တမန်တော်ဝတ္ထု 20:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ထို​ရုန်းရင်းဆန်ခတ်​မှု ရပ်တန့်​သွား​ပြီးနောက် ပေါလု​သည် တပည့်​တော်​တို့​ကို​ခေါ်​၍ တိုက်တွန်း​နှိုးဆော်​ကာ သူ​တို့​အား နှုတ်ဆက်​ပြီးလျှင် မာကေဒေါနိ​ပြည်​သို့​ထွက်ခွာ​သွား​လေ​၏။

Common Language Bible

¹ ဆူ​ပူ​လှုပ်​ရှား​မှု​ရပ်​စဲ​သွား​သော​အ​ခါ ပေါ​လု​သည် တ​ပည့်​တော်​တို့​ကို​ခေါ်​၍​အား ပေး​စ​ကား​ပြော​ကြား​၏။ ထို​နောက်​သူ​တို့ ကို​နှုတ်​ဆက်​ပြီး​လျှင်​မာ​ကေ​ဒေါ​နိ​ပြည် သို့​ထွက်​ခွာ​သွား​လေ​သည်။-

Garrad Bible

¹ ထို သို့ ရုန်း ရင်း ခတ် ဖြစ် ခြင်း ရပ် စဲ သည့် နောက် ပေါ လု သည် တ ပည့် တော် တို့ ကို ခေါ် စေ၍ နှိုး ဆော် နှုတ် ဆက် ပြီး လျှင် မာ ကေ ဒေါ နိ ပြည် သို့ ထွက် သွား လေ၏။

Judson Bible

¹ ထို​ရုန်း​ရင်း​ခတ်​သော အ​မှု​ငြိမ်း​သော​အ​ခါ ပေါ​လု​သည်၊ တ​ပည့်​တော်​တို့​ကို​ခေါ်၍ နှုတ်​ဆက်​ပြီး​မှ မာ​ကေ​ဒေါ​နိ​ပြည်​သို့ သွား​လေ၏။-

ခေတ်သစ်​မြန်မာ သမ္မာကျမ်း

¹ ထို​ရုန်းရင်းဆန်ခတ်​ပြုခြင်း​အမှု ပြီးဆုံးသွား​သောအခါ ပေါလု​သည် တပည့်တော်များ​ကို ခေါ်​၍ အားပေးစကား​ပြောဆိုကာ နှုတ်ဆက်ပြီး မာကေဒေါနိပြည်​သို့ ထွက်ခွာသွားလေ၏။

တမန်တော်ဝတ္ထု 20:1 Referencias Cruzadas

ကမ္ဘာ​ဦး 48:10

အစ္စရေး​သည် အသက်ကြီး​သောကြောင့် မျက်စိ​မှုန်​၍​မ​မြင်​နိုင်​ပေ​။ ထို့ကြောင့် ယောသပ်​သည် သူ​၏​သား​တို့​ကို အစ္စရေး​အနီး​သို့​ခေါ်လာ​၏​။ ထိုအခါ အစ္စရေး​သည် ယောသပ်​၏​သား​တို့​ကို​နမ်း​ပြီး ပွေ့ဖက်​လေ​၏​။

တမန်တော်ဝတ္ထု 11:26

သူ့​ကို​တွေ့​လျှင် အန္တိအုတ်​မြို့​သို့​ခေါ်လာ​၏။ သူ​တို့​သည် တစ်​နှစ်​ပတ်လုံး အသင်းတော်​၌​စုဝေး​လျက် များစွာ​သော​လူ​တို့​ကို သွန်သင်​ကြ​၏။ တပည့်​တော်​တို့​သည် ထို​အန္တိအုတ်​မြို့​၌ “ခရစ်ယာန်”​ဟု ပထမ​ဦးဆုံး​ခေါ်ဝေါ်​ခြင်း​ခံရ​ကြ​၏။

တမန်တော်ဝတ္ထု 16:12

ထို​မြို့​မှ​တစ်ဆင့် ဖိလိပ္ပိ​မြို့​သို့ သွား​ကြ​၏။ ဖိလိပ္ပိ​မြို့​သည် မာကေဒေါနိ​ပြည်​၏​ထို​အပိုင်း​တွင် အဓိက​မြို့​ဖြစ်​ပြီး ရောမ​လက်အောက်ခံ​မြို့​လည်း ဖြစ်​၏။ ငါ​တို့​သည် ထို​မြို့​တွင် ရက်​အတန်ကြာ​နေ​ကြ​၏။

တမန်တော်ဝတ္ထု 16:9

ည​အခါ ပေါလု​သည် ရူပါရုံ​တစ်​ခု​ကို မြင်​ရ​၏။ ထို​ရူပါရုံ​၌ မာကေဒေါနိ​ပြည်သား​တစ်​ဦး​သည် ရပ်​လျက် “မာကေဒေါနိ​ပြည်​သို့ ကူး​လာ​၍ အကျွန်ုပ်​တို့​ကို ကူညီ​ပေး​ပါ”​ဟု သူ့​အား တောင်းပန်​ပြောဆို​၏။

တမန်တော်ဝတ္ထု 19:21

ဤ​အဖြစ်အပျက်​များ​ပြီးဆုံး​ပြီးနောက် ပေါလု​သည် မာကေဒေါနိ​ပြည်​နှင့်​အခါယ​ပြည်​တို့​ကို ဖြတ်သွား​၍ ဂျေရုဆလင်​မြို့​သို့​သွား​ရန် ဝိညာဉ်​တော်​အားဖြင့်​ဆုံးဖြတ်​လျက် “ငါ​သည် ထို​မြို့​သို့​သွား​ပြီးလျှင် ရောမ​မြို့​ကို​လည်း မြင်​ရ​မည်”​ဟု ဆို​၏။

တမန်တော်ဝတ္ထု 20:10

ထိုအခါ ပေါလု​သည် ဆင်း​လာ​၍ သူ့​အပေါ် မိမိကိုယ်ကို​လှဲ​၍ ဖက်​ထား​ပြီးလျှင် “ရုတ်ရုတ်သဲသဲ​မ​ဖြစ်​ကြ​နှင့်။ အကြောင်းမူကား သူ့​အသက်​သည် သူ​၌​ရှိ​၏”​ဟု ဆို​လေ​၏။

တမန်တော်ဝတ္ထု 20:2

ထို​ဒေသ​များ​ကို​ဖြတ်သွား​ရင်း များစွာ​သော​တရား​စကား​တို့​ဖြင့် တပည့်​တော်​တို့​ကို တိုက်တွန်း​နှိုးဆော်​ပြီးလျှင် ဂရိ​ပြည်​သို့​ရောက်လာ​၏။

တမန်တော်ဝတ္ထု 20:3

ထို​ပြည်​၌ သုံး​လ​နေ​ပြီးနောက် ဆီးရီးယား​ပြည်​သို့ ရွက်လွှင့်​မည်​ပြု​စဉ်​တွင် ဂျူး​လူမျိုး​တို့​သည် သူ့​ကို​လုပ်ကြံ​ရန် လျှို့ဝှက်​ကြံစည်​ကြ​သဖြင့် မာကေဒေါနိ​ပြည်​ကို​ဖြတ်​၍ ပြန်သွား​ရန် ဆုံးဖြတ်​လေ​၏။

တမန်တော်ဝတ္ထု 20:37

သူ​တို့​အားလုံး​သည် အလွန်​ငိုကြွေး​လျက် ပေါလု​ကို​ဖက်​၍ နမ်း​ကြ​၏။

ရော​မ 15:19

နိမိတ်​လက္ခဏာ​များ​နှင့်​အံ့ဩဖွယ်ရာ​များ​၏​တန်ခိုး​အားဖြင့်​လည်းကောင်း၊ ဘုရားသခင်​၏​ဝိညာဉ်​တော်​တန်ခိုး​အားဖြင့်​လည်းကောင်း ပြု​တော်မူ​သော​အမှုအရာ​တို့​မှအပ ငါ​သည် မည်သည့်​အရာ​ကို​မျှ အရဲစွန့်​၍​မ​ပြော​လို​ပေ။ ဤသို့ဖြင့် ငါ​သည် ဂျေရုဆလင်​မြို့​မှစ၍ ဣလုရိတ်​ပြည်​တိုင်အောင် ပတ်​သွား​ကာ ခရစ်တော်​၏​ကောင်းမြတ်​သော​သတင်း​ကို စုံလင်​စွာ​ဟောပြော​ခဲ့​၏။

ရော​မ 16:16

အချင်းချင်း​သန့်ရှင်း​သော​အနမ်း​ဖြင့် နှုတ်ဆက်​ကြ​လော့။ ခရစ်တော်​၏​အသင်းတော်​အပေါင်း​တို့​သည် သင်​တို့​ကို​နှုတ်ဆက်​ကြ​၏။

၁ ကော 16:20

ညီအစ်ကို​အပေါင်း​တို့​သည် သင်​တို့​ကို​နှုတ်ဆက်​ကြ​၏။ အချင်းချင်း​သန့်ရှင်း​သော​အနမ်း​ဖြင့် နှုတ်ဆက်​ကြ​လော့။

၁ ကော 16:5

ငါ​သည် မာကေဒေါနိ​ပြည်​ကို​ဖြတ်​လာ​မည်​ဖြစ်၍ မာကေဒေါနိ​ပြည်​ကို လှည့်လည်​ပြီးမှ သင်​တို့​ထံသို့​လာ​မည်။

၂ ကော 13:12

အချင်းချင်း​သန့်ရှင်း​သော​အနမ်း​ဖြင့် နှုတ်ဆက်​ကြ​လော့။ သန့်ရှင်း​သူ​အပေါင်း​တို့​သည် သင်​တို့​ကို​နှုတ်ဆက်​ကြ​၏။

၂ ကော 7:5

မာကေဒေါနိ​ပြည်​သို့ ငါ​တို့​ရောက်​သောအခါ ငါ​တို့​၏​ကိုယ်ကာယ​သည် နား​နေ​ရန်​အခွင့်​မ​ရ​ဘဲ အပြင်​၌​တိုက်ခိုက်​ခြင်း​များ၊ အတွင်း​၌​ကြောက်ရွံ့​ခြင်း​များ​ရှိ​၍ အဘက်ဘက်​မှ​နှိပ်စက်​ခြင်း​ကို​ခံရ​ကြ​၏။

၁ သက် 5:26

ညီအစ်ကို​အားလုံး​တို့​ကို သန့်ရှင်း​သော​အနမ်း​ဖြင့် နှုတ်ဆက်​ကြ​လော့။

၁ တိ 1:3

မာကေဒေါနိ​ပြည်​သို့​သွား​စဉ်​က သင့်​ကို ငါ​တိုက်တွန်း​နှိုးဆော်​ခဲ့​သည့်​အတိုင်း သင်​သည် ဧဖက်​မြို့​၌​နေရစ်​၍ လူ​အချို့​တို့​အား ခြားနား​သော​ဩဝါဒ​ကို မ​သွန်သင်​ကြ​ရန်​လည်းကောင်း၊