1 Samuel 1:19 - Ang Pulong sa Dios

¹⁹ Pagkabuntag, sayo kaayong mibangon si Elkana ug ang iyang pamilya ug misimba sila sa Ginoo. Unya mipauli sila sa ilang balay sa Rama. Midulog si Elkana kang Hana, ug gitubag sa Ginoo ang pag-ampo ni Hana nga hatagan siyag anak.

Ang Biblia 2011

¹⁹ Sayo sila nga mibangon ug misimba atubangan sa Ginoo. Unya namauli sila sa ilang balay sa Rama. Ug si Elkana nakigdulog kang Hana nga iyang asawa ug ang Ginoo nahinumdom kaniya.

Maayong Balita Biblia

¹⁹ Sa pagkasunod nga adlaw, si Elcana ug ang iyang pamilya sayo nga mibangon ug misimba sa Ginoo. Unya namauli sila sa ilang balay didto sa Rama. Nakighilawas si Elcana kang Hana ug ang Ginoo naluoy kang Hana.

Ang Bag-ong Maayong Balita Biblia

¹⁹ Sa pagkasunod nga adlaw, si Elcana ug ang iyang pamilya sayo nga mibangon ug misimba sa Ginoo. Unya namauli sila sa ilang balay didto sa Rama. Nakighilawas si Elcana kang Hana ug ang Ginoo naluoy kang Hana.

1 Samuel 1:19 Cross References

Genesis 21:1

Unya, gihinumdoman sa Ginoo si Sara sumala sa iyang gisaad.

Genesis 30:22

Gihinumdoman sa Dios si Raquel. Gitubag niya ang pag-ampo niini ug gitugotan nga makaanak.

Genesis 4:1

Pagkahuman niadto, nakigdulog ang lalaki sa iyang asawa nga si Eba ug namabdos kini. Sa dihang nakapanganak na si Eba, miingon siya, “Nakaangkon ako ug anak nga lalaki pinaagi sa tabang sa Ginoo, busa nganlan ko siya ug Cain.”

Genesis 8:1

Wala kalimti sa Dios si Noe ug ang tanan nga mga mananap nga kauban niya sulod sa arka. Busa gipahuyop niya ang hangin ibabaw sa kalibotan ug naghinay-hinay ug hubas ang tubig.

2 Mga Hari 4:17

Ug namabdos gayod ang babaye, ug nanganak kini ug lalaki sa mao gayod nga panahon pagkasunod tuig, sumala sa giingon ni Eliseo kaniya.

Salmo 119:147

Nagbangon na ako sa wala pa mosidlak ang adlaw ug gapangayo ug tabang kanimo, kay nagsalig ako sa imong saad.

Salmo 136:23

Gihinumdoman niya kita sa dihang gipildi kita sa atong mga kaaway. Ang iyang gugma walay kataposan.

Salmo 25:7

Ayaw na hinumdomi ang mga sala nga akong nahimo sa batan-on pa ako. Sumala sa imong gugma hinumdomi ako, Ginoo, aron mapakita mo ang imong kaayo.

Salmo 5:3

Inigkabuntag andamon ko ang akong kaugalingon sa pag-ampo kanimo. Dad-on ko kanimo ang akong mga hangyo ug maghulat ako sa imong tubag.

Salmo 55:17

Buntag, udto, ug gabii mangaliya ako ug mag-agulo, ug pamation niya ako.

Marcos 1:35

Sa pagkasunod nga adlaw, kadlawon pang mibangon si Jesus ug miadto sa mamingaw nga dapit ug nag-ampo.

Lucas 23:42

Unya miingon siya kang Jesus, “Jesus, hinumdomi intawon ako kon maghari ka na!”

Josue 18:25

Dugang pa niini mao ang Gibeon, Rama, Beerot,

1 Samuel 1:1

Adunay usa ka tawong kaliwat ni Zuf nga ang ngalan si Elkana. Nagpuyo siya sa Rama didto sa kabungtoran sa Efraim. Anak siya ni Jeroham nga anak ni Elihu. Si Elihu anak ni Tohu nga anak ni Zuf, nga gikan sa tribo ni Efraim.

1 Samuel 1:11

Nanaad si Hana sa Ginoo nga nag-ingon, “O Ginoo nga Makagagahom, tan-awa ang akong pag-antos. Hinumdomi ako nga imong sulugoon ug ayaw gayod ako kalimti. Kon hatagan mo akog anak nga lalaki, ihatag ko siya pagbalik kanimo aron mag-alagad siya kanimo sa tibuok niyang kinabuhi, ug dili ko paputlan ang iyang buhok.”

1 Samuel 15:34

Unya mibalik si Samuel sa Rama, ug si Saulo mipauli sa Gibea.

1 Samuel 16:13

Busa gikuha ni Samuel ang lana ug gidihogan niya si David atubangan sa iyang mga igsoon. Ug gikan niadtong adlawa gigamhan si David sa Espiritu sa Ginoo. Unya mipauli si Samuel sa Rama.

1 Samuel 19:18

Busa nakaikyas si David ug miadto kini kang Samuel didto sa Rama, ug gisultihan niya si Samuel sa tanang gihimo ni Saulo kaniya. Unya miadto sila ni Samuel sa Nayot ug didto nagpuyo.

1 Samuel 2:11

Unya mipauli si Elkana sa Rama. Apan gibilin nila si Samuel aron moalagad sa Ginoo ubos sa pag-atiman ni Eli nga pari.

1 Samuel 25:1

Unya namatay si Samuel, ug ang tanang mga Israelinhon nagtigom ug nagsubo alang kaniya. Gilubong nila siya sa iyang dapit sa Rama. Human niadto, milugsong si David sa kamingawan sa Maon.

1 Samuel 7:17

Apan pagkahuman mopauli gayod siya sa Rama, diin siya nagpuyo, aron usab sa pagpangulo sa mga tawo didto. Ug naghimo siyag halaran alang sa Ginoo.

1 Samuel 8:4

Busa nagtigom ang tanang tigdumala sa Israel, ug miadto kang Samuel sa Rama.

1 Samuel 9:26

Sayo sa buntag, gitawag ni Samuel si Saulo. Miingon siya, “Panghipos na, kay papaulion ko na ikaw.” Sa nakahipos na si Saulo, nag-uban sila ug gawas ni Samuel.