1 Samuel 2:2 - Ang Pulong sa Dios

² Wala gayoy balaan nga sama sa Ginoo. Wala gayoy sama kaniya. Wala gayoy salipdanan nga bato nga sama sa atong Dios.

Ang Biblia 2011

² “Walay laing balaan sama sa Ginoo, walay lain gawas kanimo; walay laing bato sama sa atong Dios.

Maayong Balita Biblia

² “Walay balaan sama sa Ginoo, wala gayoy sama kaniya; walay dalangpanan sama sa atong Dios.

Ang Bag-ong Maayong Balita Biblia

² “Walay balaan sama sa Ginoo, wala gayoy sama kaniya; walay dalangpanan sama sa atong Dios.

1 Samuel 2:2 Cross References

2 Samuel 22:32

Kay kinsa man ang Dios gawas sa Ginoo? Ug kinsa man ang among salipdanan nga bato gawas sa among Dios?

2 Samuel 7:22

“Ginoong Dios, gamhanan ka gayod! Wala gayoy sama kanimo ug wala nay laing Dios gawas kanimo. Wala gani kami makadungog nga adunay dios nga sama kanimo.

1 Mga Hari 8:23

ug nag-ampo: “Ginoo, Dios sa Israel, walay Dios nga sama kanimo sa langit o sa yuta. Ginatuman mo ang imong kasabotan, ug ginapakita mo ang imong gugma sa imong mga alagad nga nagsunod kanimo sa tibuok nilang kasing-kasing.

Salmo 111:9

Giluwas niya ang iyang katawhan, ug nagmando siya nga tumanon ang iyang kasabotan hangtod sa kahangtoran. Balaan siya ug talahuron!

Salmo 18:2

Ikaw, Ginoo, ang akong salipdanan nga bato, ang akong lig-ong tago-anan ug manluluwas. Ikaw, Dios, ang salipdanan ko nga bato, makatago ako diha kanimo. Ikaw, Dios, ang akong taming, gamhanang manluluwas ug dalangpanan.

Salmo 18:31

Ikaw lang, Ginoo, nga Dios; ikaw lang ang among salipdanan nga Bato.

Salmo 71:19

Ang imong pagkamatarong, O Dios, dili matugkad. Katingalahan ang imong mga gipangbuhat; wala gayoy sama kanimo.

Salmo 71:3

Sama ka sa salipdanan nga bato alang kanako; kanimo ako kanunay modangop. Nagsugo ka nga luwason ako, kay ikaw ang akong salipdanan nga bato ug lig-ong tago-anan.

Salmo 73:25

Wala nay lain pa sa langit nga akong gikinahanglan kondili ikaw lang. Tungod kay ikaw ania kanako, wala na akoy lain pang gihandom sa kalibotan.

Salmo 86:8

Walay dios nga sama kanimo, Ginoo; walay bisan kinsa nga makahimo sa imong gipanghimo.

Salmo 89:6

Walay bisan usa sa langit nga sama kanimo, Ginoo. Walay langitnon nga mga binuhat nga ikatandi kanimo.

Salmo 89:8

Ginoong Dios nga Makagagahom, walay bisan kinsa nga sama kanimo; gamhanan ka ug matinumanon ka sa tanan mong ginahimo.

Salmo 99:3

Modayeg ang mga tawo kaniya tungod kay gamhanan ug katingalahan siya. Balaan siya!

Salmo 99:5

Dayega ang  Ginoo nga atong Dios. Simbaha siya sa iyang trono. Balaan siya!

Salmo 99:9

Dayega ang  Ginoo nga atong Dios. Simbaha siya sa iyang balaang bungtod, kay balaan ang  Ginoo nga atong Dios.

Exodo 15:11

O Ginoo, kinsa sa mga dios ang sama kanimo? Walay sama kanimo sa pagkabalaan ug pagkagamhanan. Ikaw lang ang Dios nga naghimo ug katingalahang mga butang!

Isaias 40:18

Busa kang kinsa ninyo ikatandi ang Dios? O sa unsa ba ninyo siya ipakasama?

Isaias 44:6

“Mao kini ang giingon sa Ginoo, ang Hari ug Manluluwas sa Israel, ang Makagagahom nga Ginoo: Ako ang una ug ang kataposan. Wala nay laing Dios gawas kanako.

Isaias 44:8

Ayaw kamo kahadlok o kalisang. Dili ba nga gipadayag ko na man kaninyo kaniadto pa ang akong katuyoan? Ug kamo mismo ang akong mga saksi. Adunay lain pa bang Dios gawas kanako? Wala gayod! Wala na akoy nahibaloan pa nga dakong bato nga salipdanan.”

Isaias 57:15

Mao usab kini ang giingon sa Labing Halangdong Dios, ang Balaang Dios nga nagkinabuhi sa walay kataposan, “Nagpuyo ako sa habog ug balaang dapit. Apan nagpuyo usab ako uban sa mga tawo nga mapainubsanon ug mahinulsulon aron mapalig-on ko sila.

Isaias 6:3

Nag-ingnanay sila sa usag usa: “Balaan, balaan, balaan ang  Ginoo nga Makagagahom! Ang iyang gamhanang presensya milukop sa tibuok kalibotan.”

Jeremias 10:6

O Ginoo, wala gayoy sama kanimo. Gamhanan ka ug halangdon ang imong ngalan.

Levitico 11:45

Ako ang Ginoo nga nagpagawas kaninyo gikan sa Ehipto aron mahimong inyong Dios. Busa pagkinabuhi kamo nga balaan kay ako balaan.

Levitico 19:2

“Isulti kini sa tibuok katilingban sa Israel: ‘Magkinabuhi kamo nga balaan kay ako, ang Ginoo nga inyong Dios, balaan.

Roma 15:4

Ang tanan nga nasulat sa Kasulatan kaniadto gisulat sa pagtudlo kanato. Kini naghatag kanato ug paglaom ug kadasig samtang kita naghulat nga mapailubon.

Roma 4:8

Bulahan ang tawo kansang mga sala dili na isipon sa Ginoo batok kaniya.”

Deuteronomio 3:24

“Ginoong Dios, gisugdan mo na ug pakita sa imong alagad ang imong pagkagamhanan, kay walay dios sa langit o sa yuta nga makahimo sa mga milagro nga imong gihimo.

Deuteronomio 32:20

“Miingon siya, ‘Talikdan ko sila, ug tan-awon ko kon unsa ang ilang dangatan, kay mga daotan sila nga henerasyon, mga anak nga dili matinumanon.

Deuteronomio 32:39

Tan-awa ninyo karon; ako mao lang gayod ang Dios! Wala nay lain nga dios gawas kanako. Ako ang naghatag ug nagkuha ug kinabuhi; ako ang nagsamad ug nag-ayo, ug walay makalingkawas sa akong mga kamot.

Deuteronomio 32:4

Siya ang Bato nga salipdanan ko. Hingpit ang iyang mga buhat, ug matarong ang tanan niyang mga pamaagi. Matinumanon siya nga Dios ug dili masayop; matarong siya ug makiangayon.

Deuteronomio 4:35

Gipakita kaninyo kining mga butanga aron mahibaloan ninyo nga ang Ginoo mao ang Dios, ug wala nay lain.

Deuteronomio 4:39

Busa timan-i ninyo karong adlawa ug itanom sa inyong kasing-kasing, nga ang Ginoo mao ang Dios sa langit ug sa yuta, ug wala nay lain pang dios.

1 Pedro 1:16

Kay nag-ingon ang Kasulatan, “Magpakabalaan kamo, tungod kay ako balaan.”