Miqueas 3:1 - Ang Pulong sa Dios

¹ Miingon si Mikeas: “Pamati kamong mga pangulo sa Israel ug Juda, pamati kamo! Wala ba kamo kahibalo sa hustisya?

Ang Biblia 2011

¹ Ug ako miingon: Pamati, kamo nga mga pangulo ni Jacob ug mga tigmando sa balay ni Israel! Dili ba alang kaninyo ang pagkahibalo sa hustisya?—

Maayong Balita Biblia

¹ Ug miingon ako, “Pamati kamong mga pangulo sa Israel! Dili ba katungdanan man ninyo ang pagpatunhay sa hustisya?

Ang Bag-ong Maayong Balita Biblia

¹ Ug miingon ako, “Pamati kamong mga pangulo sa Israel! Dili ba katungdanan man ninyo ang pagpatunhay sa hustisya?

Miqueas 3:1 Cross References

Nehemias 13:17

Busa gibadlong ko ang mga pangulo sa Juda ug giingnan, “Unsa man kining daotan ninyong gipanghimo? Wala ninyo gigahin ang Adlaw nga Igpapahulay!

Salmo 14:4

Wala ba makahibalo kining daotang mga tawo sa ilang ginahimo? Siyempre nakahibalo! Nanginabuhi sila pinaagi sa pagpangilkil sa akong mga katawhan, ug wala sila nag-ampo sa Ginoo.

Isaias 1:10

Kamong mga tigdumala ug mga katawhan sa Jerusalem, sama kamo sa mga taga-Sodoma ug Gomora. Pamatii ninyo ang pulong ug kasugoan sa Ginoo nga atong Dios.

Ezequiel 22:6

Tan-awa ang matag pangulo sa Israel nga nagpuyo diha kanimo, gigamit nila ang ilang gahom sa pagpamatay.

Ezequiel 34:2

“Tawo, sultii ang mga magbalantay sa Israel. Ingna sila nga ako, ang Ginoong Dios, nag-ingon: Alaot ang mga magbalantay sa Israel. Ang ila lang kaugalingon ang ilang giatiman! Dili ba kinahanglan man nga ang mga magbalantay maoy moatiman sa iyang mga karnero?

Ezequiel 34:3

Ginainom ninyo ang ilang gatas, ginahimo nga bisti ang ilang balhibo, ug ginaihaw ang labing tambok kanila, apan wala ninyo sila atimana.

Ezequiel 9:9

Mitubag siya kanako, “Labihan na gayod ang sala sa katawhan sa Israel ug Juda. Labihan na ang pinatyanay, ug wala nay hustisya sa siyudad. Nag-ingon pa sila, ‘Wala magtan-aw ang  Ginoo kanato; gisalikway na niya ang Israel.’

Oseas 5:1

Miingon pa ang Ginoo, “Pamati kamong mga pari, ingon man kamong mga katawhan sa Israel ug mga miyembro sa panimalay sa hari, kay kini nga paghukom batok kaninyo: Nahisama kamo sa lit-ag, kay gipasipad-an ninyo ang mga katawhan sa Mizpa ug sa Tabor.

Amos 4:1

Kamong mga dungganon nga babaye sa Samaria, sama kamo sa pinatambok nga mga baka sa Basan. Gilisod-lisod ninyo ug gidaog-daog ang mga kabos. Nag-ingon pa kamo sa inyong mga bana, “Pagkuha ug bino ug mag-inom kita!”

Amos 6:1

Alaot kamong mga pangulo sa Zion ug sa Samaria, nga nagpuyo nga hayahay ug walay gikabalak-an. Ginaisip ninyo ang inyong kaugalingon nga mga dungganong tawo sa nag-unang nasod, ug dalangpanan kamo sa inyong mga lumulupyo.

Miqueas 2:13

Ablihan ko ang pultahan sa siyudad diin kamo gibihag, ug pangulohan ko kamo sa paggawas. Ako, ang  Ginoo nga inyong hari, maoy mangulo kaninyo.”

1 Mga Taga-Corinto 6:5

Angay kamong maulaw! Ngano, wala ba gayod diha kaninyoy maalamon nga mahibalong mohusay sa inyong giawayan?

Deuteronomio 16:18

“Pagbutang kamo ug mga maghuhukom ug uban pang opisyales sa matag tribo ninyo sa tanang lungsod nga gihatag kaninyo sa Ginoo nga inyong Dios. Kini sila maghukom sa katawhan nga walay pinalabi.