Yoel 3:2 - ASII LAKDAP Bible (BSI)

² Kra akhing na ngi raq mangjong hiq na siti maiqmung thun wiita, khapho chang hiqthung tan na mitriitam ha. Kra khapho chang tan kiimaq, tsangshiq raq isengi israilnok, tiichamchao wantaq kra kha mipho ha. Tsangshiq raq isengi israilnok ka, mungrap mungrii na tiipin jobaiq wanto. Raüta tsangshiq raq ihiq ira Israil mung ka, tsangshiq liipan wiita chumtap riiphea wanto.

Hawa Naga Bible 2001

² Ngaz rueq miqphvnx htenc lotlaz tvtuimx vtueq tsuingshiq kuex Khac phoc juing Warc nuex shvlx laq shaungx. Kvruex yuq ngvy miqsaz htenc muex tsuingshiq rueq shuimx wvnc tueq lotlaz tvkoc nuex tsuingshiq muex phox shaungx. Tsuingshiq rueq Israel miqsaz kuex pungmungx nuex yurc gay ruiux ngvy mungtan Israel kuex tv-phvlc nyanc gay tueq.

Yoel 3:2 Referencias Cruzadas

2 KAÜWA WERAÜ 20:26

Rablai ranaiq niishe tsangshiq ka Beraka Hiq thung tan na thungto. Raüta Tatiwe raq ümchuwa shamkuqtaq kra miitu apaiq ka tiitsamto. Kra ningkhan tiina kra Hiqthungtan ka “Beraka” nguta mangtaq.

ISAIA 66:16

Watu nai nepjasai maq apaiq raq mangjong hiq na siti ashut maiqse thun kriima mo mitiiho. Kiimaq maiq pahea atsea mirbaiq.

ISAIA 66:18

Ngi raq tsangshiq tiima tsantsii nai tsangshiq jaqsham ka asapha. Ngi ka mangjong hiq wa maiq phan tlotli ka adam na riichomkai kitiikang she. Ümtiikiiwa tsangshiq ka adam na riitamtlaq, tsangshiq raq iningkun jonglu maq jaq ümtinkhan wa sham tiikang, kriishe michhi.

JEREMIA 12:14

Tatiwe raq ngutlo, “Ngi raq Israilnok ma siqke binre mungti thun ma, ngi raq Israilnok ma akuqha mung tiithenbaiqtinok ma bom chongke chang asi. Ngi raq kra mung thun wa abi maiqse thun ka, pechong arangchong maq babaiqtlaq ikha mibabaiqha. Lata Ngi raq, Juda mung ka tsangshiq jaqkhon mong wa midokda wanha.

JEREMIA 25:31

Kiimaq kra hok-ho trang riinya ka hiq maita sup na saüli mirnya. Tatiwe raq maiqmung thun khuthaq na kha nyantlo. Apaiq raq maiqse angu kunli rung na mitiichap wan. Raüta abi maiqse thun ka wiita ajiip mirbaiq. Arka Tatiwe raq toqtanto.’”

JEREMIA 49:1

Tati Ningkun Ajongwe raq Ammon mung miitu akha nguto; “Israilnok maiqwere kong ka ümbano? Tsangmung kra khebomti maiq ka jumin ahüshe sha? Molekh phra kaü shomnoqtinok ma Gad wang kra jam nguto tiijii wanta. Kiimaq tsangshiq kiijaq jam nguto tiisi tla?

JEREMIA 50:17

Tatiwe raq ngutlo, “Israilnok ka skusekong hangsi kong raq jo raüta atiipinbaiq ikha. Apha na tsangshiq ka Asiria mung hokhamwe ajongwe raq khatto. Kiimaq kra jai maq Bebilon mung hokhamwe Nebukadnejar raq tsang rii thun ka bunlaklak kaqphaqto.

EJEKIEL 25:8

Tati Rakaü Hiqwe raq nguto, “Mob raq Juda mung kiimin nanok mung ahinti ikhiisiili nguta nguto. Kriikha na,

EJEKIEL 34:6

Kra ningkhan i skusekong ka ku akin thun na kiimaq pum thun na wiita momiikito. Tsangshiq ka mangjong tlotli na wiita tiipin baiqto. Kiimaq tsangshiq ritkot kaiti maiq ka jumin ahü. Kiimaq jurmin tsangshiq riichom ritkaiti ka ahü.

EJEKIEL 35:10

“Ümniiraq maiq mung anai Juda mung nai Israil mung ka adam na romshaq raüta, tsang mung wa hiq kriimin nong nong ka ümniirii kiimaq ümhiq shong she nguta tsütsit laü. Ngi, Tatiwe ka tsangshiq Shiikeawe nguta ümniiraq sap shat taü maq tsütsit laü.

EJEKIEL 36:1

Tatiwe raq nguto, “Maiqse lei, Israil mung na pum thun kiima chonglaq, kiimaq tsangshiq raq. Ngi,

EJEKIEL 36:5

“Ngi, Tati Rakaü Hiqwe raq, I tsankhiq walü henghea kha maq atro na siti maiq mung thun ma, akhek atsidada ka Edom mung khuthaq na ikiq tiidea tiikang. Tsangshiq raq rongtsai wijea lam maq kiimaq shummii shaq shaq, tsangshiq raq ihiqshong irahai ka jiiwanto. Raüta kra mung wa nyamse rümchang bin ajii thun kra jiiwanto.

EJEKIEL 38:22

Ngi raq apaiq ka phan phan thup atha tiisaü lata kiimaq phanrap phanrii chiq nai re tiidong lata apaiq ma mo mitiihoha. Rajun henghea düthaü tiijun lata kiimaq tsak-hiiq henghea trok lata, kiimaq kriithaq kiijaq ra wa nyiimwin watu tiisat lata, apaiq khuthaq na nai apaiq rai pongti phenlabi khuthaq na, kiimaq apaiq rai reraüshi maq pongdamti mangjong hiq wa maiqmung thun khuthaq na arthun chamchao ara mitiisaüha.

EJEKIEL 39:11

Tatiwe raq nguto, “Arthun ara hongtha wan jai, Ngi raq Gog ma apaiq maa lap chang ka Israil mung na maa lapchiim hiq bashi mikuqha. Kriika Amaa Khamjong Chum maq shedong nü wang na Wankhum Tan na miraq. Gog maa nai apaiq phenlabi maaphong ka kriitan na milap. Kiimaq kra tan mang ka ‘Gog Phenlabi Tan’ nguta mimang.

Yoel 3:12

“Riita, ümchaü san, maiqmung thun lei, namshiq ka tiije shat chang she dongdii. Lanta Khapho Chang Tan kiijaq thung tiije wanli ronglaq. Kiijaq, ngi Tatiwe ka ngalata, namshiq Israilnok mung tro na siti, maiqmung thun kha kra miphoha.

Yoel 3:14

Maiqphong li, maiqphong li, khapho chang Tan na. Maiqphong ka khunyaq khukhi.

AMO LUIK DVP (AMOS) 1:11

Tatiwe raq ngutlo, Edom mungti raq atang wan ngarai ma, hiq ma ra ma she tangwanto. Arningkhan ngi raq tsangshiq tiijoq mang. Jamkhano ngukla tsangshiq raq, tsangphuno Israilnok tiikot mrot joraüta, wiita tsat wanto. Tsangshiq tsankhiq wa maq, chaq wan ruq chaq wanto.

Mikha 4:12

Shatmaq ara maiqmung thun raq, Tatiwe tiima ka khon mak! tsangshiq tiithung wantaq kriika, khaopum nibaiq tlaq ikha mini baiq.

JEPHANIA 3:8

“Kherong liishaq” nguta Tatiwe raq ngutlo, “Khe ronglaq ngi raq maiqmung thun, shrawan akhing ranaiq kra miitu. Ngi raq maiqmung thun nai mungtan thun kra, adam na riichom wan miitu, itsan na thapthi wan kang she. Kriika tsangshiq ma itsankhiq walü nyaitlaq, kra heng kriimaq tiike wan miitu. Mangjong hiqhraikhü tlotli ka, tsangshiq wa maq chaq lata, wiita mitiikhiim baiqha.

Revelation 11:18

Thatsang maiqse ka ümniima pinthum khiqriqto! Shatmaq ümchaü ka tsangshiq khuthaq na, ümtsankhiq walü tiinyai chaq akhing she saüto. Atsai kaiwiti thun khaphoke akhing she saüto. Ümsengi shammibi ma poksi pansun kewan akhing she saüto. Ümse ümno kunkun ümwokhong na siti tarü, ajong aran wese wela pili ma poksi ke akhing she saüto. Mangjong hiq wa maiqse tiichamchaoti, kiimaq maiqse shiithen jenti ma, tsangshiq shiithen baiq akhing she saüto!”

Revelation 16:14

Tsangshiq arka abi winji, awang chang jaqshamti. Ara abi winji atsam arka mangjong hiq hupli na kihoto. Raüta mangjong hiq na hokham bi thun ka adam na triitam raüta Phangthum Khapho Ajong Ranaiq na riikhat wan miitu she tiije ho tlo.

Revelation 16:16

Kiijiishe, winji thun raq hokham bi ka adam na Hibru bom maq Armageddon nguta hiq bashi asi kiijaq hokhambi ka tiithungto.

Revelation 16:6

Tsangshiq raq Shiikeawe sengi nai Shiikeawe shammibi tiijai raü baiqto. Krai mren she, ümchaü ümniiraq tsangshiq ma, tiijai hali she tiinyang tlaü kra, tsangshiq raq jamlai wa lap tlaq, kriika tsangshiq raq kha tangtaq kra tham she hophaq wan tlo!”

Revelation 20:8

Kiimaq apaiq ka mangjong hiq wa maiq mung ümchuwa sitlaq kra lao kai she mikiho. Kiimaq ara mangjong hiq thun mang ka Gok nai Megok nguta ngutlo. Soitan raq tsangshiq ka adam na rekhat ma mitriitam. Tsangshiq ka khamjongraikii na kumtsai phii wa kumtsai riiphong tlaq ikha awealot chang riimak pahea miraq.