1 Samuel 2:5 - Ang Pulong sa Dios

⁵ Ang mga haruhay kaniadto nagpasuhol na karon aron lang makakaon. Apan ang mga gutom kaniadto haruhay na karon. Ang baog kaniadto karon daghan na ug anak. Apan ang daghan ug mga anak kaniadto nag-inusara na karon.

Ang Biblia 2011

⁵ Kadtong mga busog nagpasuhol sa ilang kaugalingon aron makakaon, apan kadtong gigutom, wala na gutoma. Siya nga dili manganak nanganak ug pito apan siya nga daghan ug mga anak nawad-an ug paglaom.

Maayong Balita Biblia

⁵ Nagpasuhol na aron makakaon ang kaniadto mga busog ug nabusog na ang kaniadto gigutom. Nanganak ug pito ang kaniadto wala manganak apan nag-inusara na lamang ang kaniadto daghag anak.

Ang Bag-ong Maayong Balita Biblia

⁵ Nagpasuhol na aron makakaon ang kaniadto mga busog ug nabusog na ang kaniadto gigutom. Nanganak ug pito ang kaniadto wala manganak apan nag-inusara na lamang ang kaniadto daghag anak.

1 Samuel 2:5 Cross References

Salmo 113:9

Gilipay niya ang panimalay sa baog nga babaye pinaagi sa paghatag kaniya ug mga anak. Dayega ang  Ginoo!

Salmo 34:10

Ang mga liyon mahimong makabsan sa kalan-on ug magutman, apan ang mga nagdangop sa Ginoo dili gayod makabsan sa maayong mga butang.

Isaias 33:9

Alaot ang yuta sa Israel. Nangalaya ang kakahoyan sa Lebanon, ug naulawan kini. Nahisama sa kamingawan ang kapatagan sa Sharon. Nangatagak ang mga dahon sa mga kahoy sa Basan ug Carmel.

Isaias 54:1

Miingon ang  Ginoo, “Pag-awit, O Jerusalem, ikaw nga sama sa usa ka babayeng baog. Pag-awit ug paghugyaw sa kalipay, ikaw nga wala gayod makasinati sa kasakit sa pagpanganak. Tungod kay bisan biniyaan ka, mas daghan pa unya ang imong mahimong anak kay sa babayeng nagpuyo uban sa iyang bana.

Jeremias 15:9

Malipong ug halos dili na makaginhawa ang inahan nga mamatyan ug pito ka anak nga lalaki. Ang iyang mga anak pareha sa adlaw nga misalop ug sayo. Maulawan gayod siya kay mawad-an siyag mga anak. Ug ang mahibiling buhi ipapatay ko pa sa ilang mga kaaway. Ako, ang  Ginoo, ang nag-ingon niini.”

Lucas 1:53

Gitagbaw niya sa mga maayong butang ang mga gigutom. Apan gihinginlan niya nga wala gayoy dala ang mga adunahan.

Lucas 16:25

“Apan gitubag siya ni Abraham, ‘Anak, samtang nagkinabuhi ka pa sa kalibotan maayo gayod ang imong kahimtang, ug si Lazaro nag-antos. Apan karon malipayon siya dinhi ug ikaw nag-antos.

Mga Taga-Galacia 4:27

Kay nag-ingon ang Kasulatan: “Paglipay, babaye nga dili makaanak! Singgit sa kalipay, ikaw nga wala pa gayod makaagi ug kasakit sa pagpanganak. Tungod kay bisan gibiyaan ka sa imong bana, mobalik siya kanimo, ug mas daghan pa ang imong mahimong anak kaysa babaye nga nagpuyo uban sa iyang bana.”

Ruth 4:15

Pabaskogon ug atimanon ka niya kon tigulang ka na, kay anak siya sa imong umagad nga nagpangga gayod kanimo labaw pa sa pagpangga sa pito ka anak nga lalaki.”

1 Samuel 1:20

Ug wala madugay nagmabdos siya, ug nanganak ug usa ka batang lalaki. Ginganlan niya kinig Samuel, kay miingon siya, “Pinangayo ko siya sa Ginoo.”

1 Samuel 1:6

Ug tungod kay gihimo siya sa Ginoo nga baog, kanunay siyang palaguton ug pakaulawan ni Penina nga iyang karibal.