1 Samuel 1:22 - Ang Pulong sa Dios

²² Apan si Hana wala mouban. Miingon siya ngadto sa iyang bana, “Unya ra ko moadto human ko malutas ang bata ug dad-on ko siya sa balay sa Ginoo aron ihalad, ug didto na siya mopuyo sa tibuok niyang kinabuhi.”

Ang Biblia 2011

²² Apan si Hana wala mokuyog kay siya miingon sa iyang bana, “Inigkalutas na sa bata, dad-on nako siya aron siya ipakita sa atubangan sa Ginoo, ug didto magpabilin siya hangtod sa kahangtoran.”

Maayong Balita Biblia

²² Si Hana wala mokuyog kanila kay giingnan man niya ang iyang bana, “Inigkalutas na sa bata, dad-on ko siya ug ihalad sa Ginoo ug magpabilin siya didto sa tibuok niyang kinabuhi.”

Ang Bag-ong Maayong Balita Biblia

²² Si Hana wala mokuyog kanila kay giingnan man niya ang iyang bana, “Inigkalutas na sa bata, dad-on ko siya ug ihalad sa Ginoo ug magpabilin siya didto sa tibuok niyang kinabuhi.”

1 Samuel 1:22 Cross References

Salmo 110:4

Nanumpa ang  Ginoo, ug dili gayod mausab ang iyang huna-huna, nga ikaw pari sa walay kataposan sama sa pagkapari ni Melquisedek.

Salmo 23:6

Nakasiguro gayod ako nga ang imong kaayo ug gugma kanako magpadayon sa tibuok kong kinabuhi. Ug mopuyo ako sa imong balay, Ginoo, hangtod sa kahangtoran.

Salmo 27:4

Usa ra ka butang ang akong gipangayo sa Ginoo ug mao gayod kini ang akong gihandom pag-ayo: nga makapuyo ako sa iyang balay sa tibuok kong kinabuhi, ug didto makapamalandong ako sa iyang kaayo ug makapangayo sa iyang paggiya.

Exodo 21:6

dad-on siya sa iyang agalon sa presensya sa Dios. Ug didto sa pultahan tusokan sa iyang agalon ang iyang dalunggan nga nakapaod sa pultahan, ug mahimo na siyang ulipon sa iyang agalon hangtod sa hangtod.

Isaias 9:7

Walay kataposan ang kauswagan ug kalinaw diha sa iyang pagdumala. Maghari siya isip manununod sa gingharian ni David. Palig-onon niya kini ug patunhayon ang hustisya ug katarong sa walay kataposan. Sigurohon gayod sa Ginoo nga Makagagahom nga matuman kini.

Levitico 25:23

“ ‘Ayaw ninyo ibaligya ang yuta sa paagi nga dili na kini mabawi pa, kay kining yutaa ako; gipapuy-an ug gipasaopan ko lang kini kaninyo.

Lucas 2:22

Sa dihang miabot na ang adlaw sa tulomanon sa paghugas sumala sa Kasugoan ni Moises mahitungod sa babaye nga bag-ong nanganak, miadto si Jose ug Maria sa Jerusalem. Ug gidala usab nila ang bata sa Jerusalem aron idedikar sa Ginoo.

Deuteronomio 16:16

“Kada tuig, ang tanan ninyong kalalakin-an kinahanglang motambong niining tulo ka kapistahan: ang Pista sa Pan nga walay Patubo, ang Pista sa Pag-ani, ug ang Pista sa Pagpatindog sa mga Payag. Ang matag-usa kanila moadto sa presensya sa Ginoo nga inyong Dios didto sa dapit nga iyang pilion, ug kinahanglan magdala sila ug halad alang sa Ginoo sumala sa panalangin nga gihatag kanila sa Ginoo nga inyong Dios.

Josue 4:7

suginli ninyo sila nga mihunong ang pagdagayday sa tubig sa Suba sa Jordan sa dihang gitabok ang Sudlanan sa Kasabotan sa Ginoo. Kining mga batoha magpabilin nga usa ka handomanan alang sa katawhan sa Israel hangtod sa kahangtoran.”

1 Samuel 1:11

Nanaad si Hana sa Ginoo nga nag-ingon, “O Ginoo nga Makagagahom, tan-awa ang akong pag-antos. Hinumdomi ako nga imong sulugoon ug ayaw gayod ako kalimti. Kon hatagan mo akog anak nga lalaki, ihatag ko siya pagbalik kanimo aron mag-alagad siya kanimo sa tibuok niyang kinabuhi, ug dili ko paputlan ang iyang buhok.”

1 Samuel 1:28

Busa karon ihalad ko siya ngadto sa Ginoo. Moalagad siya sa Ginoo sa tibuok niyang kinabuhi.” Unya gisimba nila didto ang Ginoo.

1 Samuel 13:13

Miingon si Samuel, “Binuang ang imong gihimo. Wala mo tumana ang gisugo sa Ginoo nga imong Dios kanimo. Kon gituman mo lang kini, maghari unta ang imong mga kaliwat sa Israel hangtod sa kahangtoran.

1 Samuel 2:11

Unya mipauli si Elkana sa Rama. Apan gibilin nila si Samuel aron moalagad sa Ginoo ubos sa pag-atiman ni Eli nga pari.

1 Samuel 2:18

Unya, ang bata nga si Samuel nagpadayon sa pag-alagad sa Ginoo. Nagsul-ob siya sa efod nga hinimo sa lino.

1 Samuel 28:2

Miingon si David, “Oo, makita mo kon unsay akong mahimo, isip imong alagad.” Mitubag si Akish, “Maayo gayod! Himuon ka nako nga akong permanente nga badigard.”

1 Samuel 3:1

Niadtong panahon nga nag-alagad si Samuel sa Ginoo, ubos sa pag-atiman ni Eli, talagsa na lang makigsulti ang Ginoo, ug talagsa na lang ang mga panan-awon.