1 Samuel 1:21 - Ang Pulong sa Dios

²¹ Unya, miabot na usab ang panahon nga si Elkana ug ang iyang tibuok pamilya mohalad ngadto sa Ginoo sumala sa naandan nilang himuon matag tuig. Mao usab kini ang panahon nga mohalad siya aron sa pagtuman sa iyang panaad sa Ginoo.

Ang Biblia 2011

²¹ Unya ang tawo nga si Elkana ug ang tanan sa iyang balay miadto sa Ginoo aron sa paghalad sa halad nga tinuig ug sa pagtuman sa iyang panaad.

Maayong Balita Biblia

²¹ Unya si Elcana ug ang tibuok niyang panimalay miadto na usab sa templo aron paghalad ngadto sa Ginoo sa tinuig nga halad ug sa pagtuman sa iyang saad.

Ang Bag-ong Maayong Balita Biblia

²¹ Unya si Elcana ug ang tibuok niyang panimalay miadto na usab sa templo aron paghalad ngadto sa Ginoo sa tinuig nga halad ug sa pagtuman sa iyang saad.

1 Samuel 1:21 Cross References

Genesis 18:19

Gipili ko siya aron iyang mandoan ang iyang mga kaanakan ug mga kaliwat nga motuman sa akong mga sugo pinaagi sa pagbuhat sa husto ug matarong. Ug pinaagi niana, matuman ang akong gisaad kaniya.”

Salmo 101:2

Magkinabuhi ako nga walay ikasaway. Kanus-a ka man moanhi kanako? Magkinabuhi ako nga walay ikasaway sa akong palasyo.

Deuteronomio 12:11

Unya dad-on ninyo ang inyong mga halad didto sa dapit nga pilion sa Ginoo nga inyong Dios diin pasidunggan ang iyang ngalan. Mao kini ang mga halad nga gisugo ko kaninyo: mga halad nga sinunog ug ang uban pang mga halad, ang inyong ikapulo, ang inyong mga gasa, ug ang tanang pinakamaayong halad nga inyong gisaad sa Ginoo.

Deuteronomio 12:6

Didto ninyo dad-a ang inyong mga halad nga sinunog ug uban pang mga halad, ang inyong ikapulo, ang inyong mga gasa, ang inyong gisaad nga mga ihalad, ang inyong kabubut-ong mga halad, ug ang kamagulangan sa inyong mga kahayopan.

Josue 24:15

Apan kon dili ninyo ikalipay ang pag-alagad sa Ginoo, pagpili kamo karong adlawa kon kinsa ang inyong alagaron, ang mga dios nga gialagad sa inyong mga katigulangan sa tabok sa Suba sa Eufrates, o ang mga dios sa mga Amorihanon kansang yuta inyong gipuy-an karon. Apan ako ug ang akong pamilya moalagad sa Ginoo.”

1 Samuel 1:3

Matag tuig, moadto si Elkana ug ang iyang pamilya sa Silo aron sa pagsimba ug paghalad ngadto sa Ginoo nga Makagagahom. Niadtong panahona ang duha ka anak ni Eli nga si Hofni ug si Pinehas mao ang mga pari sa Ginoo didto sa Silo.

1 Samuel 2:19

Matag tuig himoan siya sa iyang inahan ug pangsapaw nga bisti, ug iya kining dad-on sa matag higayon nga maghalad sila uban ang iyang bana alang sa tinuig nga paghalad.