1 Samuel 1:20 - Ang Pulong sa Dios

²⁰ Ug wala madugay nagmabdos siya, ug nanganak ug usa ka batang lalaki. Ginganlan niya kinig Samuel, kay miingon siya, “Pinangayo ko siya sa Ginoo.”

Ang Biblia 2011

²⁰ Sa pag-abot sa tukmang panahon, si Hana nanamkon ug nanganak ug usa ka batang lalaki nga ginganlan niya ug Samuel, tungod kay siya miingon, “Gipangayo nako kining bataa sa Ginoo.”

Maayong Balita Biblia

²⁰ Sa pag-abot sa hustong panahon, nanamkon siya ug nanganak ug batang lalaki nga ginganlan niyag Samuel kay kining bataa iya mang pinangayo sa Ginoo.

Ang Bag-ong Maayong Balita Biblia

²⁰ Sa pag-abot sa hustong panahon, nanamkon siya ug nanganak ug batang lalaki nga ginganlan niyag Samuel kay kining bataa iya mang pinangayo sa Ginoo.

1 Samuel 1:20 Cross References

Genesis 16:11

Ug miingon pag-usab ang anghel sa Ginoo: “Mabdos ka ug sa dili madugay manganak ka ug usa ka batang lalaki. Nganli siya ug Ishmael, kay gidungog sa Ginoo ang imong pagpakitabang tungod sa imong pag-antos.

Genesis 30:22

Gihinumdoman sa Dios si Raquel. Gitubag niya ang pag-ampo niini ug gitugotan nga makaanak.

Genesis 4:25

Nakighilawas si Adan kang Eba, ug nanganak si Eba ug lalaki. Miingon siya, “Gihatagan ako pag-usab sa Dios ug anak nga lalaki puli kang Abel nga gipatay ni Cain, busa nganlan ko siya ug Set.”

Genesis 5:29

Miingon siya, “Kining bataa makatabang kanato gikan sa atong labihan nga kahago tungod sa pagtunglo sa Ginoo sa yuta, busa nganlan ko siya ug Noe.”

1 Cronicas 4:10

Nag-ampo si Jabez sa Dios sa Israel: “Hinaut nga panalanginan mo ako ug palapdon mo ang akong teritoryo. Ubani ako ug ilikay sa mga katalagman aron dili ako masakitan.” Ug gitubag sa Dios ang iyang hangyo.

Salmo 120:1

Sa akong kalisod, nanawag ako sa Ginoo ug gitubag niya ako.

Exodo 2:10

Sa dihang nalutas na ang bata, gidala kini sa iyang inahan ngadto sa prinsesa, ug giisip kini sa prinsesa nga iyang anak. Ginganlan sa prinsesa ang bata ug Moises, kay miingon siya, “Gikuha ko siya gikan sa tubig.”

Exodo 2:22

Namabdos si Zipora ug nanganak ug lalaki. Ginganlan kini ni Moises ug Gershom, kay ingon niya, “Usa ako ka langyaw niining dapita.”

Mateo 1:21

Manganak siyag lalaki ug nganlan mo siyag Jesus, kay luwason niya ang iyang katawhan gikan sa ilang mga sala.”

Mga Hebreo 11:32

Dinhi na lang kutob ang akong isulti kaninyo mahitungod sa mga tawo nga nagtuo sa Dios, tungod kay wala nay igong panahon sa paghisgot mahitungod kanila ni Gideon, Barak, Samson, Jefta, David, Samuel ug ang mga propeta kaniadto.