1 Samuel 2:6 - Ang Pulong sa Dios

⁶ Ang Ginoo ang nagkuha ug naghatag sa kinabuhi sa tawo. Siya ang nagbutang kanila didto sa dapit sa mga patay ug ang nagkuha kanila gikan didto.

Ang Biblia 2011

⁶ Ang Ginoo mopatay ug mohatag pagbalik sa kinabuhi; siya mobanlod ngadto sa Sheol ug magbanhaw.

Maayong Balita Biblia

⁶ Ang Ginoo mopatay ug mohatag pagbalik sa kinabuhi; mobanlod siya ngadto sa Seol ug siya usay mopagawas.

Ang Bag-ong Maayong Balita Biblia

⁶ Ang Ginoo mopatay ug mohatag pagbalik sa kinabuhi; mobanlod siya ngadto sa Seol ug siya usay mopagawas.

1 Samuel 2:6 Cross References

1 Mga Hari 17:22

Gitubag sa Ginoo ang pag-ampo ni Elias, ug nabuhi pag-usab ang bata.

2 Mga Hari 5:7

Pagkabasa sa hari sa Israel sa sulat, gigisi niya ang iyang bisti ug miingon, “Nganong gipadala niya kanako kining tawo aron ayohon sa iyang sakit sa panit? Unsa ako, Dios? Adunay gahom ba ako sa pagpatay ug sa pagbuhi? Nangita lang siya ug hinungdan nga magkaaway kami!”

Job 5:18

Kay ang iyang gisamdan, iya usab nga tambalan; ang iyang gisakit, iya usab nga hupayon.

Salmo 116:3

Nahadlok ako kay nabati ko nga murag hapit na akong mamatay; ang kamatayon daw pisi nga naglambod kanako. Nahasol gayod ako ug naguol,

Salmo 30:4

Pag-awit kamo ug mga pagdayeg sa Ginoo, kamong katawhan nga nagmatinumanon kaniya. Dayega ninyo siya sa paghinumdom sa iyang pagkabalaan.

Salmo 68:20

Ang atong Dios, Dios nga nagluwas. Siya ang Ginoong Dios nga nagluwas kanato gikan sa kamatayon.

Salmo 71:20

Bisan gipatagamtam mo ako ug daghang mga pag-antos, hatagan mo gihapon ako ug bag-ong kinabuhi; mahisama ako sa patay nga buhion mo pag-usab.

Ecclesiastes 3:3

adunay panahon sa pagpatay ug adunay panahon sa pagtambal, adunay panahon sa pagguba ug adunay panahon sa pagtukod,

Isaias 26:19

Apan mabanhaw ang imong mga katawhan nga nangamatay. Mobangon ang ilang mga patayng lawas ug mokanta sa kalipay. Maingon nga ang yamog sa kabuntagon nagpabugnaw sa yuta, ikaw Ginoo mabanhaw sa mga patay.

Ezequiel 37:12

Busa ingna sila nga ako, ang Ginoong Dios, nag-ingon: O katawhan ko, ablihan ko ang inyong mga lubnganan ug banhawon ko kamo, ug ibalik sa yuta sa Israel.

Ezequiel 37:3

Nangutana ang  Ginoo kanako, “Tawo, mabuhi pa ba kini nga mga bukog?” Mitubag ako, “Ginoong Dios, ikaw lang gayod ang nahibalo niana.”

Mateo 12:40

Sama nga si Jonas tulo ka adlaw ug tulo ka gabii didto sa sulod sa tiyan sa dakong isda, mao usab ang mahitabo sa Anak sa Tawo. Kay magpabilin siya sulod sa tulo ka adlaw ug tulo ka gabii sa ilalom sa yuta.

Juan 11:25

Miingon si Jesus kaniya, “Ako ang nagbanhaw sa mga patay, ug ako usab ang naghatag ug kinabuhi. Ang nagtuo kanako, bisan mamatay pa siya, mabuhi pag-usab.

Deuteronomio 32:39

Tan-awa ninyo karon; ako mao lang gayod ang Dios! Wala nay lain nga dios gawas kanako. Ako ang naghatag ug nagkuha ug kinabuhi; ako ang nagsamad ug nag-ayo, ug walay makalingkawas sa akong mga kamot.

Gipadayag 1:18

Aduna akoy kinabuhi nga walay kataposan. Namatay ako, apan tan-awa, buhi ako, ug dili na gayod mamatay. Ilalom sa akong gahom ang kamatayon ug ang kalibotan sa mga patay.

1 Samuel 20:3

Apan miingon si David, “Nahibalo ang imong amahan nga maayo ka kanako, busa gihuna-huna niya nga mas maayo nga dili ka pahibaloon sa iyang plano sa pagpatay kanako kay tingalig maguol ka. Apan ipanumpa ko gayod kanimo, sa atubangan sa buhi nga Ginoo ug kanimo, nga anaa ako sa kakuyaw.”