1 Samuel 10:26 - Ang Pulong sa Dios

²⁶ Mipauli usab si Saulo sa iyang balay sa Gibea. Giubanan siya sa maisog nga mga tawo kansang mga kasing-kasing gitandog sa Dios.

Ang Biblia 2011

²⁶ Si Saul usab miadto sa iyang balay didto sa Gibea, ug miuban kaniya ang panon sa mga manggugubat nga ang mga kasingkasing gitandog sa Dios.

Maayong Balita Biblia

²⁶ Mipauli usab si Saul sa iyang balay didto sa Gibeah ug gikuyogan siya sa mga tawong isog nga gidasig sa Dios.

Ang Bag-ong Maayong Balita Biblia

²⁶ Mipauli usab si Saul sa iyang balay didto sa Gibeah ug gikuyogan siya sa mga tawong isog nga gidasig sa Dios.

1 Samuel 10:26 Cross References

2 Samuel 21:6

Busa itugyan ninyo kanamo ang pito sa iyang mga kaliwat nga lalaki, kay pamatyon namo sila ug pasagdan ang ilang mga patayng lawas didto sa dapit nga duol sa gisimbahan sa Ginoo didto sa Gibea, sa lungsod ni Saulo, ang hari nga pinili sa Ginoo.” Miingon ang hari, “Sige, ihatag ko sila kaninyo.”

Esdras 1:5

Busa ang mga pangulo sa pamilya sa tribo ni Juda ug ni Benjamin, ang mga pari, mga Levita, ug ang mga Israelinhon nga gitangdog sa Ginoo ang ilang mga kasingkasing nangandam pag-adto sa Jerusalem aron pagtukod pag-usab sa balay sa Ginoo.

Salmo 110:3

Sa adlaw nga makig-away ka sa imong mga kaaway, kinabubut-on nga motabang kanimo ang imong katawhan. Ang mga pamatan-on moadto kanimo sa balaang mga bungtod nga daw tun-og sa kabuntagon.

Isaias 10:29

Miagi sila sa tabokanan, ug didto natulog sa Geba. Nahadlok ang mga taga-Rama, ug nangikyas ang mga lumulupyo sa Gibea nga mao ang lungsod ni Haring Saulo.

Mga Buhat 13:48

Sa dihang nadungog kini sa mga dili Judio nalipay sila ug gidayeg ang pulong sa Ginoo, ug ang tanang mga napili alang sa kinabuhi nga walay kataposan nahimong magtutuo.

Mga Buhat 7:10

gitabangan niya siya sa tanang mga pag-antos nga iyang giagian. Gihatagan usab siya sa Dios ug kaalam, busa nagustohan siya sa Paraon, ang hari sa Ehipto. Ang hari naghimo kaniyang pangulo sa tibuok Ehipto ug sinaligan sa tanan niyang kabtangan.

Josue 18:28

Zela, Haelef, Jebus (nga mao ang Jerusalem), Gibea, ug Kiriat-Jearim nga 14 ka mga lungsod lakip ang mga baryo niini. Mao kini ang panulondon sa tribo ni Benjamin nga gibahin ngadto sa matag pamilya.

Mga Maghuhukom 20:14

Namiya hinuon sila sa ilang mga lungsod ug nagtigom sa Gibea aron makig-gira sa ilang isigka-Israelinhon.

1 Samuel 11:4

Miabot ang mga mensahero sa Gibea, diin nagpuyo si Saulo. Ug sa dihang gisulti nila ang giingon ni Nahash, nanghilak ang tanang mga tawo didto.

1 Samuel 13:2

Nagpili si Saulo ug 3,000 ka mga lalaki sa Israel sa pagpakig-gira sa mga Filistihanon. Giuban niya ang 2,000 sa Mikmas ug sa kabungtoran sa Betel, ug ang 1,000 gipauban niya sa iyang anak nga si Jonatan sa Gibea nga sakop sa Benjamin. Ang wala mapili gipapauli niya.

1 Samuel 15:34

Unya mibalik si Samuel sa Rama, ug si Saulo mipauli sa Gibea.