ရော​မ 10:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² သူ​တို့​သည် ဘုရားသခင်​အတွက် ထက်သန်​သော​စိတ်​ရှိ​ကြောင်း ငါ​သက်သေခံ​၏။ သို့သော် ထို​ထက်သန်​သော​စိတ်​သည် စစ်မှန်​သော​အသိပညာ​အားဖြင့်​မ​ဟုတ်။

Common Language Bible

² သူ​တို့​သည်​ဘု​ရား​သ​ခင်​အား အ​လွန်​ကြည်​ညို သူ​များ​ဖြစ်​ကြောင်း​ကို​ငါ​အာ​မ​ခံ​နိုင်​၏။ သို့ သော်​သူ​တို့​၏​ကြည်​ညို​မှု​နည်း​လမ်း​သည်​မှန် သော​အ​သိ​ပ​ညာ​အ​ပေါ်​၌​မ​တည်။-

Garrad Bible

² သူ တို့ သည် ဘု ရား သ ခင့် အ ဖို့ စိတ် စေ တ နာ ထက် သန် ကြောင်း ငါ သက် သေ ခံ၏။

Judson Bible

² ထို​သူ​တို့​သည် မှန်​သော​ပ​ညာ​မ​ရှိ​သော်​လည်း၊ ဘု​ရား​သ​ခင်​ဘက်၌ စိတ်​အား​ကြီး​သည်​ဟု သူ​တို့​အ​ဖို့ ငါ​သက်​သေ​ခံ၏။-

ခေတ်သစ်​မြန်မာ သမ္မာကျမ်း

² ထို​သူတို့​သည် ဘုရားသခင်​အတွက် စိတ်အားထက်သန်မှု​ရှိ​ကြောင်း ကျွန်ုပ်​သက်သေခံ၏။ သို့သော်လည်း ထို​ထက်သန်သော စိတ်​သည် အသိပညာ​အားဖြင့် မဟုတ်။

ရော​မ 10:2 Referencias Cruzadas

၄ ရာ 10:16

ထို့နောက် သူ​က “​ထာဝရဘုရား​အဖို့ ငါ မည်မျှ​စိတ်အားကြီး​သည်​ကို ငါ​နှင့်​လိုက်​၍​ကြည့်​ပါ​”​ဟု ဆို​၍ မိမိ​၏​စစ်ရထား​တွင် လိုက်ပါစီးနင်း​စေ​၏​။

ဆာ​လံ 14:4

အပြစ်ဒုစရိုက်​ပြု​သော​သူ​အပေါင်း​တို့​သည် ဘာမျှ​မ​သိ​ကြ​သလော​။ သူ​တို့​သည် မုန့်​စား​သကဲ့သို့ ငါ​၏​လူမျိုး​ကို​ဝါးမျို​ကြ​၏​။ ထာဝရဘုရား​ကို​လည်း ခေါ်ဆို​ပတ္ထနာပြု​ခြင်း​မ​ရှိ​။

သုတ္တံကျမ်း။ 19:2

အသိပညာ​ကင်းမဲ့​သော​စိတ်ဆန္ဒ​သည် မ​ကောင်း​ပေ​။ အလျင်စလို​ခြေ​လှမ်း​သော​သူ​သည် လွဲချော်​တတ်​၏​။

ဟေ​ရှာ​ယ 27:1

ထို​နေ့ရက်​၌ ထာဝရဘုရား​သည် ထွက်ပြေး​နေ​သော​မြွေကြီး​လဝိသန်​၊ တွန့်လိမ်​နေ​သော​မြွေကြီး​လဝိသန်​ကို ခိုင်မာ​၍​အစွမ်းထက်​သော မိမိ​ဓား​ကြီး​ဖြင့်​အပြစ်ဒဏ်​ပေး​တော်မူ​မည်​။ ပင်လယ်​မြွေနဂါး​ကို​လည်း သတ်ဖြတ်​တော်မူ​မည်​။

ရှင်ယောဟန် 16:2

လူ​တို့​သည် သင်​တို့​ကို ဝတ်ပြု​စည်းဝေး​ကျောင်း​မှ ထုတ်ပယ်​ကြ​လိမ့်မည်။ ထိုမျှမက သင်​တို့​ကို​သတ်​သော​သူ​တိုင်း မိမိ​တို့​သည် ဘုရား​ဝတ်​ကို​ပြု​နေ​သည်​ဟု ထင်မှတ်​သော​အချိန်​ကာလ​ရောက်လာ​တော့မည်။

တမန်တော်ဝတ္ထု 21:20

ထို​သူ​တို့​သည်​ကြား​လျှင် ဘုရားသခင်​၏​ဘုန်း​တော်​ကို​ချီးမွမ်း​ကြ​၏။ ထို့နောက် သူ​တို့​သည် ပေါလု​အား “ငါ​တို့​ညီ၊ သင်​သိမြင်​သည့်​အတိုင်း ဂျူး​လူမျိုး​တို့​တွင် ယုံကြည်​လာ​သူ​ထောင်​ပေါင်း​များစွာ​ရှိ​၍ သူ​တို့​အားလုံး​သည် ပညတ်​တရား​၌ စိတ်အား​ထက်သန်​သူ​များ​ဖြစ်​ကြ​၏။

တမန်တော်ဝတ္ထု 21:28

“အစ္စရေး​အမျိုးသား​တို့၊ ကူညီ​ကြ​ပါ။ ဤ​သူ​သည် လူမျိုး​တော်​ကို​လည်းကောင်း၊ ပညတ်​တရား​ကို​လည်းကောင်း၊ ဤ​နေရာ​ကို​လည်းကောင်း ဆန့်ကျင်​လျက် အရပ်ရပ်​တို့​၌ လူ​အပေါင်း​တို့​အား သွန်သင်​နေ​သူ​ဖြစ်​၏။ ထိုမျှမက ဂရိ​လူမျိုး​တို့​ကို​လည်း ဗိမာန်​တော်​ထဲသို့​ခေါ်ဆောင်​လာ​၍ ဤ​သန့်ရှင်း​ရာ​ဌာန​ကို ညစ်ညူး​စေ​ပါ​ပြီ”​ဟု အော်ဟစ်​ကြ​၏။

တမန်တော်ဝတ္ထု 22:22

လူ​တို့​သည် သူ့​စကား​ကို ဤမျှ​အထိ နားထောင်​ကြ​ပြီးလျှင် မိမိ​တို့​အသံ​ကို​ကျယ်စွာပြု​၍ “ဤသို့​သော​သူ​ကို မြေ​ပေါ်မှ သုတ်သင်​လိုက်​ပါ။ အကြောင်းမူကား သူ​သည် အသက်​မ​ရှင်​သင့်​ပေ”​ဟု ဆို​ကြ​၏။

တမန်တော်ဝတ္ထု 22:3

“အကျွန်ုပ်​သည် ဆီလီဆီးယား​ပြည်၊ တာရှု​မြို့​၌​မွေးဖွား​ခဲ့​သော ဂျူး​လူမျိုး​တစ်​ဦး​ဖြစ်​ပါ​သည်။ သို့သော် ဤ​မြို့​တွင် ကြီးပြင်း​လာ​၍ ဂါမလျေလ​၏​ခြေရင်း​၌ ဘိုးဘေး​တို့​မှ​ဆက်ခံ​သော ပညတ်​တရား​နှင့်အညီ တင်းကျပ်​စွာ ဆုံးမ​သွန်သင်​ခြင်း​ကို​ခံယူ​ပြီး ယနေ့ သင်​တို့​အားလုံး​သည် ဘုရားသခင်​အတွက် စိတ်အား​ထက်သန်​သကဲ့သို့ အကျွန်ုပ်​သည်​လည်း စိတ်အား​ထက်သန်​ခဲ့​ပါ​သည်။

ရော​မ 10:1

ညီအစ်ကို​တို့၊ ငါ့​စိတ်နှလုံး​၏​လိုအင်​ဆန္ဒ​နှင့် အစ္စရေး​လူမျိုး​တို့​အတွက် ဘုရားသခင်​ထံ ငါ​ဆုတောင်း​သော​အရာ​မှာ သူတို့​ကယ်တင်​ခြင်း​ရရှိ​ရန်​ဖြစ်​၏။

ရော​မ 10:3

အကြောင်းမှာ သူ​တို့​သည် ဘုရားသခင်​၏​ဖြောင့်မတ်​ခြင်း​ကို​မ​သိ​ဘဲ မိမိ​၏​ဖြောင့်မတ်​ခြင်း​ကို​တည်​စေရန် ရှာကြံ​လျက် ဘုရားသခင်​၏​ဖြောင့်မတ်​ခြင်း​ကို မ​နာခံ​သောကြောင့်​ဖြစ်​၏။

၂ ကော 4:4

ထို​သူ​တို့​နှင့်​ပတ်သက်၍​ပြော​ရ​လျှင် ဘုရားသခင်​၏​ပုံသဏ္ဌာန်​တော်​ဖြစ်​သော ခရစ်တော်​၏​ဘုန်း​အသရေ​နှင့်​ပြည့်စုံ​သည့် ကောင်းမြတ်​သော​သတင်း​၏​အလင်းရောင်​ကို​မ​မြင်​စေရန် ဤ​လောက​၏​ဘုရား​သည် မ​ယုံကြည်​သော​သူ​တို့​၏​စိတ်နှလုံး​ကို ကွယ်​စေ​၏။

၂ ကော 4:6

“အမှောင်​ထဲမှ အလင်း​ထွန်းလင်း​စေ”​ဟု မိန့်​တော်မူ​သော​ဘုရားသခင်​သည် ယေရှု​ခရစ်တော်​၏​မျက်နှာ​တော်​၌​ထွန်းလင်း​သည့် ဘုရားသခင်​၏​ဘုန်း​တော်​ကို​သိ​သော​ဉာဏ်​အလင်းရောင်​အား ငါ​တို့​စိတ်နှလုံး​ထဲ၌ ထွန်းလင်း​စေ​တော်မူ​၏။

၂ ကော 8:3

ငါ​သက်သေခံ​သည်​ကား သူ​တို့​သည် မိမိ​တို့​စိတ်​ဆန္ဒ​အလျောက် တတ်နိုင်​သည့်​အတိုင်း​သာမက တတ်နိုင်​သည်​ထက် ပို၍​ပေးကမ်း​လျက်

ဂ​လာ​တိ 1:14

ငါ​သည် ဂျူး​ဘာသာ​တရား​၌ ငါ့​လူမျိုး​ထဲ​ရှိ​သက်တူရွယ်တူ​များ​ထက် သာလွန်​ပြီး ငါ့​ဘိုးဘေး​တို့​၏​ဓလေ့​ထုံးတမ်း​များ​နှင့်​ပတ်သက်၍ အလွန်​စိတ်အား​ထက်သန်​ခဲ့​သည်​ကို​လည်းကောင်း သင်​တို့​ကြားသိ​ထား​၏။

ဂ​လာ​တိ 4:15

သို့ဖြစ်လျက်ပင် သင်​တို့​ခံစား​ရ​သော​မင်္ဂလာ​သည် မည်သို့​ဖြစ်​သွား​သနည်း။ သင်​တို့​သည် ဖြစ်နိုင်​လျှင် သင်​တို့​၏​မျက်စိ​ကို​ပင်​ထုတ်​၍ ငါ့​အား​ပေး​ခဲ့​ကြ​ပေ​လိမ့်မည်​ဟု သင်​တို့​နှင့်​ပတ်သက်၍ ငါ​သက်သေခံ​၏။

ဖိ​လိပ္ပိ 1:9

သင်​တို့​၏​ချစ်​ခြင်း​မေတ္တာ​သည် စစ်မှန်​သော​အသိပညာ​နှင့် ထိုးထွင်းဉာဏ်​အမျိုးမျိုး​တို့​၌ ပို၍​ပို၍​ပြည့်စုံ​လာ​သဖြင့်

ဖိ​လိပ္ပိ 3:6

စိတ်အား​ထက်သန်​မှု​အရ​ဆို​လျှင် အသင်းတော်​ကို​ညှဉ်းဆဲ​သော​သူ၊ ပညတ်​တရား​အားဖြင့်​ရရှိ​သော​ဖြောင့်မတ်​ခြင်း​အရ​ဆို​လျှင် အပြစ်တင်​စရာ​မ​ရှိ​သော​သူ​ဖြစ်​၏။

ကော​လော​သဲ 4:13

အမှန်စင်စစ် သူ​သည် သင်​တို့​မှစ၍ လောဒိကိ​မြို့​နှင့်​ဟေရပေါလိ​မြို့​၌​ရှိ​သော​သူ​တို့​အတွက် အလွန်​ပင်ပန်း​စွာ​ကြိုးစား​လျက်​ရှိ​ကြောင်း ငါ​သက်သေခံ​၏။