1 Samuel 26:9 - Ang Pulong sa Dios

⁹ Apan miingon si David kang Abishai, “Ayaw siyag patya! Kay silotan gayod sa Ginoo ang mopatay sa iyang pinili nga hari.

Ang Biblia 2011

⁹ Apan si David miingon kang Abisai, “Ayaw siya patya, kay si kinsa ba ang makabakyaw sa iyang kamot batok sa dinihogan sa Ginoo ug walay sala?”

Maayong Balita Biblia

⁹ Apan giingnan ni David si Abisai, “Ayaw siya patya kay ang mopatay sa pinili sa Ginoo silotan gayod.

Ang Bag-ong Maayong Balita Biblia

⁹ Apan giingnan ni David si Abisai, “Ayaw siya patya kay ang mopatay sa pinili sa Ginoo silotan gayod.

1 Samuel 26:9 Cross References

2 Samuel 1:14

Miingon si David, “Wala ka ba mahadlok sa pagpatay sa hari nga pinili sa Ginoo?”

2 Samuel 1:16

Miingon si David, “Ikaw, Amalekanhon, mao ang responsable sa imong kamatayon, tungod kay ikaw mismo ang nagpamatuod batok sa imong kaugalingon sa dihang misulti ka nga gipatay mo ang hari nga pinili sa Ginoo.”

2 Samuel 19:22

Apan miingon si David, “Kamong mga anak ni Zeruya, unsay inyong labot? Mura kamog akong mga kaaway! Ayaw ninyog supaka ang akong hukom. Ako na karon ang hari sa Israel, ug walay tawo nga patyon karong adlawa.”

Salmo 105:15

“Ayaw ninyo hilabti ang akong piniling mga alagad; ayaw ninyo pasipad-i ang akong mga propeta.”

Salmo 17:4

sama sa ginabuhat sa uban. Pinaagi sa pagtuman sa imong mga sugo, nalikayan ko ang pagsunod sa mga daotan.

Salmo 57:1

O Dios, Kaloy-i ako, kay kanimo ako nangayo ug pagpanalipod sama sa mga piso sa langgam nga motago ilalom sa mga pako sa ilang inahan. Magpailalom ako sa imong pagpanalipod hangtod nga mahuman ang mga katalagman.

Salmo 7:4

o gibalosan ko ug daotan ang maayong gihimo sa akong higala, o giilogan ko ug mga kabtangan ang akong mga kaaway sa walay igong hinungdan,

1 Samuel 10:1

Unya nagkuha si Samuel ug usa ka tibod sa lana ug gibubo ang sulod niini sa ulo ni Saulo. Gihagkan niya si Saulo ug miingon, “Ang Ginoo mismo ang nagpili kanimo nga mangulo sa katawhan nga iyang gipanag-iyahan.

1 Samuel 12:3

Karon, ania ako sa inyong atubangan. Kon aduna akoy nahimo nga daotan, sultihi ninyo ako diha sa presensya sa Ginoo ug sa hari nga iyang gipili. Aduna ba akoy gikuha nga baka o asno gikan ni bisan kinsa kaninyo? Aduna ba akoy gilimbongan o gidaog-daog kaninyo? Midawat ba ako ug suborno ug nagpakanaog ug hukom nga dili makatarunganon? Kon mapamatud-an ninyo nga nahimo ko ang bisan usa niini, bayran ko kini.”

1 Samuel 26:8

Miingon si Abishai kang David, “Karong adlawa gitugyan na sa Dios kanimo ang imong kaaway. Karon tugoti ako sa pagpatay kaniya pinaagi sa bangkaw. Ipapilit ko siya sa yuta sa usa lang ka pagduslak.”