WEAWEA 24:8 - ASII LAKDAP Bible (BSI)

⁸ Shiikeawe raq tsangshiq ka Ejip mung wa tsuq wanto; Apaiq raq tsangshiq re ka rum wa Minsaü pongwe ikha thaükuqtlo. Tsangshiq raq tsang jaqtinok thun phaq wanto, Tsang rok tsang rii tiibun wanto, Tsang liqsin thun tiibun baiqto.

Hawa Naga Bible 2001

⁸ Tishox rueq tsuingshiq kuex Ejip mungx wawc shvlx laq tueq; Tsuingshiq kuex manx tsvy ikhoc hungc vlaungc httaz hvlc. Tsuingshiq rueq ralx htenc kuex khvt gay tueq, Kvruex hez ruk vrawz htenc kuex tvhuyx tvhut tvbunx gay ruiux, laqsvnz htenc kuex tawk gay wuez tueq.

WEAWEA 24:8 Referencias Cruzadas

Tvtsvmc 2:9

Ümniiraq tsangshiq ka jin chongwai maq bunlak mibukbaiq haü; laüta hamliitak ikha wiita mitiibun bukbaiq haü.’”

Tvtsvmc 21:12

Apaiq raq tsangshiq ka aliq maq mihiip kiimaq tsangshiq ka jai na jangrang raüta mijutrang wan.

Tvtsvmc 45:5

Ümliqsin thun ka sihea, ümjaqtinok tsan mong na kholam kholiiq nyapwatlo; maiq mung thun ka ümjichong na bum wantlo.

Tvtsvmc 45:6

Shiikeawe raq ümniima mungtan kuqtaq kra pattup pat-sa thummak mitsing wan. Ümniiraq ümsengi ka tingting tri maq peng wan tlaü;

DUNGWVNC 23:22

Shatmaq ümniiraq apaiq bom tai haüla, laüta Ngi raq aming kuqkang thun kra phan phan klo haüla, Ngi raq ümjaqtinok thun ka wiita mikhat kuqha.

ISAIA 38:13

Rawa minru ngi ka atsitsi ma hoqsiqkang. Hangsikaü raq irok irii thun ka bunlak buncha akaq phaq wan ikha. Shiikeawe raq i miisaq tiithumbaiqto nguta tiimakang.

JEREMIA 50:17

Tatiwe raq ngutlo, “Israilnok ka skusekong hangsi kong raq jo raüta atiipinbaiq ikha. Apha na tsangshiq ka Asiria mung hokhamwe ajongwe raq khatto. Kiimaq kra jai maq Bebilon mung hokhamwe Nebukadnejar raq tsang rii thun ka bunlaklak kaqphaqto.

JEREMIA 50:9

Ngi raq shekhu nü mung wa maiq mung thun ningkun aheng rümtinok kra mitiishai baiqha. Lata tsangshiq ma Bebilon mung kra mitiikhatha. Tsangshiq thun ka kongshi na pong raüta Bebilon mung ka mikhat. Raüta kra mung ka mitang. Tsangshiq ka ngam hiipti srea nola kong siisaq. Tsangshiq ka liq sreanok. Tsangshiq raq tiikhea mak phan maq ngam ka hiiptlo.

DANIEL 6:24

Kiijiishe, hokhamwe raq Daniel ma kha nyantibi maiq thun ka wiitarü lap wa rongkiq nguta aming kuqto. Raüta tsangshiq ka tsangshiq chak asetiim wiita nongnong miishe lapho raüta, hangsikong raq ama sitlaq khobok mong kiiniishe dobaiqto. Tsangshiq ka hangsikhok shamong hiq na misaü shaq liipan kiiwiili, hangsikong raq phiim rang raüta, arok arii bunlak buncha kaqphaq hoto.

WEAWEA 14:9

Tatiwe kiq ka naq khii rongkiq. Kiimaq kra mung na siti maiqse miika naqhai rongkiq. Nashiq raq tsangshiq ka jeriiq riiqli khat laita mitang rong i. Tatiwe ka nashiq rai asi. Krai mren, tsangshiqnok phra kong tsangshiq tiikhup wongti thun ka apaiq raq khat raüta wiita tangto she. Kra ningkhan ahai ka naqhai rongkiq.”

WEAWEA 21:5

Raüta Shiikeawe ngeng nai Mosheq ngeng bom bomto. Tsangshiq raq akha bottrangto, “Ümniiraq naishiq ka Ejip mung wa tsuq wan laüta ara bintang jüngi kumtsaiphii mung na jaram wa tiitsai tlaü? Arjaq aphaq asea chang min ahü. Anyang chang kham min ahü? Naishiq ka ara aphaq asea chang min riimak manna ariiraq achok she!”

WEAWEA 23:22

Shiikeawe raq tsangshiq ka Ejip mung wa tsuq wanto; Apaiq ka tsangshiq tiiwongke rum wa minsaü pongwe ikha maiq thaütlo.

WEAWEA 23:24

Israil mung ka honghea pinthum hangsikaü ikha; Apaiq raq ngam ka bunlak buncha chaibaiq hü maq, raüta phaq baiq hü maq sanglili bum mak, Apaiq raq kaqtaq thun tiijai thun ka mishup nyang shaq wiiwii, sanglili bum mak.”

Matthew 2:15

Herod mitsai shaq wiiwii apaiq ka kiijiili sito. Arka Tatiwe raq ashammi we nübok maq riisham bomkham tiichongtaq kra tiikupi wan miitu hongtha wanto. Shammi we raq, “Ngi raq i Se ka Ejip mung wa hea wan kang,” nguta tiithai chongthüto.

TRI CHONGKE 32:23

“‘Ngi raq tsangshiq khuthaq na athum min thummak phan chongthum thadong mitiisaüha, lata iliq sintei tsangshiq hiip ma milangha.

TRI CHONGKE 32:42

Iliq sin kii thun maq tsangshiq tiijai misa, kiimaq Ngi rai riilongtibi ka inepja raq mijiipbaiq. Ngi rai riilongti ka jumin tiijoq mang; ashoti nai shumwi kong kiimin wiita mitsai.’

TRI CHONGKE 7:1

“Tatiwe namshiq Shiikeawe raq namshiq ka Kanan mung na mishea wan. Kra mung ka namshiq riishe milap wan han. Kiimaq apaiq raq kra mung wa maiq phan pahea mung ka ajo mirbaiq. Namshiq ka kra mung khat wan wan maiq mung thun kra jiiwan tlan kra phan phan, apaiq raq namshiq thaq na maiq mung jonghea hea kiimaq namshiq thaq na ningkun jonghea hotinok mung miishi kra mijobaiq wan: Tsangshiq ka Hitaiqnok, Girgashaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok thun kra mijobaiq wan.

JOSHUA 2:10

Jamkhano ngukla, namshiq ka Ejip mung maq laü wan lan akhing na, Tatiwe raq namshiq wawan miitu lam tanke wan, Khamshii khamjong rai kra wiita shinriiq trübaiqto nguta tsütsa ka taikai. Kiimaq ara Jordan rai reko binjü wiiq na siti Amoraiq mungti hokhamwe nai Sihon hokhamwe nai Ok hokhamwe kriimin, namshiq raq long wan lanta jamkho tiimiqchup jiipbaiq wan lan kriimin naishiq raq tsütsa ka taikai she.