1 Samuel 10:25 - Ang Pulong sa Dios

²⁵ Gipasabot dayon ni Samuel sa mga tawo ang mga katungdanan ug katungod sa usa ka hari. Gisulat niya kini sa sulatanan nga linukot, ug gitago sa balay sa Ginoo. Unya gipapauli ni Samuel ang mga tawo.

Ang Biblia 2011

²⁵ Unya gisultihan ni Samuel ang katawhan sa mga katungod ug mga katungdanan sa pagkahari ug gisulat niya kini sa usa ka basahon ug gibutang kini sa atubangan sa Ginoo. Ug gipalakaw ni Samuel ang tanang tawo, ang matag usa ngadto sa iyang balay.

Maayong Balita Biblia

²⁵ Unya gisultihan ni Samuel ang mga tawo sa mga katungod ug mga katungdanan sa hari ug gisulat niya kini sa usa ka basahon nga iyang gibutang sa dapit nga balaan. Unya gipapauli ni Samuel ang tanang tawo ngadto sa ilang mga pinuy-anan.

Ang Bag-ong Maayong Balita Biblia

²⁵ Unya gisultihan ni Samuel ang mga tawo sa mga katungod ug mga katungdanan sa hari ug gisulat niya kini sa usa ka basahon nga iyang gibutang sa dapit nga balaan. Unya gipapauli ni Samuel ang tanang tawo ngadto sa ilang mga pinuy-anan.

1 Samuel 10:25 Cross References

2 Mga Hari 11:17

Naghimo dayon si Jehoyada ug kasabotan uban sa Ginoo, sa hari, ug sa mga tawo nga sila mahimong katawhan sa Ginoo. Naghimo usab siya ug kasabotan tali sa hari ug sa mga tawo.

Deuteronomio 31:26

“Kuhaa ninyo kining Libro sa Kasugoan ug ibutang sa tapad sa Sudlanan sa Kasabotan sa Ginoo nga inyong Dios. Magpabilin kini didto ingon nga saksi batok sa katawhan sa Israel.

1 Timoteo 2:2

I-ampo ninyo ang mga hari ug ang tanan nga adunay taas nga katungdanan sa gobyerno aron nga mahimong hapsay ang atong pagpuyo ug gawasnon kita sa pagsunod sa Dios subay sa husto nga pamatasan.

Tito 3:1

Pahinumdomi ang mga tumutuo nga magpasakop sila ug motuman sa gobyerno ug sa mga opisyal. Kinahanglan nga andam sila kanunay sa pagbuhat sa bisan unsa nga maayo.

Josue 22:6

Unya gipanalanginan sila ni Josue ug gipapauli.

1 Samuel 11:14

Unya miingon si Samuel ngadto sa mga tawo, “Dali, mangadto kita sa Gilgal kay iproklamar nato pag-usab si Saulo isip atong hari.”

1 Samuel 8:9

Sige, tumana ang ilang gihangyo. Apan pasidan-i sila kon unsa ang himuon sa hari nga modumala kanila.”