Biblia Todo Logo
La Biblia Online
- Anuncios -




Yoel 3:2 - Hawa Naga Bible 2001

2 Ngaz rueq miqphvnx htenc lotlaz tvtuimx vtueq tsuingshiq kuex Khac phoc juing Warc nuex shvlx laq shaungx. Kvruex yuq ngvy miqsaz htenc muex tsuingshiq rueq shuimx wvnc tueq lotlaz tvkoc nuex tsuingshiq muex phox shaungx. Tsuingshiq rueq Israel miqsaz kuex pungmungx nuex yurc gay ruiux ngvy mungtan Israel kuex tv-phvlc nyanc gay tueq.

Ver Capítulo Copiar

ASII LAKDAP Bible (BSI)

2 Kra akhing na ngi raq mangjong hiq na siti maiqmung thun wiita, khapho chang hiqthung tan na mitriitam ha. Kra khapho chang tan kiimaq, tsangshiq raq isengi israilnok, tiichamchao wantaq kra kha mipho ha. Tsangshiq raq isengi israilnok ka, mungrap mungrii na tiipin jobaiq wanto. Raüta tsangshiq raq ihiq ira Israil mung ka, tsangshiq liipan wiita chumtap riiphea wanto.

Ver Capítulo Copiar




Yoel 3:2
30 Referencias Cruzadas  

Raungx bvlic vngoz raungnuiyq nuex tsuinghez kuex Beraka Warc tvnx nuex rvtuimx vtueq Yehowa rueq shuimx kuq wvnc tueq ningkhvnc nuex vpiq muex tvtsvmc kvmc wuez tueq. Kvruex yuq tv-nyvnc vtueq warc tvnx kv-ngoc “Beraka,” ngoz tueq muingc tueq.


Vpiq rueq vyaq vrax jix khiz shuex lotlaz kuex wvr maq nuiyc yaung maq murx tvgurc ruiux, paunghvlc tvthueyc gay shuex.


Tsuingshiq honc vyaungc nuiyc tsuingshiq kvmungx htenc kuex ngaz rueq tuiuz yaq. Mungx ruip rawx wawc miq htenc tvtuimx tvkoc ngaz kaz yaq. Kvkaq tsuingshiq kuex vdvmz nuex kvtuimx vtueq ngvy luimc vkawc maq mtanc lac shuimx lot yaq nguinx kuex tsuingshiq rueq khiz shuex nuiyc


Yehowa rueq, “Ngvy miqsaz Israel muex ngaz rueq vtaq kuq ghaq vraungx kuex tvbac kuy jix Israel muex yuimx phic wuinz nuex seng vtueq jungc kuy tvkoc phvnx shishiz ngaz rueq lvp tauk. Ngaz rueq vkemc saz kuex vruingx maq phiz gay shix ikhoc honc bac miqsaz kuex tsuingshiq mungtan wawc phiz gay shaungx; ngaz rueq Yuda mungx kuex tsuingshiq yauk wawc palc wvnc shaungx.


vpiq guyc tvruingc kuex ghaq tvsuip nuex httuiuc laz rv-nyawx wvnc tuex. Yehowa rueq miqphvnx htenc muex khac tvgurc yaq. Vpiq rueq miq lotlaz kuex shvlx laq vtueq httuiyc ruiyc wisoz ruiux honc bac jix kuex thvt gay tueq. Yehowa rueq jungx yaq,’” ngoz tueq jungx shuex.


Vruex kuex Yehowa rueq Ammon miqsaz nuex seng vtueq jungx tueq: “Israel waz rulx kuex m-yuq lac? Tsuingshiq mungtan kuex tvguing jix vshiz muinz vguez haz? Tsuingshiq rueq yvmx ngoz tueq lac Molek muex nawk palx jix miq htenc rueq Gad phvnx ghaq kuex lvp wvnc vtueq kvruex yuq httax kaz wuez tuinx?


Yehowa rueq, “Israel miqsaz kuex hangsic rueq yurc tvyuz gay tueq khelbuenx ikhoc rvtueq. Tsuingshiq kuex vphaungc nuex Asiria honoc waz rueq khvt gay rvhumc tueq, kvruex yimaq Babelon Hokhvmx Nebukhadnezar rueq tsuingshiq ruk vrawz htenc kuex het phauk gay tueq.


Johvlc Yehowa rueq, “Yuda kuex vganc miqphvnx htenc lotlaz rulc rv-ngvlc yaq ngoz tueq Moba rueq jungx tueq ningkhvnc nuex,


Kvkhoc rvtueq ngvy khelbuenx htenc kuex vjoz ghaqluimx htenc nuiyc kanx htenc nuex khuemx shamx wuez yaq. Tsuingshiq kuex ghaq htauk nuex rv-nyanc kaz wvnc wuez vtueq, tsuingshiq lawc jix, tsuingshiq kuex thuiyc tvkoc hunglaungx jix vshiz muinz vguez.


“Ngaz Yehowa kuex tsuingshiq Tishox rvtauk rvhvt maq doc muinz, mnoz rueq vruex miqphvnx vnueyc rvtueq Yuda nuiyc Israel ngoz yaq tsuingshiq mungtan htenc kvtauk nongx mnoz rueq guimz shuiux, ngoz tueq jungx toq.


Yehowa rueq, “Vthueyc rvyaq miq lex, Israel kanx htenc muex jungx shuiuz, ngaz, Johvlc Yehowa rueq tsuingshiq tvkoc jungx vshaungx bomjungc kuex tay tvkoc tsuingshiq muex jungx shuiuz: Israel muex ralx hez rueq, ‘Majuiuc kuex mvnnuex pat wawc kuz vkanx htenc kuex naungshiq yauk nuex shex!’ ngoz tueq thuinz vsuing maq lawc tvtsuingc vtueq jungx yaq!


“Ngaz, Johvlc Yehowa rueq tvroz wawc miqphvnx htenc nuiyc Edom htauk nuex ngvy thuinkhvy phuk vtueq jungx vshaungx. Tsuingshiq rueq ngvy mungtan kuex vkoz vkez maq muinz, wvlc guez tvyaungc thuinz maq muinz, guimz wvnc vtueq kvruex mungx wawc ngac remc juing kuex lvp wvnc wuez tueq.


Ngaz rueq piq kuex vmac vtsac maq nuiyc vthvy gay maq murx tvgurc shaungx. Piq htauk nuex muinz, piq nolaungx bix nuiyc piq nuex kvnvp naungc jix miqphvnx paunghvlc htauk nuex muinz, tv-nguirx nuiyc raungyunc duiz htuiuz maq muinz, wvr nuiyc kanz kuex vdvmz nuex tvyunc shaungx.


Yehowa rueq, “Vruex lotlaz yaungx wvnc tuex nuex, Israel mungx Yuix Maungx Jumx shaldungc kox nuex httax yaq Lvmx Khuemc jix Warc tvnx nuex Gog kuex luip tvkoc ngaz rueq kuq shaungx. Gog nuiyc piq nolaungx bix lotlaz kuex kvyuq luip gay rvhumc ruiux kvruex warc tvnx ngoc, ‘Gog Nolaungx Warc Tvnx,’ ngoz tueq muingc shuex.


“Miq phvnx htenc kuex Khac Phoc juing Warc tvnx nuex kay muex tvyoalc yoalx maq httax yaq. Kvruex yuq ngaz, Yehowa kuex tvroz wawc miqphvnx htenc lotlaz muex phoc tvkoc ngaungc taungx.


Vhingc maq vhingc paung yaq miq vkung vdaungx kuex Khac Phoc juing Warc tvnx nuex httax yaq. Kvruex yuq Yehowa raungnuiyq kuex mtanc httvmx muq nuex httuiuc wvnc tuex.


Yehowa rueq, “Edom miqsaz htenc rueq tvyez kakaz mvrax yaq wuez yaq, vruex ningkhvnc nuex ngaz rueq tsuingshiq muex vsuing murx tvgurc shaungx. Tsuingshiq kuex tsuingshiq phuz vnox tamx rvtueq Israel miqsaz htenc muex menjenc thuinz vguez maq yaung shuimx vtueq yurc wuez tueq. Tsuingshiq thuinkhvy kuex vhtvp htaz ngoz tueq vguez, tsuingshiq thuinkhvy kuex mkaq muinz tvshiz lot muq shex.


Yuq muinz kvruex miqphvnx htenc kvraq Yehowa thuinz vmungx nuex yvmx lac tvmaung yaq nguinx kuex tuiuz wuez muq. Tsvmtul kuex tvjomx nuiuz yaq ikhoc tsuingshiq muex murx tvgurc tvkoc tvjomx tvtuimx yaq lvmz kuex tsuingshiq rueq hangc muq.


Yehowa rueq, “Bvmc wuez shuinz,” ngoz tueq. “Miqphvnx htenc muex mvrax kuy tvkoc ngaz kvtenc kaz wvnc taungx raungnuiyq nuex httuiuc laz ngaz kuex bvmc kuit; miqphvnx htenc nuiyc hokhvmx mungtan htenc muex ngvy thuinkhvy kuex tsuingshiq rvhumc tvkoc tsuingshiq kuex tvtuimx muex ngoz tueq ngaz rueq htvp htaz tauk. Ghaq wvtaungx kuex ngvy thuinkhvy wvr rueq tvbac khamc gay rvhumc tuex.


Mthuinz khvy kvdaungc yaq vkhing muinz, vthueyc wvnc jix htenc muex phoc kuy vkhing muinz, majuiuc httuiuc wvnc vtuex shex ningkhvnc nuex miq phvnx lotlaz kuex thuinkhaq wuez yaq. Mnvrc waz shvmmax bix htenc, mmiqsaz htenc, mnoz muex hiyaz tvtsanc nganc jix vyungx vruinx htenc, muex yauk mauk kuy vkhing kuex httuiuc wvnc yaq shex. Ghaq vruex tvbac gay jix htenc kuex tvbac gay vkhing httuiuc wvnc yaq shex!” ngoz tueq jungx tueq.


Tsuingshiq kuex romzyac htenc tvkhic lot htaungc htenc maungyac rvtueq. Kvruex htaungc vthuimx kuex Tvphaungc Tvsuip Tishox Raungnuiyq vyungx ngoz yaq ralx rvlungc tvkoc mungkawx lotlaz wawc hokhvmx bix kuex tvtuimx muex dung kaz wuez tueq.


Kvruex yimaq htaungc siyac rueq hokhvmx bix kuex Hebre kvjaz maq Armagedon ngoz yaq baung nuex tvtuimx gvl wvnc shuex.


Tsuingshiq rueq Tishox miqsaz htenc nuiyc shvmmax bix tvguiy ruiuc gay tueq khuec nuex, mnoz rueq tsuingshiq muex tvguiy kuex tv-nuingc shuiuz. Tsuingshiq rvhumc aungx yaq kuex rvhumc vtuex rvtueq!” ngoz tueq jungx yaq kuex ngaz rueq tay tauk.


mungkawx lotlaz nuex httax yaq Goga nuiyc Magog ngoz yaq miqphvnx ruip rawx muex laulawc tvkoc dung kaz tuex. Satan kuex ralx khvt tvkoc svmuktvrax wawc kumtsvy tanc khvnc paung yaq piq miqsaz htenc kuex tvtuimx tueq.


Síguenos en:

Anuncios


Anuncios


¡Síguenos en WhatsApp! Síguenos