1 Samuel 10:27 - Ang Pulong sa Dios

²⁷ Kay adunay mga daotang tawo nga nagbugal-bugal kang Saulo. Miingon sila, “Unsaon niining tawhana pagluwas kanato?” Ug wala sila mohatag ug mga gasa kang Saulo. Apan nagpakahilom lang si Saulo.

Ang Biblia 2011

²⁷ Apan ang ubang mga tawo nga walay pulos nag-ingon, “Unsaon man niining tawhana pagluwas kanato?” Ug ilang gitamay siya ug wala magdala kaniya ug gasa. Apan nagpakahilom lamang siya.

Maayong Balita Biblia

²⁷ Apan ang mga tawong walay silbi miingon, “Unsaon man niining tawhana pagluwas kanato?” Ug gitamay nila si Saul ug wala nila siya hatagig gasa. Apan nagpakahilom lamang siya.

Ang Bag-ong Maayong Balita Biblia

²⁷ Apan ang mga tawong walay silbi miingon, “Unsaon man niining tawhana pagluwas kanato?” Ug gitamay nila si Saul ug wala nila siya hatagig gasa. Apan nagpakahilom lamang siya.

1 Samuel 10:27 Cross References

2 Samuel 20:1

Unya, adunay usa ka tawo didto nga Benjaminhon nga kanunay lang nangita ug samok. Ang iyang ngalan mao si Sheba, ug anak siya ni Bicri. Gipatingog niya ang budyong ug misinggit, “Mga taga-Israel, wala kitay labot kang David nga anak ni Jesse! Mamauli kitang tanan!”

2 Samuel 8:2

Napildi usab ni David ang mga Moabihanon. Gipahigda niya sila sa yuta nga naglaray ug gisukod ug pisi. Ang masakop sa kada duha ka sukod sa pisi gipamatay ug ang masakop sa ikatulo ka sukod gitugotan nga mabuhi. Ang mga Moabihanon nga wala gipamatay nahimong mga ulipon ni David ug nagbayad silag buhis kaniya.

1 Mga Hari 10:25

Matag tuig, ang kada usa nga mobisita kaniya magdala ug mga gasa nga butang nga hinimo sa plata ug bulawan, mga bisti, mga armas, mga pahumot, mga kabayo, ug mga mula.

1 Mga Hari 4:21

Gidumalahan ni Solomon ang tanang mga gingharian gikan sa Suba sa Eufrates paingon sa yuta sa mga Filistihanon hangtod sa utlanan sa Ehipto. Nagbayad sila ug buhis kang Solomon ug nag-alagad kaniya sa tibuok niyang kinabuhi.

1 Mga Hari 5:1

Dugay nang managhigala si Hiram nga hari sa Tiro ug si Haring David. Busa sa dihang nabalitaan ni Hiram nga gipulihan ni Solomon ingon nga hari ang iyang amahan nga si David, nagpadala siya ug mga opisyal ngadto kang Solomon.

2 Cronicas 13:7

Nagtigom diha kanimo ang mga tawong walay hinungdan, ug nakigbatok kang Rehoboam nga anak ni Solomon niadtong batan-on pa kini ug wala pa kaayoy eksperyensya ug walay ikasarang sa pagsukol kaninyo.

2 Cronicas 17:5

Gilig-on sa Ginoo ang gingharian ni Jehosafat. Nagdalag mga gasa ang tanang taga-Juda ngadto kaniya, ug nahimo siyang labihan ka adunahan ug tinahod.

Salmo 38:13

Nagpabungol-bungol ako nga kunohay dili makadungog. Nagpaamang-amang ako nga kunohay dili makasulti.

Salmo 72:10

Hinaut pa nga ang mga hari sa Tarshish, sa mga isla, sa Sheba, ug sa Seba mohatag kaniya ug mga gasa sa pagpaila nga nagpasakop sila kaniya.

Ecclesiastes 7:21

Ayaw tagda ang tanang gisulti sa mga tawo kay tingalig makadungog ka nga gitunglo ka sa imong sulugoon,

Isaias 36:21

Apan wala motubag ang mga tawo, kay nagmando si Haring Ezequias nga dili sila motubag.

Mateo 2:11

Unya nakaplagan nila ang balay. Pagsulod nila sa balay, nakita nila ang bata uban ang inahan niini nga si Maria. Nangluhod sila ug misimba sa bata. Giablihan nila ang ilang bililhon nga mga gasa nga bulawan, insenso, ug mira ug gihalad ngadto sa bata.

Mga Buhat 7:35

“Mao kini ang Moises nga gisalikway kaniadto sa iyang mga kaigsoonang Israelinhon nga nag-ingon, ‘Kinsay naghimo kanimong pangulo ug maghuhukom kanamo?’ Mao usab kini ang Moises nga gipadala sa Dios nga nahimong pangulo ug miluwas sa mga Israelinhon pinaagi sa tabang sa anghel nga iyang nakita didto sa nagdilaab nga sampinit.

Deuteronomio 13:13

adunay daotang mga tawo nga nagpahisalaag sa mga lumulupyo sa maong lungsod nga nag-ingon, ‘Mosimba kita sa ubang mga dios nga wala ninyo mailhi,’

1 Samuel 11:12

Pagkahuman sa gira, miingon ang mga Israelinhon kang Samuel, “Kinsa kadtong mga tawo nga nag-ingon nga si Saulo dili takos mahimong atong hari? Dad-a sila dinhi kanamo kay amo silang patyon.”

1 Samuel 11:13

Apan miingon si Saulo, “Walay usa nga patyon karong adlawa, kay niining adlawa giluwas sa Ginoo ang Israel.”

1 Samuel 16:20

Busa gipadala ni Jesse si David ngadto kang Saulo nga adunay dalang usa ka asno nga kargado ug pan, usa ka sudlanan nga panit nga puno ug bino, ug usa ka batan-ong kanding.

1 Samuel 2:12

Ang duha ka anak ni Eli mga daotang tawo. Wala silay pagtahod sa Ginoo

1 Samuel 25:17

Karon, huna-hunaa kon unsay maayo nimong buhaton, tungod kay moabot ang katalagman sa imong bana ug sa iyang tibuok panimalay. Daotan kaayo siya ug batasan ug dili siya masultihan.”