၄ ရာ 10:31 - မြန်​​​မာ့​​​စံ​​​မီ​​​သမ္မာ​​​ကျမ်း​​

³¹ သို့သော် ယေဟု​သည် အစ္စရေး​လူမျိုး​၏​ဘုရားသခင် ထာဝရဘုရား​၏​ပညတ်တရား​တို့​ကို စိတ်နှလုံး​အကြွင်းမဲ့ စောင့်ထိန်း​လို​စိတ်​မ​ရှိ​။ အစ္စရေး​လူမျိုး​ကို လမ်းမှား​စေ​သော ယေရောဗောင်​၏​အပြစ်​များ​ကို မ​စွန့်​ဘဲ​နေ​၏​။

Common Language Bible

³¹ သို့​ရာ​တွင်​ယေ​ဟု​သည် ဣ​သ​ရေ​လ​အ​မျိုး သား​တို့​၏​ဘု​ရား​သ​ခင်​ထာ​ဝရ​ဘု​ရား​၏ ပ​ညတ်​တ​ရား​တော်​ကို​စိတ်​နှ​လုံး​အ​ကြွင်း မဲ့​မ​လိုက်​လျှောက်​ဘဲ ဣ​သ​ရေ​လ​အ​မျိုး သား​တို့​အား​အ​ပြစ်​ကူး​လွန်​ရန် လမ်း​ပြ သူ​ယေ​ရော​ဗောင်​၏​လမ်း​စဉ်​ကို​လိုက်​လေ သည်။

Garrad Bible

³¹ ယေ ဟု မင်း သည် ဣ သ ရေ လ လူ မျိုး၏ ဘု ရား သ ခင် ထာ ဝ ရ ဘု ရား ပ ညတ် တ ရား တော် အ တိုင်း အ ကြွင်း မဲ့ လိုက် လျှောက်ရန် စိတ် နှ လုံး မ မူ ဘဲ ဣ သ ရေ လ အ မျိုး အား ပြစ် မှား စေ သော ယေရော ဗောင် မင်း၏ ပြစ် မှု များ ကို မ စွန့် လေ စွ။

Judson Bible

³¹ ယေ​ဟု​သည် ဣ​သ​ရေ​လ​အ​မျိုး၏​ဘု​ရား​သ​ခင် ထာ​ဝ​ရ​ဘု​ရား​တ​ရား​တော်​လမ်း​သို့ စိတ်​နှ​လုံး​အ​ကြွင်း​မဲ့ လိုက်​ခြင်း​ငှာ သ​တိ​မ​ပြု၊ ဣ​သ​ရေ​လ​အ​မျိုး​ကို​ပြစ်​မှား​စေ​သော ယေ​ရော​ဗောင်၏ ဒု​စ​ရိုက်​တို့​ကို မ​စွန့်။

၄ ရာ 10:31 Referencias Cruzadas

၃ ရာ 14:16

ယေရောဗောင်​မင်းကြီး​သည် ကိုယ်တိုင်​အပြစ်ပြု​သည်​သာမက အစ္စရေး​လူမျိုး​တို့​ကို​ပါ အပြစ်ပြု​စေ​သော​အပြစ်​များ​ကြောင့် ကိုယ်တော်​သည် အစ္စရေး​လူမျိုး​ကို စွန့်ပစ်​တော်မူ​မည်​”​ဟု သူ့​အား ဆို​လေ​၏​။

၃ ရာ 2:4

ထို့ပြင် ‘​သင်​၏​သားမြေး​တို့​သည် သူ​တို့​သွား​ရာ​လမ်း​တွင် စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ သစ္စာရှိ​လျက် ငါ့​မျက်မှောက်​၌​အသက်ရှင်​လျှောက်လှမ်း​ရန် စောင့်ထိန်း​ကြ​မည်​ဆို​လျှင် အစ္စရေး​လူမျိုး​၏​ရာဇပလ္လင်​ပေါ်တွင် သင်​၏​မျိုးဆက်​မ​ပြတ်​ရ​’​ဟု ငါ့​အား ကတိထား​ခဲ့​သည့်​စကား​တော်​အတိုင်း ထာဝရဘုရား​ပြု​တော်မူ​မည်​။

၄ ရာ 10:29

သို့သော် ယေဟု​သည် အစ္စရေး​လူမျိုး​တို့​ကို လမ်းမှား​စေ​သည့် နေဗတ်​၏​သား ယေရောဗောင်​ပြု​သော​အပြစ်​တည်းဟူသော ဗေသလ​မြို့​နှင့် ဒန်​မြို့​ရှိ နွားသငယ်ရုပ်​တို့​ကို မ​စွန့်​ဘဲ​နေ​၏​။

၄ ရာ 17:22

အစ္စရေး​လူမျိုး​တို့​သည် ယေရောဗောင်​မင်း​ပြု​သမျှ​သော​အပြစ်​တို့​ကို​မ​လွှဲ​မ​ရှောင် လိုက်၍​ပြုကျင့်​လေ​၏​။

၄ ရာ 3:3

သို့သော် အစ္စရေး​လူမျိုး​ကို လမ်းမှား​စေ​သော နေဗတ်​၏​သား​ယေရောဗောင်​မင်းကြီး​ပြု​သော​အပြစ်​မျိုး​ကို မ​စွန့်​ဘဲ ပြုကျင့်​ခဲ့​၏​။

၂ ရာ​ချုပ် 6:16

အစ္စရေး​လူမျိုး​၏​ဘုရားသခင်​ထာဝရဘုရား​၊ ကိုယ်တော်​၏​အစေအပါး အကျွန်ုပ်​၏​ခမည်းတော်​ဒါဝိဒ်​မင်းကြီး​အား ‘​ငါ့​ရှေ့မှောက်​၌ သင်​အသက်ရှင်​လျှောက်လှမ်း​ခဲ့​သည့်​နည်းတူ သင့်​သားမြေး​တို့​သည်​လည်း ငါ့​ပညတ်တရား​အတိုင်း တည်ကြည်​စွာ​အသက်ရှင်​လျှောက်လှမ်း​လျှင် သင့်​မျိုးရိုး​သည် ငါ့​ရှေ့မှောက် အစ္စရေး​ရာဇပလ္လင်​တွင် မ​ပြတ်​စံမြန်း​ရ​လိမ့်မည်​’​ဟု မိန့်ဆို​ခဲ့​သည့်​စကား​ကို တည်​စေ​တော်မူ​ပါ​။

နေ​ဟ​မိ 10:29

သူ​တို့​၏​ဆွေမျိုးသားချင်း​ခေါင်းဆောင်​များ​နှင့်အတူ ဘုရားသခင်​၏​အစေအပါး​မောရှေ​အားဖြင့်​ပေးအပ်​တော်မူ​သော ဘုရားသခင်​၏​ပညတ်တရား​ကို လိုက်နာ​ပါ​မည်​။ ဘုရားရှင်​ထာဝရဘုရား​၏​ပညတ်တော်​များ​၊ စီရင်ထုံးဖွဲ့ချက်​များ​၊ ပြဋ္ဌာန်းချက်​အားလုံး​တို့​ကို လိုက်နာ​စောင့်ထိန်း​ပါ​မည်​။

ဆာ​လံ 119:9

လူငယ်​သည် မိမိ​၏​ဘဝလမ်း​ကို မည်ကဲ့သို့ သန့်ရှင်းစင်ကြယ်​စေ​နိုင်​ပါ​မည်နည်း​ဟူမူကား ကိုယ်တော်​၏​နှုတ်ကပတ်တော်​အတိုင်း စောင့်ထိန်း​ရ​မည်​ဖြစ်​၏​။

ဆာ​လံ 39:1

“​ငါ​သည် နှုတ်​ဖြင့်​မ​ပြစ်မှား​မိ​စေရန် ငါ​၏​အပြုအမူ​အကျင့်အကြံ​တို့​ကို​စောင့်ထိန်း​မည်​။ ငါ​၏​ရှေ့​၌​ဆိုးယုတ်​သော​သူ​တို့​ရှိ​နေစဉ် နှုတ်စွပ်​တပ်​၍ ငါ့​နှုတ်​ကို​စောင့်ထိန်း​မည်​”​ဟု ငါ​ဆို​ခဲ့​၏​။

ဆာ​လံ 78:10

သူ​တို့​သည် ဘုရားသခင်​၏​ပဋိညာဉ်​တော်​ကို မ​စောင့်ထိန်း​ကြ​။ တရားတော်​အတိုင်း​လျှောက်လှမ်း​ရန်​လည်း ငြင်းဆန်​ကြ​၏​။

သုတ္တံကျမ်း။ 4:23

သင်​၏​စိတ်နှလုံး​ကို သတိဝီရိယ​ရှိသမျှ​နှင့် ထိန်းသိမ်းစောင့်ရှောက်​လော့​။ အကြောင်းမူကား ၎င်း​သည် အသက်​၏​အရင်းအမြစ်​ဖြစ်​၏​။

ယေ​ဇ​ကျေ​လ 36:27

ငါ့​ဝိညာဉ်​ကို​လည်း သင်​တို့​အထဲ​သို့ သွင်းပေး​၍ ငါ​၏​တရားလမ်း​များ​သို့ လိုက်လျှောက်​စေ​မည်​။ ငါ​၏​စီရင်ထုံးဖွဲ့ချက်​တို့​ကို လိုက်နာ​စောင့်ထိန်း​စေ​မည်​။

ဒံ​ယေ​လ 9:10

အကျွန်ုပ်​တို့​သည် အကျွန်ုပ်​တို့​၏​ဘုရားသခင်​ထာဝရဘုရား​၏​စကား​တော်​ကို နား​မ​ထောင်​ကြ​ပါ​။ ကိုယ်တော်​၏​အစေအပါး​ပရောဖက်​တို့​အားဖြင့် အကျွန်ုပ်​တို့​အား ပေး​တော်မူ​သော​ပညတ်တရား​အတိုင်း မ​လိုက်လျှောက်​ကြ​ပါ​။

တ​ရား​ဟော 4:15

ဟောရပ်​တောင်​၌ သင်​တို့​အား ထာဝရဘုရား မီး​ထဲ​မှ မိန့်​တော်မူ​သော​နေ့​တွင် သင်​တို့​သည် ကိုယ်တော်​ကို မည်သည့်​ပုံသဏ္ဌာန်​နှင့်​မျှ​မ​မြင်​ရ​။ သို့ဖြစ်၍ သင်တို့ကိုယ်သင်တို့ အထူး​သတိပြု​ကြ​လော့​။

တ​ရား​ဟော 4:23

သင်​တို့​နှင့် သင်​တို့​၏​ဘုရားသခင်​ထာဝရဘုရား ဖွဲ့​တော်မူ​သော​ပဋိညာဉ်​ကို မ​မေ့လျော့​ရန်​၊ သင်​တို့​၏​ဘုရားသခင်​ထာဝရဘုရား​တားမြစ်​ထား​သော မည်သည့်​ပုံသဏ္ဌာန်​ကို​မျှ သင်​တို့​အဖို့ ရုပ်တုဆင်းတု​အဖြစ်​မ​လုပ်​ရန် သတိပြု​ကြ​လော့​။

တ​ရား​ဟော 5:33

သင်​တို့​အား သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​သော​လမ်း​ရှိသမျှ​အတိုင်း လိုက်လျှောက်​လော့​။ သို့ပြုလျှင် သင်​တို့​ပိုင်ဆိုင်​ရ​မည့်​ပြည်​၌ သင်​တို့​သည် အသက်ချမ်းသာ​ရာ​ရ​မည်​။ ကောင်းစား​၍ အသက်​ရှည်​မည်​။

ဟေ​ဗြဲ 12:15

မည်သူမျှ ဘုရားသခင်​၏​ကျေးဇူး​တော်​မှ ကင်းကွာ​မ​သွား​စေရန်​လည်းကောင်း၊ ခါးသီး​သော​အမြစ်​တစ်စုံတစ်ခု​ပေါက်​လျက် သင်​တို့​ကို​နှောင့်ယှက်​သဖြင့် လူ​များစွာ​တို့​သည် ထို​အရာ​ကြောင့် ညစ်ညူး​စေ​ခြင်း​မ​ခံရ​စေရန်​လည်းကောင်း သတိပြု​ကြ​လော့။

ဟေ​ဗြဲ 2:1

ထို့ကြောင့် ငါ​တို့​သည် လွဲချော်​မ​သွား​ကြ​စေရန် ကြား​ရ​သော​အရာ​တို့​ကို အထူး​အာရုံစိုက်​ကြ​ရ​မည်။