1 Samuel 2:3 - Ang Pulong sa Dios

³ Undangi na ninyo ang pagkamapasigarbohon ug pagkamapahitas-on kay ang Ginoong Dios nga nahibalo sa tanan, ug ginatimbang-timbang niya ang mga binuhatan sa tawo.

Ang Biblia 2011

³ Ayaw na pagsulti sa hilabihan nga pagkamapahitas-on, ayaw pagulaa gikan sa imong baba ang pagkagarboso; kay ang Ginoong Dios sa kahibalo, ug pinaagi kaniya ang mga buhat gitimbang.

Maayong Balita Biblia

³ Ayaw kamo pangandak o pagpagarbo kay ang Ginoo nga Dios nasayod sa tanan ug hukman niya ang mga buhat sa tawo.

Ang Bag-ong Maayong Balita Biblia

³ Ayaw kamo pangandak o pagpagarbo kay ang Ginoo nga Dios nasayod sa tanan ug hukman niya ang mga buhat sa tawo.

1 Samuel 2:3 Cross References

1 Mga Hari 8:39

pamatia sila diha sa imong puloy-anan sa langit. Pasayloa sila, ug himoa sa matag-usa kanila ang angay sa ilang mga binuhatan, kay ikaw lamang gayod ang nasayod kon unsay anaa sa kasing-kasing sa tanang mga tawo.

Job 31:6

pasagdi nga ang Dios ang mohukom kanako, kay siya ang nakahibalo kon nakasala ako.

Salmo 147:5

Gamhanan kaayo ang atong Ginoo; ang iyang kaalam dili matugkad.

Salmo 17:10

Wala silay kaluoy, ug mapahitas-on manulti.

Salmo 31:18

Pahiloma kanang mga bakakon, nga nagpasigarbo ug nagtamay sa mga matarong.

Salmo 44:21

dili mo kaha kini mahibaloan, sanglit nahibaloan mo man ang mga tinago sa huna-huna sa tawo?

Salmo 75:5

Miingon ako kanila nga hunongon na nila ang ilang pagkamapahitas-on.”

Salmo 94:4

Silang tanan nga naghimo ug daotan labihan makapanghambog.

Mga Panultihon 16:2

Sa atong huna-huna husto na gayod ang tanan natong ginahimo, apan ang  Ginoo ray makahukom kon unsay atong tumong.

Mga Panultihon 24:12

Moingon ka nga wala ka mahibalo bahin niini, apan nahibalo ang Dios kon nagsulti ka sa tinuod o wala. Nagbantay siya kanimo ug nakahibalo siya kon unsay anaa sa imong huna-huna. Balosan ka niya sumala sa imong binuhatan.

Mga Panultihon 8:13

Ang nagtahod sa Ginoo nasilag sa daotan. Gikasilagan ko ang pagpanghambog, ang pagkamapahitas-on, ang daotang batasan, ug ang pagpamakak.

Isaias 26:7

Patag ang dalan sa mga matarong, ug ikaw, Matarong nga Dios ang mipatag niini.

Isaias 37:23

Kinsay imong giinsulto ug gipasipad-an? Kinsay gipataasan mo sa imong kilay ug gisingkahan? Dili ba nga ako, ang Balaang Dios sa Israel?

Jeremias 17:10

“Ako, ang  Ginoo, gasusi sa kasing-kasing ug huna-huna sa tawo. Ihatag ko sa matag-usa ang angay sa iyang batasan ug binuhatan.”

Ezequiel 35:13

Nagpahambog usab kamo ug nagpatuyang ug sulti batok kanako, ug nadungog ko kini.

Daniel 4:37

Busa karon akong dayegon ug pasidunggan ang Hari sa langit, tungod kay husto ug matarong ang tanan niyang binuhatan ug ginapaubos niya si bisan kinsa nga nagpasigarbo.

Daniel 5:27

“Ang Tekel nagkahulogan nga gitimbang-timbang ka, ug nakita nga nagkulang ka.

Malaquias 3:13

Miingon pa ang  Ginoo, “Sakit ang inyong gipanulti bahin kanako. Apan mangutana pa kamo, ‘Unsay gipanulti namo mahitungod kanimo?’

Mga Hebreo 4:12

Kay ang pulong sa Dios buhi ug gamhanan, ug mas hait pa kaysa espada nga duhay sulab. Modulot kini sa kinahiladman sa kalag ug sa espiritu, ug hangtod sa mga luta-lutahan ug sa utok sa bukog. Nasayran niya ang mga butang nga gihuna-huna ug ginapangandoy sa mga tawo.

Josue 22:22

“Ang Ginoo mao ang Makagagahom nga Dios! Ang Ginoo mao ang Makagagahom nga Dios! Nahibalo siya kon nganong gihimo namo kini, ug angay usab ninyo kining mahibaloan. Kon nagrebelde man ugaling kami o nakalapas sa Ginoo, ayaw na ninyo tugoti nga mabuhi pa kami niining adlawa.

Gipadayag 2:23

Pamatyon ko ang iyang mga sumusunod, aron masayran sa tanang mga tumutuo nga nasayod ako sa mga huna-huna ug mga pangandoy sa mga tawo. Balosan ko ang matag-usa kaninyo sumala sa inyong mga binuhatan.

Mga Maghuhukom 9:38

Mitubag si Zebul kaniya, “Asa na man ang imong gipanghambog? Dili ba miingon ka man, ‘Ngano, kinsa ba si Abimelec nga magpailalom man kita kaniya?’ Karon ania na ang gitamay mo! Lakaw na, ug pakig-gira kanila!”

1 Samuel 16:7

Apan miingon ang Ginoo kang Samuel, “Ayaw basihi ang iyang hitsura o ang iyang gitas-on. Dili siya ang akong gipili. Dili ako sama sa tawo. Ang tawo nagtan-aw sa hitsura, apan ako nagtan-aw sa kasing-kasing.”