WEAWEA 21:25 - ASII LAKDAP Bible (BSI)

²⁵ Kra ningkhan Israilnok raq Ammoraiqnok chela thun ka tlotli khat raüta jiiwanto. Heshbon chela nai kra chela tro binjü wa chela thun ka kun kun khat raüta jiiwanto. Raüta tsangshiq ka kra chela thun niishe shong wanto.

Hawa Naga Bible 2001

²⁵ Ekvkhoc raz tueq Israel miqsaz kuex Heshbon ghaq nuiyc tvroz wawc ghaq htenc vlomx Amori ghaqyungx htenc lotlaz lvp wvnc vtueq kvruex ghaq htenc kvyuq httax ngaungc wuez tueq.

WEAWEA 21:25 Referencias Cruzadas

ASHICHONG 7:4

Ümdangkong ka chiiwi kongmong chong ikha, Ümmakpo nai ka, Heshobon chela jonghea kilamchong tho wa, khamchum khangriri hea ikha. Ümkhüpo ka Lebanon pum mren, Damaskas chela kheti kintsongti ikha.

ISAIA 15:4

Heshbon chelati nai Eleale chelati ka hoqtrangtlo. Tsangshiq hosii trang ka maiqhiq luhea hea Jahaj chela miitaq dongdii min tiitaitlo. Phenlabi thun kiimin atiikhai rok shrok she haitlo. Tsangshiq tsaiji ka tiidoq baiqto she.

JEREMIA 48:2

Mob mung khushü jong ka thumto. Re raq Heshbon chela ka jiiwanto, kiimaq Mob mung tiithenbaiq miitu thiikho thuto. Madmen chela ka kaiqshakshak she; re raq kra milong wan.

JEREMIA 48:34

“Heshbon chelati nai Eleale chelati lei, hoqtrang rong laq. Kiimaq tsangshiq hosiitrang ka luhea na sitlaq Jahaj chela miimin tiitaitlo. Kriika Joar chelati riimin taitlo. Kiimaq alu pinthum na siti Horonaim nai Egla Shelishija chela miimin tiitaitlo. Nimrim jüserai kra dongdii min trütha she shinkito.

JEREMIA 48:45

Ngila nguraü munglu wansha apin jin rai mungmaiqse kong ka akhing ashi na Sihon Hokhamwe raq langtaq Heshbon chela kiina, tiiwong wan julai nguta pintrangtlo. Shatmaq kra chela ka wa maq achaq baiq kun she khiimphaqtlo. Wa maq Mob mung tro thun ka achaq baiq kun she. Kiimaq Mob mungti rekhat lung wiiti srea jongbi thun ku-akin thun na siti bi ka wa maq wiita she chaqbaiqto.

EJEKIEL 16:46

“Ümnyi nyikhu nyung ka shekhu nü mung wa Samaria chela. Apaiq tro na hiqshong thun kra apaiq rai romshaq. Kiimaq ümniima ano nyung ka apaiq tro na hiqshong thun romshaq maq shemai nü na Sodom chela sitlo.

EJEKIEL 16:49

Apaiq nai asetiim jechakre ka kai kumrong kumraqli siwanto. Jamkhano ngukla tsangshiq ka chiithe lüwa, arong awin. Kiimaq hansang maq siwanto. Chiqse rewe ahü riito. Shatmaq tsangshiq raq miitsan maiqsetiim nai naolaq naosangti ka khrum kuqmak riito.

EJEKIEL 16:53

Tatiwe raq Jerusalem ma nguto, “Ngi raq tsangshiq ka arong awinnok ma hali mitiija nongha. Sodom chela nai apaiq tro na hiqshong thun kra kiimaq Samaria chela nai apaiq tro na hiqshong thun sitlaq kra chiithe ma mitiija nongha. Tengteng. Ngi raq ümnii kiimin arong awin ma mitiija nongha.

AMO LUIK DVP (AMOS) 2:10

Kriima kongkhuji na, ngi raq namshiq ka Ejip mung wa tsuq wan kang. Lata ngi raq namshiq ka bintang jüngi lam maq, iwokhong maq wiiroqblai shunshea wan kang. Lata ngi raq namshiq ma, Ammoraiqnok mung kra jiikuq wan kang.”

WEAWEA 21:26

Heshbon chela ka Amoraiqnok hokhamwe Sihon chela nyungchong. Apaiq raq man niiwa Mob mung hokham wechü we krai riikhatto. Raüta Mob hokhamwe hiq ka wiita tlotli Arnon Rai na saüli khat raüta jiiwanto.

WEAWEA 21:31

Krai mren Israilnok ka Amoraiqnok mung niishe shong wanto.

WEAWEA 32:3

“Arwang binjü na Tatiwe raq Israilnok ma tiijii wantaq--Ataroth chela, Dibon chela, Jajer chela, Nimra chela, Heshbon chela, Eleale chela, Shibma chela, Nebo chela, kiimaq Beon chela thun arka--nyamse rüm ma hiq hea wiq. Kiimaq naishiq jaq niika nyamse kong pahea.

TRI CHONGKE 2:12

Horaiqnok phan ka Edom mung na shongti riito. Shatmaq Esau saüse phan raq tsangshiqnok ka jobaiqto, tsangmung ka wiita tiithen baiqto. Raüta tsangshiqnok ka kiijaq shong wanto. Arka kra jaimaq Israilnok raq Tatiwe raq tsangshiq ma akuq mung kiiwa chiqse rewenok kra mung wa jobaiq wantaq kiikha jobaiqto.)

JOSHUA 24:8

Kra jai miishe, ngi raq namshiq ka Jordan rai maq shedong nü wang na shongti Amoraiq mung kiiniishe shea wan kang. Tsangshiq raq namshiq khatto. Shatmaq ngi raq tsangshiq ka namshiq ma tiitang kang. Krai mren, namshiq raq tsangshiqnok hiqshong thun ka jiiwan lan. Kiimaq ngi raq tsangshiq ka, namshiq raq khat wan tlan kra phan phan wiita shiithen baiq kang.

PHOWEBI 11:26

Israilnok ka Heshbon chela nai Aroar chela na, kiimaq kra tro binjü na, chelaransetiim thun kra, kiimaq Arnon Rai kii wiilü wiilü na chela thun sitlaq na, rawii shi-tsam she shongtlo. Riita rawii atinkhan lea wantaq liipan na ümniiraq jamto jiiwan nong maü riilaü?