WEAWEA 24:6 - ASII LAKDAP Bible (BSI)

⁶ Taitsiro pahea alen alen acham ikha Riimakla jürai kii na sonruk thun na achhi ikha, Alo pero Tatiwe raq achhi ikha Riimakla maisak pero khamchum kii na ikha.

Hawa Naga Bible 2001

⁶ Vjungx loayc hvlc jvp yaq tvtsax jungx rvrenc yaq ikhoc, Rvmuq ngoz ruiux yuix ruilx kawx nuex httax yaq sunc ikhoc Yehowa rueq vkhic tuingkoc jungx htenc Rvmuq ngoz ruiux yuix hep nuex kemz yaq ruip jungx htenc ikhoc rvtueq.

WEAWEA 24:6 Referencias Cruzadas

RAPHA HIQWA LAK 13:10

Kiimaq Lot raq hiq ka tro tri liito. Raüta Jordan rai Tan kra chhito, Joar hiq shong na saüli, kham ka chamtraq, Tatiwe sonruk ikha, riimakla Ejip mung ikha chhito. (Arka Tatiwe raq Sodom nai Gommora chela ka mitiithenbaiq shaq na riito.)

Tvtsvmc 1:3

Tsangshiq ka jüserai kii na acham pero ikha, akhing khaq khaq na atsi ango riitlo, kiimaq ajaq thun ka shinki mak phan. Tsangshiq raq jam lai wa shamtlaq kra ong wan ruq riitlo.

Tvtsvmc 104:16

Lebanon na maisak pero raq rajun kham pahea laptlo, kriika Tati apaiq pero, apaiq raq achhi.

Tvtsvmc 45:8

Ümriihun miirii ka homsengtsai maq anyat homhea; ashi angetibi kong ka ümhokham jam chhiiwi maq atiimii kiijaq ümnaq shiipeo shingetlo.

ASHICHONG 6:11

Ngi ka sonruk mong na Almon ro na kikang. Lata chamnyesetiim hiqthung tan wa liikai kikang, spiq jaq anye nümwa liikai kikang, pomegrenet pü ro liikai kikang

ISAIA 41:19

Ngi raq rumnyangkhi kumtsaiphii na, maisak pero tonglong mitiija baiqha. Kiimaq akasia pero nai martel pero tonglong kiimaq olip pero tonglong mitiija baiqha. Hiq kealoklok binjü na pero tonglong she miraq, painro nai junipar ro kiimaq saipras ro tonglongli she mijong wan.

ISAIA 58:11

Kiimaq Ngi riimin namshiq ka wranaiqshe mishun sheakang. Kiimaq namshiq ma ahea awa phan thun kra kuqlata mitsi mitsaq mitiipeo kang. Ngi raq namshiq ka kuilang kuilabi namhü namhan phintsaqtsaq mirüm wankang. Namshiq ka sonruk ashi na kham chamtraq sitlaq ikha, kiimaq tsiimseraise ümtiikiimin rüki mak phan ikha mirhan.

JEREMIA 17:18

Ngi tiichamchaoti miili jea tiingaülaq. Shatmaq ngi tiiwongkuq laq, Tatiwe lei. Tsangshiq ka tiiphiipjiip laq. Shatmaq ngi ka naq tiikiinyiikiq. Tsangshiq khuthaq na chamchao rathaiq tiisaülaq. Laüta bunlak buncha ma tiija baiqlaq.

JEREMIA 31:12

Tsangshiq ka Jajon pum na wa raüta chojong chise miishe mishi nge wan, kiimaq ngi raq kongphiq thun kuq tiikang kra miitu kai mikhoq riiqsiq wan. Raipo wonglo, kiimaq spiqtsi tai nai olip khamtai kongphiq thun; sku kong kiimaq minsaü chhechhi kong kongphiq thun. Tsangshiq ka petsiro kham maq aheawiq nyuktlaq ikha chiithe jong rongboq miraq; tsangshiq ma jamlai wa rong ratlaq wiita kunkun asi miraq.

EJEKIEL 47:12

Ara jürai kii siimhap nai ri niika, pero phanrap phanrii atsi aphaq asea chang phan siisaq pahea asi miraq. Kra pechong jaq nüm tlaq kriika, ümtiikiimin jungki mak phan miraq. Kiimaq kra pechong thun na atsi ango wan ka ümtiikiimin tsaqki mak phan, tsi ngo wan ruq miraq. Ara pero thun na jipi lütek na atsi ka anye tsi wan ruqli miraq. Jamkhano ngukla ara pero thun ka Shomjam maq adong khamrai kiiwa kham ki raü raüta dungtlo. Ara pechong thun raq aphaq sea chang atsi mikuq. Kiimaq ajaq thun kriika maiqse ma atsi asi tiiheake wan chang tsiq miraq.”

Yoel 3:18

Kra akhing na pum thun ka, spiqro tonglong li she miraq. Kiimaq kin thun ka dut siisaq li miraq. Kiimaq Juda mung wa jükhü thun na, kham ama miraq. Kiimaq Tatiwe jam mong maq, kham miphok. Raüta Wadi Shittim Thung na minyamho.

WEAWEA 24:5

Israilnok tombutiip thun ka kai tsomhea,