1 Samuel 2:4 - Ang Pulong sa Dios

⁴ Nangapukan na ang mga gamhanan, apan ang mga maluya nangalig-on.

Ang Biblia 2011

⁴ Ang mga pana sa mga kusgan nangabali, apan ang mga huyang nalig-on.

Maayong Balita Biblia

⁴ Nangabali ang mga pana sa mga tawong kusgan apan nalig-on ang mga huyang.

Ang Bag-ong Maayong Balita Biblia

⁴ Nangabali ang mga pana sa mga tawong kusgan apan nalig-on ang mga huyang.

1 Samuel 2:4 Cross References

Salmo 18:39

Gihatagan mo ako ug kusog sa pagpakig-gira ug gipadaog batok sa akong mga kaaway.

Salmo 37:15

Apan sila mismo ang matuhog sa ilang mga espada, ug ang ilang mga pana mangabali.

Salmo 37:17

Kuhaon sa Ginoo ang kusog sa mga daotan, apan tabangan niya ang mga matarong.

Salmo 46:10

Miingon siya, “Hunonga na ninyo ang panag-away ug ilha ninyo ako nga Dios. Ang tanang kanasoran sa tibuok kalibotan magdayeg kanako.”

Salmo 46:9

Gipahunong niya ang mga gira sa tibuok kalibotan. Gipamali niya ang mga pana ug mga bangkaw, ug gidaoban ang mga taming.

Salmo 76:3

Didto gipangbali niya ang naghaguros nga mga pana sa mga kaaway, ang ilang mga taming, mga espada, ug ang uban pa nilang mga hinagiban.

Isaias 10:4

Walay mahibilin kaninyo kondili mabihag kamo o mangamatay. Apan ang kasuko sa Ginoo dili pa gayod mahupay. Andam pa gihapon siya sa pagsilot kaninyo.

Isaias 40:29

Gihatagan niyag kusog ang mga maluya ug ang mga gikapoyan.

Jeremias 37:10

Kay bisan pag mapildi ninyo ang tanang sundalo nga mosulong kaninyo, ug ang mga samdan na lang ang mahibilin sa ilang mga tolda, motindog gihapon sila ug sunogon nila kining siyudad.”

Jeremias 51:56

Moabot ang tiglaglag sa Babilonia ug bihagon ang iyang mga sundalo, ug mangabali ang ilang mga pana. Kay ako, ang  Ginoo, mao ang Dios nga nagsilot sa daotan. Silotan ko gayod ang Babilonia sa angay kaniya.

2 Mga Taga-Corinto 12:9

Apan wala niya kuhaa. Hinuon miingon siya, “Ang akong grasya mao lang ang imong gikinahanglan. Kay makita gayod ang akong gahom diha sa imong kaluyahon.” Busa malipayon gayod ako sa pagpasigarbo bahin sa akong mga kaluyahon, aron bation ko kanunay ang gahom ni Cristo kanako.

Mga Taga-Efeso 6:14

Busa barog kamo. Isul-ob ninyo ang kamatuoran ingon nga bakos. Gamita ninyo ang pagkamatarong ingon nga taming sa imong dughan.

Mga Taga-Filipos 4:13

Mahimo ko ang pag-atubang sa bisan unsa nga kahimtang pinaagi sa tabang ni Cristo nga nagpalig-on kanako.

Mga Hebreo 11:32

Dinhi na lang kutob ang akong isulti kaninyo mahitungod sa mga tawo nga nagtuo sa Dios, tungod kay wala nay igong panahon sa paghisgot mahitungod kanila ni Gideon, Barak, Samson, Jefta, David, Samuel ug ang mga propeta kaniadto.

Mga Hebreo 11:34

wala sila mapaso sa nagdilaab nga kalayo, ug nakalingkawas sila sa kamatayon pinaagi sa espada. Ang uban kanila luya na kaayo apan gipabaskog sila. Nahimo silang maisog sa pagpakig-gira ug napildi nila ang mga sundalo sa uban nga lungsod.