Joel 2:3 - Ang Pulong sa Dios

³ Nagpulipuli sa pag-ataki ang mga dulon nga daw kalayo. Sa wala pa sila moataki ang yuta daw hardin sa Eden, apan sa dihang miataki na sila nahisama na kini sa disyerto. Wala gayoy tanom nga nakalingkawas kanila.

Ang Biblia 2011

³ Ang kalayo maglamoy diha sa ilang atubangan, ug sa luyo nila magsiga ang kalayo. Ang yuta sama sa tanaman sa Eden sa ilang atubangan, apan iniglabay nila biniyaan nga kamingawan, ug walay makaikyas gikan kanila.

Maayong Balita Biblia

³ Sama sa kalayo ut-oton nila ang mga tanom; ang yuta nga sama sa tanaman sa Eden mahimong sama sa diserto inigbiya na nila; wala gayoy sayloan nila.

Ang Bag-ong Maayong Balita Biblia

³ Sama sa kalayo ut-oton nila ang mga tanom; ang yuta nga sama sa tanaman sa Eden mahimong sama sa diserto inigbiya na nila; wala gayoy sayloan nila.

Joel 2:3 Cross References

Genesis 13:10

Mitan-aw si Lot sa palibot ug nakita niya nga abunda sa tubig ang Walog sa Jordan hangtod sa Zoar, sama sa tanaman sa Ginoo ug sa yuta sa Ehipto. (Sa panahon kini nga wala pa gilaglag sa Ginoo ang Sodoma ug Gomora.)

Genesis 2:8

Unya nagbuhat ang Ginoong Dios ug tanaman sa Eden, sa sidlakan, ug gipapuyo niya didto ang tawo nga iyang gibuhat.

Salmo 50:3

Moabot ang Dios ug dili siya magpakahilom. Sa iyang unahan adunay nagdilaab nga kalayo, ug sa iyang palibot adunay kusog nga bagyo.

Salmo 97:3

Gauna kaniya ang kalayo ug gilamoy niini ang iyang mga kaaway sa palibot.

Exodo 10:15

Mitabon ang dulon sa tibuok yuta sa Ehipto hangtod nga daw miitom ang yuta. Gipangaon nila ang nangahibiling mga tanom nga wala madaot sa ulan nga yelo, lakip ang tanang mga bunga sa kahoy. Wala gayoy nahibilin nga tanom sa tibuok Ehipto.

Exodo 10:5

Tungod sa ilang kadaghan, dili na makita ang yuta. Kan-on nila ang nahibiling mga tanom nga wala madaot sa ulan nga yelo, lakip ang tanan ninyong mga kahoy.

Isaias 14:17

Ug dili ba nga siya man ang naghimo sa kalibotan nga murag disyerto, ug nangguba sa mga siyudad ug wala mohatag ug kagawasan sa iyang mga binihag?”

Isaias 15:6

Namad-an ang sapa sa Nimrim ug nangalaya ang mga sagbot. Wala nay miturok nga tanom.

Isaias 33:4

Kuhaon ang ilang mga kabtangan; mahisama sila sa tanom nga giataki ug dulon.

Isaias 51:3

Kaloy-an ko gayod ang Jerusalem ug ang tanang mga dapit niini nga nangaguba. Ang mga disyerto niini himuon kong sama sa Eden nga akong hardin. Maanaa ang kalipay ug kasadya sa Jerusalem ug adunay pagpasalamat ug mga pag-awit usab.

Isaias 9:18

Kay ang ilang kadaotan sama sa kalayo nga molamoy sa mga sampinit. Mopasilaob kini sa kakahoyan, ug moulbo ang bagang aso gikan niini.

Isaias 9:19

Tungod sa kasuko sa Ginoo nga Makagagahom, masunog ang ilang yuta, ug mahimo silang sugnod sa kalayo. Walay maluoy sa ilang isigka-Israelinhon.

Jeremias 5:17

Hutdon nila ang inyong mga abot, mga pagkaon, ug ang mga bunga sa inyong ubas ug igera. Pamatyon nila ang inyong mga kahayopan ug kabataan. Panggub-on nila ang inyong pinarilan nga mga lungsod nga inyong gisaligan nga makadepensa kaninyo.

Ezequiel 36:35

mag-ingon, ‘Ang yuta nga kaniadto walay pulos, karon nahisama na sa tanaman sa Eden. Ang mga lungsod nga kaniadto nangaguba ug naawaaw, karon adunay mga paril na ug ginapuy-an na!’

Amos 7:4

Unya gipakita sa Ginoong Dios kanako kini nga panan-awon: Nakita ko nga nangandam ang Ginoong Dios sa pagsilot sa iyang mga katawhan pinaagi sa kalayo. Gilamoy sa kalayo ang tubig sa mga tinubdan sa ilalom sa yuta ug ang kaumahan sa yuta sa Israel.

Habacuc 1:6

Akong ipamando ang mga taga-Babilonia, ang walay kaluoy ug bangis nga mga tawo, nga moataki sa tibuok kayutaan aron ilogon ang mga puloy-anan nga dili ilaha.

Zacarias 7:14

Sama ako sa alimpulos nga mipatibulaag kanila ngadto sa mga dapit nga wala sila masuhito. Gibiyaan nila ang ilang maayong dapit, ug nahimo kining awaaw.”