WEAWEA 24:7 - ASII LAKDAP Bible (BSI)

⁷ Tsangshiq ma ra chamtraq mijun kuq Raüta alai thun ka kham chamtraq Wak ram thun michhi jang. Tsang hokhamwe ka Agag thaq na ajong miraq, Kiimaq apaiq mungtan ka Luhea na misaü wan kiimaq jonghea mijong wan.

Hawa Naga Bible 2001

⁷ Tsuingshiq rueq hungx laz htaungx laz yunx yaq raungyunc kuex lvp shuex, Yuix paung yaq baung htenc nuex tsuingshiq rueq vkhic vyuingc juing lix htenc kuex khic yuingc shuex. Tsuingshiq hokhvmx waz kuex Agag htauk nuex muinz ngauz vngax yunghvlc, Piq rueq guimz yaq kuex baung ruip saz nuex httuiuc wvnc tuex.

WEAWEA 24:7 Referencias Cruzadas

2 SAMUEL 5:12

Krai mren, Tatiwe raq Dawit apaiq ka Israil mung na hokhamwe miishe dea shongto, kiimaq awokhong na siti mungmaiqse kra miitu apaiq mungtan ka chiithejong tiija wantlo nguta takto.

1 HOKHVMX 4:21

Solomon raq mung peng wantaq mungtan ka maiqmung ahin thun pahea tiiham wan damto. Kriithun ka Euphretis rai maq phawan raüta Philistia mung na saüli riito. Kiimaq riita Ejip mung hiqrai kiina saüli riito. Tsangshiq raq apaiq ma phunta kuqto. Raüta apaiq pat thumli apaiq wokhong na wanse ma siwanto.

1 HOKHVMX 5:1

Tajar Hokhamwe Hiram ka Dawit rai silu dongdii riito. Krai mren apaiq raq Solomon ka awe Dawit pumsong hokham ma shongto nguta tsütsa ka tai raüta akiimwetiim ka apaiq rai riihumkai tiikito.

1 KAÜWA WERAÜ 14:2

Kiimaq Dawit raq Tatiwe raq apaiq ka Israil mung na hokham ma phataqtaq heashe shongto, kiimaq amungtan ka pinthum chiithejong miishe shiiman kuqto. Kriika asengi mungmaiqse kra miitu nguta sapto.

EJRA 4:20

Ajong ala hokhambi pahea raq, ara Euphretis Jürai maq Shenyap Mung nü ara peng wanto. Raüta phunta hisiq wanto.

ESTHAR 3:1

Ara jai maq Hokhamwe Ahasueras raq Agag phan Hammedatha se Haman ka shreng raüta apaiq jaqtakiq na ajong alabi thun thaq na mungtan tuwe miishe shongto.

Tvtsvmc 18:43

Ümniiraq ngi ka hokham nyeati jaq wa tiichhii kuqlaü, laüta ngi ka mung thun pengti ma shonglaü; ngi raq sap mang maiq thun ka ümchaü isengi miishe jawanto.

Tvtsvmc 68:26

“Shiikeawe ka tiitsam ronglaq, asenginok mung thungtlaq kiijaq; Tatiwe ka tiitsam ronglaq, namshiq Jakob saüse phan wiita raq!”

Tvtsvmc 72:11

Hokhambi thun wiitarü raq ajichong na bum raüta minoq wan; Maiqphan tlotli raq apaiq minoq wan.

Tvtsvmc 89:27

Ngi raq apaiq ka ise chhikhuwe ma mitiijaha, hokhambi thun wiita thaq na ajong pinthum.

ISAIA 2:2

Rawiichii akhing na Shomjam haitaq pum ka pumthun wiitarü thaq na diiluhea pinthum miraq, hiqlam wiita thaq na diilu pinthum miraq. Maiq mung pahea wa maiq apaiq phana kongta hushhu waraüta mirtam wan,

ISAIA 30:25

Ümtiikaq ranaiq wa namjaqtinok chela thun peruk weshaü achhe chang riimak thun kra namshiq raq khat lanta mijiip han, kiimaq tsangshiq ka mijiipbaiqhan, kiitiikaq pum thun aweatek wa kiimaq kin thun loweatek wa khamraisetiim midong. Raüta kham miki.

ISAIA 48:1

Ara taironglaq, Israilnok lei, Namshiq Juda saüsetiim raq: Namshiq raq Tatiwe mang chong lantea tiitumtlan; kiimaq Israilnok Shiikeawe ka shomnoqtiikai nguta tiitsakitlan. Shatmaq namnübok maq bomtlan ka rakhütsiri miili bomtlan.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 51:13

Kra mung na jürai pahea asi. Kiimaq tsiiqtum pahea asi. Shatmaq apaiq pat ka thumto she. Apaiq tsitsü raüchong ka ümchaü chum baiqto she.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

WEAWEA 24:20

Kiitiikaq Balaam raq riisham mak maq Amalakaiq mung ka chhito raüta riisham bom akha chongto: “Amalakaiq mung ka maiq mung thun wiita thaq na ningkun ajong pinthum, Shatmaq atiisup na pattup pat-sa chongthum mija wan.”

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 17:1

Kiijiishe, Shiikeawe tsankhiq winpin miishi shamti, rasetiim miishi phong wa ashi ka ngi phana ki raüta heato, “Wara, ngi raq ümniima, ümchaü ajong pinthum mephe nyung ka, ümtinkhan she wa mitiicham chao, kra tiichhi kuq pha. Kra chela ajong pinthum ka jürai pahea tho na atei.

Revelation 17:15

Kra rase raq ngi ma hali chongnongto, “Ümniiraq mephe nyung ngachang kham chhilaü kra ka maiqmung thun, maiq phong khunyaq khukhi, maiq phan thun, kiimaq maiq bom ümchuwa sitlaq thun khunyaq khukhi athung tiirai kra chhitlaü.

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”