1 Samuel 10:24 - Ang Pulong sa Dios

²⁴ Unya miingon si Samuel sa tanang mga tawo, “Mao kini ang tawo nga gipili sa Ginoo. Walay usa kanato nga sama kaniya.” Unya naninggit ang mga tawo, “Malungtarong kinabuhi alang sa Mahal nga Hari!”

Ang Biblia 2011

²⁴ Ug si Samuel miingon sa tanang katawhan, “Nakita ba ninyo ang tawo nga gipili sa Ginoo? Walay sama kaniya taliwala sa tibuok katawhan.” Ug ang tibuok katawhan naninggit, “Mabuhi ang hari!”

Maayong Balita Biblia

²⁴ Giingnan ni Samuel ang katawhan, “Nakita na gayod ninyo ang gipili sa Ginoo. Walay sama kaniya sa tanang katawhan.” Unya ang katawhan misinggit, “Mabuhi ang hari!”

Ang Bag-ong Maayong Balita Biblia

²⁴ Giingnan ni Samuel ang katawhan, “Nakita na gayod ninyo ang gipili sa Ginoo. Walay sama kaniya sa tanang katawhan.” Unya ang katawhan misinggit, “Mabuhi ang hari!”

1 Samuel 10:24 Cross References

2 Samuel 16:16

Miabot usab didto si Hushai nga Arkanhon, nga amigo ni David, ug miadto siya kang Absalom ug miingon kaniya, “Malungtarong kinabuhi alang sa Mahal nga Hari! Malungtarong kinabuhi alang sa Mahal nga Hari!”

2 Samuel 21:6

Busa itugyan ninyo kanamo ang pito sa iyang mga kaliwat nga lalaki, kay pamatyon namo sila ug pasagdan ang ilang mga patayng lawas didto sa dapit nga duol sa gisimbahan sa Ginoo didto sa Gibea, sa lungsod ni Saulo, ang hari nga pinili sa Ginoo.” Miingon ang hari, “Sige, ihatag ko sila kaninyo.”

1 Mga Hari 1:21

Kon dili ka mohatag sa imong hukom, ako ug ang akong anak nga si Solomon isipon na unya nga mga traydor kon patay ka na.”

1 Mga Hari 1:25

Karong adlawa naghalad siya ug daghang mga baka, pinatambok nga nating torong mga baka, ug mga karnero. Ug gipang-imbitar niya ang tanan mong mga anak nga lalaki, ang komander sa imong mga sundalo, ug si Abiatar nga pari. Karon nangaon ug nag-inom sila uban kaniya, ug nag-ingon, ‘Malungtarong kinabuhi alang sa Mahal nga Haring Adonia!’

1 Mga Hari 1:34

ug didto dihogan ni Sadok ug ni Natan ug lana ang ulo ni Solomon sa pagpaila nga siya ang pinili nga hari sa Israel. Unya patingoga ninyo ang budyong ug singgit kamo, ‘Malungtarong kinabuhi alang sa Mahal nga Haring Solomon!’

1 Mga Hari 1:39

Ug didto, gikuha ni Sadok gikan sa tolda ang sungay nga sudlanan ug lana, ug gidihogan niya si Solomon. Gipatingog nila ang budyong ug naninggit silang tanan, “Malungtarong kinabuhi alang sa Mahal nga Haring Solomon!”

2 Mga Hari 11:12

Unya gipagawas ni Jehoyada si Joas nga anak sa hari, ug gikoronahan. Gihatagan niya kini ug kopya sa mga balaod sa Ginoo ug giproklamar nga hari. Gidihogan niya si Joas ug lana, ug namakpak ang mga tawo ug naninggit, “Malungtarong kinabuhi alang sa Mahal nga Hari!”

2 Cronicas 23:11

Unya gipagawas ni Jehoyada ug sa iyang mga anak si Joas nga anak sa hari ug gikoronahan. Gihatagan niya kinig kopya sa mga tulomanon alang sa hari, ug giproklamar ingon nga hari. Gidihogan ni Jehoyada ug lana si Joas sa pagpaila nga siya na ang hari, ug naninggit dayon ang mga tawo, “Malungtarong kinabuhi alang sa Mahal nga Hari!”

Mateo 21:9

Naninggit ang mga tawo nga gauna ug ang nagsunod kaniya, “Dayegon ta ang kaliwat ni David!” “Gipanalanginan sa Ginoo ang nag-anhi sa ngalan sa Ginoo!” “Dayegon ta ang Dios!”

Deuteronomio 17:15

Siguroha ninyo nga ang inyong pilion nga hari mao ang tawo nga gipili sa Ginoo nga inyong Dios, ug kinahanglan nga inyo siyang isigka-Israelinhon. Ayaw kamo pagpili ug dili Israelinhon.

1 Samuel 11:15

Busa nangadto silang tanan sa Gilgal ug didto sa presensya sa Ginoo giproklamar nila si Saulo isip hari. Naghalad sila didto ug halad alang sa pakigda-it ngadto sa Ginoo, ug naglipay gayod silang tanan.

1 Samuel 12:1

Miingon si Samuel sa tanang Israelinhon, “Gituman ko ang gipangayo ninyo kanako; gihatagan ko kamo ug hari nga modumala kaninyo.

1 Samuel 12:13

Karon, ania na ang hari nga inyong gipili. Gipangayo ninyo siya, ug gihatag siya sa Ginoo kaninyo.

1 Samuel 9:2

Si Kish adunay anak nga si Saulo. Batan-on pa si Saulo, ug siya ang pinakaguwapo ug pinakataas nga tawo sa Israel.