Yoel 3:1 - ASII LAKDAP Bible (BSI)

¹ Tatiwe raq ngutlo, ara akhing na ngi raq Juda mungti nai Jerusalem chelati ma, arong awin maq siwan miitu achu mishman kuqha.

Hawa Naga Bible 2001

¹ Yehowa rueq, “Kvruex vkhing nuex ngaz rueq Yuda nuiyc Yerusalem kuex tvrungx wanx yek shaungx.

Yoel 3:1 Referencias Cruzadas

Tvtsvmc 14:7

Ngi raq ümtinkhan wa achu jaü tiikang, Jajon chela maq Israilnok rekhat ka mitiitang kuq laq nguta. Israilnok ka ümtinkhan wa chochi jiiq riila, ümtiikiiwa Tatiwe raq tsangshiq ka rongboq ma mitiija wan nong!

Tvtsvmc 85:1

Tatiwe lei, ümniiraq üm mungtan tiihangshat rüm wan laü; ümniiraq Israilnok arong awin tiija wan laü.

TAKSU LAK 1:23

Ngi raq tsii chong tsat-son tiikang ara tairong laq; Ngi raq ümniima tsii chongkuq tiikang ara tailaq. Ngi raq ümniima itsan mong wa tiima tsantsii kra michong kuqha.

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

JEREMIA 16:15

Kra ngorii na, tsangshiq raq ngi mang chong raüta, ngi ka atra Shiikeawe tsangshiq Israilnok ka shekhu nü mung thun kiiwa riichom wan lata, kiimaq maiq mung thun ahin pahea na tsangshiq ka atiipin baiq wan ha kiiwa riichom wantiwe nguta mingu. Ngi raq tsangshiq ka tsangmung na tsangti tum ma akuq wan ha mung kiina hali mitsuq wan nongha. Arka Ngi, Tatiwe raq ngutiikang.”

JEREMIA 29:14

Kriidea, Ngi raq ngutiikang, namshiq raq Ngi ka mihum han. Kiimaq Ngi raq namshiq ma nam mung ka mijang kuq nongha. Ngi raq namshiq ka maiq mung aweatek wa kiimaq maiqhiq aweatek na, Ngi raq namshiq ka pongmung na, ümchu mung niiwa munglu shumwi kong ma nyinbaiq kang, kra mungthun tlotli wa tsuq wan nong lata, nammung na hali mitiishong wan kang. Arka Ngi, Tatiwe raq toqtan tiikang.’

JEREMIA 30:18

Tatiwe raq ngutlo, “Ngi raq isenginok ka tsang mung na hali mitiishong wan nongha, kiimaq takitek ka mitiihang kuqha; Jerusalem ka atiihea mihai wan nong, kiimaq hokham jam ka mitiihea hai nong.

JEREMIA 30:3

Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”

EJEKIEL 16:53

Tatiwe raq Jerusalem ma nguto, “Ngi raq tsangshiq ka arong awinnok ma hali mitiija nongha. Sodom chela nai apaiq tro na hiqshong thun kra kiimaq Samaria chela nai apaiq tro na hiqshong thun sitlaq kra chiithe ma mitiija nongha. Tengteng. Ngi raq ümnii kiimin arong awin ma mitiija nongha.

EJEKIEL 39:25

Tati Rakaü Hiqwe raq nguto, “Shatmaq ümchaü ka Ngi Jakob saüsetiim phan, Israilnok ma tiihang mangchan she mitiichhi kuqha. Lata tsangshiq ka thongshiri hali pinthum arong awinnok ma mitiija wan nongha. Ngi raq i mang chong asii kra mitiiwong wanha.

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

Yoel 2:29

Kra akhing ngi raq iwenyi ka namshiq jam na, jechaksere maiqwesere jaqshisetiim miimin, asii wenyi miraükuq ha.

AMO LUIK DVP (AMOS) 9:14

Ngi raq isenginok pongmung na anyin baiq wan ha wa, tsangmung niishe mitsuq wan ha. Raüta tsangshiq raq tsangshiq chela thun athen arki ka, wiita mitiihea hai wan. Raüta mishong nga wan nong. Tsangshiq spiqtsi ro thun kra michhi wan nong. Raüta spiqtai ka chamtraq minyang wan. Tsangshiq raq petsi wiqtsam ro ka, pahea michhi wan. Raüta petsi wiqtsam chamtraq miphaq siq wan.

WEAWEA 11:29

Kiijiishe Mosheq raq treto, “Ümniika ngi miitu shea chapa rai tlaü? Ngi raq kla Tatiwe raq apaiq wenyi ka asenginok tlotli ma kuq raü jaq ahea, raüta tsangshiq tarü raq shammibi kong ikha siitrangho raüjaq ahea riichang nguta tiima tiikang!”

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

TRI CHONGKE 30:3

Tatiwe nam Shiikeawe raq namshiq ka atiihang mirwan. Apaiq raq namshiq ka pong mung thun kriiwa, apaiq raq namshiq wan baiqtaq mung thun kriiwa mitiijang shea wan nong. Raüta apaiq raq namshiq ka chiithe lüwanok miishe mitiija wan nong.