios sa pagbuhat niini, aron kaloy-an usab niya kamo.

1 Samuel 12:3

Karon, ania ako sa inyong atubangan. Kon aduna akoy nahimo nga daotan, sultihi ninyo ako diha sa presensya sa Ginoo ug sa hari nga iyang gipili. Aduna ba akoy gikuha nga baka o asno gikan ni bisan kinsa kaninyo? Aduna ba akoy gilimbongan o gidaog-daog kaninyo? Midawat ba ako ug suborno ug nagpakanaog ug hukom nga dili makatarunganon? Kon mapamatud-an ninyo nga nahimo ko ang bisan usa niini, bayran ko kini.”

1 Samuel 24:12

“Hinaut nga ang Ginoo mao ang maghukom kanatong duha, ug hinaut nga panimaslan ka niya sa imong daotang gihimo kanako. Apan ako dili gayod manghilabot kanimo,

1 Samuel 24:4

Miingon ang mga tawo ni David kaniya, “Mao na gayod kini ang higayon nga giingon sa Ginoo nga itugyan niya kanimo ang imong kaaway ug bahala ka na kon unsa ang imong gustong buhaton kaniya.” Unya mihinay-hinay ug duol si David ngadto sa nahimutangan ni Saulo ug giputol niya ang tumoy sa bisti niini. Wala kini mamatikdi ni Saulo.

1 Samuel 24:6

Miingon siya sa iyang mga tawo, “Hinaut nga dili motugot ang Ginoo nga maghimo akog daotan batok sa akong agalon, ang hari nga pinili sa Ginoo.”