Ang mga tigulang adunay kaalam ug panabot, kay samtang gataas ang ilang kinabuhi, nagkadaghan pa gayod ang ilang kahibalo.
Joel 1:2 - Ang Pulong sa Dios Kamong mga tigdumala sa Juda ug tanang mga lumulupyo niini, pamatia ninyo kining isugilon ko kaninyo. Wala pay nahitabo nga sama niini sa panahon sa inyong mga katigulangan o sa inyong panahon. Ang Biblia 2011 Pamatia kini, kamong mga tigulang nga katawhan pamati kamong tanan nga nagpuyo sa yuta! Nahitabo ba ang ingon niining butanga sa inyong mga adlaw o sa mga adlaw sa inyong mga katigulangan? Maayong Balita Biblia Pamatia ninyo kini, kamong mga hamtong na ingon man kamong tanang nagpuyo sa Juda. May nahitabo na ba nga sama niini sa inyong panahon o sa panahon sa inyong katigulangan? Ang Bag-ong Maayong Balita Biblia Pamatia ninyo kini, kamong mga hamtong na ingon man kamong tanang nagpuyo sa Juda. May nahitabo na ba nga sama niini sa inyong panahon o sa panahon sa inyong katigulangan? |
Ang mga tigulang adunay kaalam ug panabot, kay samtang gataas ang ilang kinabuhi, nagkadaghan pa gayod ang ilang kahibalo.
“Nganong padayong nagkinabuhi ang daotan? Nangatigulang pa sila ug nagmauswagon.
“Pangutan-a ra gud ang unang mga henerasyon. Susiha kon unsay nakat-onan sa ilang mga katigulangan.
Duol kamo, mga kanasoran, ug pamati pag-ayo. Ang tibuok kalibotan, ug ang tanang anaa niini kinahanglang mamati.
Sa kaulahian, ikaw ug ang imong katawhan, apil ang imong harianong pamilya, ipasulong sa Ginoo sa hari sa Asiria. Ug masinati ninyo ang kalisod nga wala pa gayod ninyo masinati sukad nga mibulag ang Israel sa Juda.
Pagkamakalilisang unya nianang adlawa! Wala gayod kini sama. Panahon kini sa kalisod alang sa mga kaliwat ni Jacob, apan maluwas sila gikan niini.
Patalinghogi ninyo kini, kamong mga buang-buang ug walay buot nga mga katawhan. Aduna kamoy mga mata, apan dili makakita, adunay mga dalunggan, apan dili makadungog.
“Nianang panahona, motungha si Micael, ang gamhanan nga pangulo sa katawhan sa Israel, ug mahimong labihan kalisod ang kahimtang sa katawhan. Kini nga kalisod wala pa gayod mahitabo sukad sa panahon nga ang Israel nahimong usa ka nasod. Apan maluwas gikan niana nga kalisod ang imong mga isigka-Israelinhon kansang mga ngalan nasulat sa libro.
Kamong mga Israelinhon nga nagpuyo sa yuta sa Israel, pamatia ninyo kining akusasyon sa Ginoo batok kaninyo, “Wala nay tawo sa inyong yuta nga nagmatinumanon, naghigugma, ug nag-ila kanako.
Miingon pa ang Ginoo, “Pamati kamong mga pari, ingon man kamong mga katawhan sa Israel ug mga miyembro sa panimalay sa hari, kay kini nga paghukom batok kaninyo: Nahisama kamo sa lit-ag, kay gipasipad-an ninyo ang mga katawhan sa Mizpa ug sa Tabor.
Sultihi ninyo ang mga tigdumala sa Juda ug ang tanang mga lumulupyo niini nga magtigom ug magpuasa silang tanan sa Templo sa Ginoo nga inyong Dios. Mangayo sila ug tabang sa Ginoo.
Ngitngit ug dulom kanang adlawa. Ug sama sa pagdan-ag sa adlaw kon magbanag-banag na, magkatag sa mga bukid ang makadaot nga mga dulon nga labihan kadaghan. Wala gayoy nahitabo nga sama niini sukad pa kaniadto, ug dili na mahitabo pa ang sama niini sa umaabot nga panahon.
Kamong mga taga-Israel, kansang mga katigulangan gipagawas ko gikan sa Ehipto, pamatia ninyo kining giingon ko batok kaninyo:
Kamong mga dungganon nga babaye sa Samaria, sama kamo sa pinatambok nga mga baka sa Basan. Gilisod-lisod ninyo ug gidaog-daog ang mga kabos. Nag-ingon pa kamo sa inyong mga bana, “Pagkuha ug bino ug mag-inom kita!”
Kamong tanan nga anaa sa kalibotan, pamati kamo pag-ayo kay magsaksi ang Ginoong Dios batok kaninyo gikan sa iyang balaan nga templo.
Miingon si Mikeas: “Pamati kamong mga pangulo sa Israel ug Juda, pamati kamo! Wala ba kamo kahibalo sa hustisya?
Kamong mga pangulo sa Israel ug sa Juda, pamati kamo! Gipungtan ninyo ang hustisya ug ginatuis ninyo ang matarong.
Kay nianang panahona moabot ang labing pait nga pag-antos nga wala pa mahitabo sukad sa sinugdan sa kalibotan, ug dili na mahitabo pag-usab ang sama niini bisan kanus-a.
“Ang naminaw kinahanglan nga maghuna-huna kon unsa ang giingon sa Espiritu ngadto sa mga iglesia. “Ang mga nagmadinaugon tugotan ko nga mokaon sa bunga sa kahoy nga naghatag ug kinabuhi, ug kini nga kahoy atua sa Paraiso sa Dios.