သူ​ကြီး 1:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ယုဒ​အမျိုး​ချီတက်​သွား​သောအခါ ထာဝရဘုရား​သည် ခါနာန်​လူမျိုး​နှင့် ဖေရဇိ​လူမျိုး​တို့​ကို သူ​တို့​လက်​သို့​အပ်​တော်မူ​သဖြင့် သူ​တို့​သည် ဗေဇက်​မြို့​၌ လူ​တစ်သောင်း​ကို သတ်​လေ​၏​။

Common Language Bible

⁴ ယု​ဒ​အ​နွယ်​ဝင်​တို့​နှင့်​အ​တူ​စစ်​ပွဲ​ဝင် ကြ​၏။ ထာ​ဝ​ရ​ဘု​ရား​သည်​လည်း​သူ​တို့​အား ခါ​နာန်​ပြည်​သား​များ​နှင့်​ဖေ​ရ​ဇိ​ပြည်​သား တို့​အ​ပေါ်​၌​အောင်​ပွဲ​ခံ​စေ​တော်​မူ​သ​ဖြင့် သူ​တို့​သည်​ဗေ​ဇက်​မြို့​တွင်​ရန်​သူ​တပ်​သား ပေါင်း​တစ်​သောင်း​ကို​တိုက်​ခိုက်​အောင်​မြင် လိုက်​ကြ​၏။-

Garrad Bible

⁴ ယု ဒ အ နွယ် ချီ သွား ရာ ခါ န နိ၊ ဖေ ရ ဇိ လူ မျိုး တို့ ကို သူ တို့ လက် တွင်း သို့ ထာ ဝ ရ ဘု ရား အပ် နှင်း တော် မူ သ ဖြင့် ဗေ ဇက် မြို့ တွင် လူ ပေါင်း တစ် သောင်း ကို လုပ် ကြံ ကြ ၏။

Judson Bible

⁴ ယု​ဒ​ချီ​သွား၍ ထာ​ဝ​ရ​ဘု​ရား​သည် ခါ​န​နိ​လူ၊ ဖေ​ရ​ဇိ​လူ​တို့​ကို​အပ်​တော်​မူ​သ​ဖြင့်၊ ဗေ​ဇက်​မြို့၌ လူ​တစ်​ထောင်​ကို သတ်​လေ၏။

သူ​ကြီး 1:4 Referencias Cruzadas

၃ ရာ 22:15

ရှင်ဘုရင်​ထံ​ရောက်လာ​သောအခါ ရှင်ဘုရင်​က သူ့​အား “​မိက္ခာယ​၊ ရာမုတ်ဂိလဒ်​မြို့​ကို ငါ​တို့​စစ်ချီ​၍​တိုက်ခိုက်​ရ​မည်လော​။ မတိုက်​ဘဲ နေ​ရ​မည်လော​”​ဟု မေး​လျှင် သူ​က “​စစ်ချီ​တော်မူ​ပါ​။ အောင်မြင်မှု​ရ​လိမ့်မည်​။ ထာဝရဘုရား​သည် ထို​မြို့​ကို မင်းကြီး​လက်​သို့ အပ်​တော်မူ​မည်​”​ဟု ပြန်လျှောက်​၏​။

၃ ရာ 22:6

ထိုအခါ အစ္စရေး​ဘုရင်​သည် ပရောဖက်​လေး​ရာ​ခန့်​ကို​စုရုံး​စေ​ပြီးလျှင် သူ​တို့​အား “​ရာမုတ်ဂိလဒ်​မြို့​ကို စစ်ချီ​၍​တိုက်ခိုက်​ရ​မည်လော​။ မတိုက်​ဘဲ​နေ​ရ​မည်လော​”​ဟု မေး​လျှင် သူ​တို့​က “​စစ်ချီ​တော်မူ​ပါ​။ ဘုရားရှင်​သည် ထို​မြို့​ကို မင်းကြီး​လက်​သို့ အပ်​တော်မူ​မည်​”​ဟု ဆင့်ဆို​ကြ​၏​။

ဆာ​လံ 44:2

ကိုယ်တော်​သည် လူမျိုးခြား​တို့​ကို ကိုယ်တော်​၏​လက်​တော်​ဖြင့်​နှင်ထုတ်​ပြီး ဘိုးဘေး​တို့​ကို အခြေချ​စေ​တော်မူ​၏​။ တိုင်းသူပြည်သား​တို့​ကို​နှိမ်နင်း​၍ ဘိုးဘေး​တို့​ကို​ပြန့်ပွား​စေ​တော်မူ​၏​။

ဆာ​လံ 78:55

ထို့နောက် လူမျိုးခြား​တို့​ကို သူ​တို့​ရှေ့​မှ​နှင်ထုတ်​တော်မူ​ပြီး အမွေ​အဖြစ် တိုင်းတာ​သတ်မှတ်​ထား​သော​နယ်မြေ​အလိုက် သူ​တို့​ကို​ခွဲဝေ​ပေး​၍ အစ္စရေး​အမျိုးအနွယ်​တို့​အား မိမိ​တို့​တဲ​များ​၌ နေထိုင်​စေ​တော်မူ​၏​။

တ​ရား​ဟော 7:2

သင်​တို့​၏​ဘုရားသခင်​ထာဝရဘုရား​သည် ထို​လူမျိုး​တို့​ကို သင်​တို့​လက်​သို့ အပ်​တော်မူ​သောအခါ သူ​တို့​ကို တိုက်ခိုက်​၍ အကုန်အစင်​ဖျက်ဆီး​ပစ်​ရ​မည်​။ သူ​တို့​နှင့် ပဋိညာဉ်​မ​ဖွဲ့​ရ​။ သူ​တို့​ကို မ​သနား​ရ​။

တ​ရား​ဟော 9:3

သင်​၏​ဘုရားသခင်​ထာဝရဘုရား​သည် လောင်ကျွမ်း​သော​မီး​ကဲ့သို့ သင်​၏​ရှေ့​မှ​ကူးသွား​မည်​ဖြစ်ကြောင်း ယနေ့ သင်​သိမြင်​ရ​မည်​။ ကိုယ်တော်​သည် ထို​သူ​တို့​ကို သုတ်သင်ပယ်ရှင်း​ပြီး သင့်​ရှေ့မှောက်​၌ ရှုံးနိမ့်​စေ​တော်မူ​မည်​ဖြစ်၍ သင့်​အား ထာဝရဘုရား မိန့်​တော်မူ​ခဲ့​သည့်​အတိုင်း သင်​သည် သူ​တို့​ကို နှင်ထုတ်​၍ အလျင်အမြန်​ဖျက်ဆီး​နိုင်​လိမ့်မည်​။

သူ​ကြီး 1:3

ထိုအခါ ယုဒ​အမျိုး​တို့​က မိမိ​တို့​အစ်ကို​ရှိမောင်​အမျိုး​တို့​အား “​ခါနာန်​လူမျိုး​တို့​ကို တိုက်ခိုက်​ရန် ငါ​တို့​အမွေမြေ​သို့ ငါ​တို့​နှင့်အတူ ချီတက်​ပါ​လော့​။ ငါ​တို့​သည်​လည်း သင်​တို့​အမွေမြေ​သို့ သင်​တို့​နှင့်အတူ ချီတက်​မည်​”​ဟု ဆို​သဖြင့် ရှိမောင်​အမျိုး​တို့​လည်း သူ​တို့​နှင့်အတူ ချီတက်​လေ​၏​။

သူ​ကြီး 1:5

ဗေဇက်​မြို့​တွင် အဒေါနိဗေဇက်​မင်းကြီး​နှင့် ရင်ဆိုင်​တိုက်ခိုက်​ကြ​၏​။ ခါနာန်​လူမျိုး​၊ ဖေရဇိ​လူမျိုး​တို့​ကို​လည်း အနိုင်ရ​၏​။

သူ​ကြီး 11:32

ထို့နောက် ယေဖသ​သည် အမ္မုန်​အမျိုးသား​တို့​ကို ချီတက်​တိုက်ခိုက်​လေ​၏​။ ထာဝရဘုရား​က​လည်း သူ​တို့​ကို ယေဖသ​လက်​သို့ အပ်​တော်မူ​၏​။

သူ​ကြီး 3:5

အစ္စရေး​အမျိုးသား​တို့​သည် ခါနာန်​လူမျိုး​၊ ဟိတ္တိ​လူမျိုး​၊ အာမောရိ​လူမျိုး​၊ ဖေရဇိ​လူမျိုး​၊ ဟိဝိ​လူမျိုး​၊ ယေဗုသိ​လူမျိုး​တို့​နှင့်အတူ နေထိုင်​၍

၁ ရာ 11:8

ရှောလု​သည် ဗေဇက်​မြို့​တွင် ထို​သူ​တို့​ကို​ရေတွက်​ကြည့်​ရာ အစ္စရေး​အမျိုးသား​သုံးသိန်း​၊ ယုဒ​အမျိုးသား​သုံးသောင်း​ရှိ​၏​။

၁ ရာ 14:10

အကယ်၍ ‘​ငါ​တို့​ထံ​တက်လာ​ပါ​’​ဟု သူ​တို့​ဆို​လျှင် ငါ​တို့​တက်သွား​မည်​။ ဤသည်မှာ ထာဝရဘုရား​သည် သူ​တို့​ကို ငါ​တို့​လက်​သို့​အပ်​တော်မူ​ကြောင်း နိမိတ်လက္ခဏာ​ပင်​ဖြစ်​၏​”​ဟု ဆို​ပြီး

၁ ရာ 14:6

ယောနသန်​က လက်နက်ကိုင်​လုလင်​အား “​လာ​ပါ​။ အရေဖျားမလှီး​သော​ထို​သူ​တို့​၏​ကင်းတပ်​သို့ ကူးသွား​ကြ​စို့​။ ထာဝရဘုရား ငါ​တို့​နှင့် ပါရှိ​ကောင်း​ပါရှိ​တော်မူ​လိမ့်မည်​။ ထာဝရဘုရား​သည် မည်သည့်​အမှု​၌​မဆို လူ​အနည်းငယ်​နှင့်​ဖြစ်စေ​၊ လူ​အများ​နှင့်​ဖြစ်စေ အတားအဆီး​မ​ရှိ​ကယ်တင်​ပေး​နိုင်​သည်​”​ဟု ဆို​၏​။