Joel 2:2 - Ang Pulong sa Dios

² Ngitngit ug dulom kanang adlawa. Ug sama sa pagdan-ag sa adlaw kon magbanag-banag na, magkatag sa mga bukid ang makadaot nga mga dulon nga labihan kadaghan. Wala gayoy nahitabo nga sama niini sukad pa kaniadto, ug dili na mahitabo pa ang sama niini sa umaabot nga panahon.

Ang Biblia 2011

² adlaw sa kangitngit ug sa kadulom, adlaw sa mga panganod ug sa hilabihan nga kangitngit! Sama sa kaitom may milukop sa kabukiran nga usa ka dako ug gamhanan nga katawhan; wala pay sama kanila sukad sa unang panahon ug walay mahisama kanila sa mga katuigan sa tanang kaliwatan.

Maayong Balita Biblia

² Usa kini ka ngitngit ug dulom nga adlaw; gitaptapan sa mga panganod ug ngiob kaayo. Ug sama sa kangitngit nga molukop sa kabukiran, mohugpa ang bagang panon sa dulon. Wala pay sama niini sukad-masukad, o may sama niini sa umaabot nga mga adlaw.

Ang Bag-ong Maayong Balita Biblia

² Usa kini ka ngitngit ug dulom nga adlaw; gitaptapan sa mga panganod ug ngiob kaayo. Ug sama sa kangitngit nga molukop sa kabukiran, mohugpa ang bagang panon sa dulon. Wala pay sama niini sukad-masukad, o may sama niini sa umaabot nga mga adlaw.

Joel 2:2 Cross References

Salmo 10:6

Naghuna-huna sila nga dili sila matarog, ug kanunay silang luwas sa katalagman.

Salmo 97:2

Gilibotan siya sa mabagang dag-om, ug naghari siya sa katarong ug kaangayan.

Exodo 10:14

nga daghan kaayo, ug midagsa kini sa tibuok Ehipto. Wala pa gayoy sama niadto nga pagdagsang sa dulon sukad masukad ug bisan pa human niadto.

Exodo 10:6

Mapuno sa mga dulon ang imong palasyo ug ang mga balay sa imong mga opisyal ug mga katawhan. Ang inyong mga katigulangan wala gayod nakakitag sama niini sa yuta sa Ehipto sukad sa ilang pag-abot dinhi.’ ” Unya mitalikod sila ni Moises ug milakaw.

Exodo 20:21

Sa gihapon nagpabilin ang mga tawo sa pagtindog sa layo-layo samtang si Moises miduol sa bagang panganod diin atua ang Dios.

Isaias 5:30

Sa panahon nga mosulong sila sa Israel, maghaganas sila sama sa haganas sa dagat. Ug kon motan-aw ang usa ka tawo sa yuta sa Israel, ang makita niya mao ang kangitngit ug kasakit. Ang kahayag tabonan sa mabagang mga panganod.

Isaias 8:22

o motan-aw sa yuta, wala silay makita kondili kalisod ug kangitngit. Ug itambog sila didto sa makahahadlok nga kangitngit.

Jeremias 13:16

Pasidunggi ninyo ang  Ginoo nga inyong Dios sa dili pa niya ipadala ang kangitngit, ug sa dili pa kamo mapandol sa mangitngit nga mga bukid. Ang kahayag nga inyong gilaoman himuon niyang labihan kangitngit.

Jeremias 13:6

Paglabay sa daghang mga adlaw, miingon na usab ang  Ginoo kanako, “Lakaw sa Perath ug kuhaa ang bakos nga gipatagoan ko kanimo didto.”

Mga Pagbangotan 1:12

Miingon usab siya sa mga tawo nga nanglabay, “Wala ba kamoy pagpakabana? Tan-awa ninyo! Aduna bay nag-antos sama sa akong pag-antos? Kini nga pag-antos gipahamtang sa Ginoo kanako sa panahon sa iyang labihan nga kasuko.

Ezequiel 32:7

Kon wagtangon ko na ikaw, salipdan ko sa mga panganod ang langit, busa dili na mohayag ang mga bitoon, ang adlaw, ug ang bulan.

Ezequiel 34:12

Maingon nga ang usa ka magbalantay mangita sa iyang mga karnero nga nagkatibulaag, pangitaon ko usab ang akong mga karnero. Luwason ko sila gikan sa tanang mga dapit diin sila nagkatibulaag niadtong panahon sa kasamok.

Ezequiel 38:9

Ikaw ug ang imo nga mga sundalo, ug ang imo nga kauban nga mga nasod, magsulong sa Israel nga daw sa usa ka bagyo, ug libotan ninyo kini nga daw sa panganod nga motabon niini.”

Daniel 12:1

“Nianang panahona, motungha si Micael, ang gamhanan nga pangulo sa katawhan sa Israel, ug mahimong labihan kalisod ang kahimtang sa katawhan. Kini nga kalisod wala pa gayod mahitabo sukad sa panahon nga ang Israel nahimong usa ka nasod. Apan maluwas gikan niana nga kalisod ang imong mga isigka-Israelinhon kansang mga ngalan nasulat sa libro.

Daniel 9:12

Gituman mo ang imong giingon kanamo ug sa among mga pangulo nga imo kaming silotan sa hilabihan. Busa wala pa gayoy nahitabo dinhi sa kalibotan sama sa nahitabo sa Jerusalem.

Joel 1:6

Kay ang yuta sa Ginoo giataki sa makadaot nga mga dulon nga labihan kadaghan. Hait ang ilang mga ngipon sama sa ngipon sa liyon.

Joel 2:25

Kay nag-ingon ang  Ginoo, “Ibalik ko ang mga nawala kaninyo sa mga katuigan nga giataki ang inyong mga tanom sa sunod-sunod nga mga panon sa mga dulon. Ako ang nagpadala kaninyo niining daghang mga dulon nga akong mga sundalo.

Joel 2:31

Mongitngit ang adlaw sa paghukom ug mopula ang bulan nga daw sa dugo. Kini mahitabo sa dili pa moabot ang makalilisang gayod nga adlaw sa paghukom sa Ginoo.

Joel 2:5

Ang kasaba sa ilang paglukso-lukso sa ibabaw sa mga bukid sama sa gadagan nga karwahi o lagitik sa gisunog nga dagami. Sama sila sa kusgan nga mga sundalo nga andam na sa pakig-gubat.

Joel 3:4

“Kamong mga katawhan sa Tiro, Sidon, ug sa tanang dapit sa Filistia, unsa kining ginahimo ninyo batok kanako? Gipanimaslan ba ninyo ako sa butang nga akong nahimo? Kon gipanimaslan ninyo ako, panimaslan ko usab kamo diha-diha dayon tungod sa inyong gihimo.

Amos 4:13

Ang Dios mao ang naghimo sa mga bukid ug sa hangin, ug siya usab ang naghimo sa kabuntagon ug kagabhion. Gipadayag niya sa tawo ang iyang mga plano, ug siya ang naggahom sa tibuok kalibotan. Ginoong Dios nga Makagagahom ang iyang ngalan.

Sofonias 1:7

Pagpakahilom kamo atubangan sa Ginoong Dios, kay ang adlaw sa Ginoo haduol na. Ang Ginoo nag-andam ug mga halad; gibalaan niya ang iyang dinapit.

Zacarias 14:6

Nianang adlawa walay init ug tugnaw.

Mateo 24:21

Kay nianang panahona moabot ang labing pait nga pag-antos nga wala pa mahitabo sukad sa sinugdan sa kalibotan, ug dili na mahitabo pag-usab ang sama niini bisan kanus-a.

Marcos 13:19

kay nianang mga panahona moabot ang pag-antos nga wala pa gayod mahitabo sukad sa pagmugna sa Dios sa kalibotan, ug dili na mahitabo pag-usab ang sama niini bisan kanus-a.

Deuteronomio 32:7

“Hinumdomi ninyo ang nanglabay nga mga katuigan; huna-hunaa ninyo ang nangagi nga mga henerasyon. Pangutan-a ninyo ang inyong mga katigulangan kay suginlan nila kamo. Pangutan-a ninyo ang inyong mga tigdumala kay isaysay nila kini kaninyo.

Mga Hebreo 12:18

Ang inyong pagduol ngadto sa Dios dili sama sa pagduol sa mga Israelinhon ngadto sa Dios. Miduol sila sa bukid nga ilang nakita, ang Bukid sa Sinai diin adunay nagdilaab nga kalayo, adunay makahahadlok nga kangitngit, ug adunay kusog nga huros sa hangin.

Judas 1:13

Sama sila sa kusog nga balod, ug ingon nga makita ang bula nga mogawas sa mga balod, makita usab ang ilang mga makauulaw nga binuhatan. Sama sila sa mga bitoon nga nahisalaag. Busa adunay lugar nga mangitngit kaayo nga gitagana alang kanila. Ug didto sila sa walay kataposan.

Gipadayag 9:2

Giablihan sa bitoon ang kinahiladman sa yuta, ug dayon migawas ang aso nga murag gikan sa dakong hurnohan. Mingitngit ang kalibotan tungod kay ang sidlak sa adlaw nasalipdan sa aso nga gikan sa bung-aw nga dili matugkad.