WEAWEA 21:26 - ASII LAKDAP Bible (BSI)

²⁶ Heshbon chela ka Amoraiqnok hokhamwe Sihon chela nyungchong. Apaiq raq man niiwa Mob mung hokham wechü we krai riikhatto. Raüta Mob hokhamwe hiq ka wiita tlotli Arnon Rai na saüli khat raüta jiiwanto.

Hawa Naga Bible 2001

²⁶ Heshbon ghaqyungx kuex Amori hokhvmx Sihon hoc httax juing ghaq rvtueq, hokhvmx Sihon rueq guimz yaq kuex Aranon ruilx nuex httuiuc laz yungx yaq, mvnnuex Moba hokhvmx waz rueq vguimz ghaq rvtueq, kvruex ghaqphux kuex hokhvmx waz Sihon rueq khvt taungx vtueq vlvp wvnc rvtueq.

WEAWEA 21:26 Referencias Cruzadas

ASHICHONG 7:4

Ümdangkong ka chiiwi kongmong chong ikha, Ümmakpo nai ka, Heshobon chela jonghea kilamchong tho wa, khamchum khangriri hea ikha. Ümkhüpo ka Lebanon pum mren, Damaskas chela kheti kintsongti ikha.

ASHICHONG 7:5

Ümkhupo tsom ka Karmel pum khan, Ümkhudap chhai janjangjang hea, hokhamwe kiimin akhudap maq kaihotlii riito.

JEREMIA 48:2

Mob mung khushü jong ka thumto. Re raq Heshbon chela ka jiiwanto, kiimaq Mob mung tiithenbaiq miitu thiikho thuto. Madmen chela ka kaiqshakshak she; re raq kra milong wan.

JEREMIA 48:20

‘Mob ka miqto she,’ nguta tsangshiq raq mitre, ‘kra miitu hoqtrang ronglaq; apaiq khushü jamto she. Arnon rai khü phan tsütsa ka tiitai ronglaq, Mob ka thento she nguta!’

JEREMIA 48:45

Ngila nguraü munglu wansha apin jin rai mungmaiqse kong ka akhing ashi na Sihon Hokhamwe raq langtaq Heshbon chela kiina, tiiwong wan julai nguta pintrangtlo. Shatmaq kra chela ka wa maq achaq baiq kun she khiimphaqtlo. Wa maq Mob mung tro thun ka achaq baiq kun she. Kiimaq Mob mungti rekhat lung wiiti srea jongbi thun ku-akin thun na siti bi ka wa maq wiita she chaqbaiqto.

WEAWEA 21:25

Kra ningkhan Israilnok raq Ammoraiqnok chela thun ka tlotli khat raüta jiiwanto. Heshbon chela nai kra chela tro binjü wa chela thun ka kun kun khat raüta jiiwanto. Raüta tsangshiq ka kra chela thun niishe shong wanto.

WEAWEA 21:27

Arningkhan na shiwebi raq akha shito, “Heshbon chela na warong ra, Sihon hokhamwe chela na! Naishiq raq ara chela ka arun arbaiq wa thongshi haihun raüta atiihea wan chhiro tiikai.

TRI CHONGKE 1:4

Arka Tatiwe raq Amoraiqnok Hokhamwe Heshbon chela pengtiwe Sihon khat raüta tang wantaq kiimaq Bashan wang Hokhamwe Og, Ashtaroth chela nai Edrel chela pengtiwe kra khat raüta tang wantaq kra jai maq achong kuq riito.

JOSHUA 13:16

Tsangshiqnok hiqrai ka Aroar chela na saüli (Arnon tan kii na saüli) kiimaq kra tan mong jam na chela sitlaq kriimin tlom wan damtlii raüta, Medeba chela tro na pum thung tan binjü kra hamli na chumkuqto.

JOSHUA 13:17

Kriika Heshbon chela kiimaq pumthungtan wa chela thun kra wiita hamli na pheakuqto. Kra chela thun ka arthun ara: Dibon, Bamoth Baal, Beth Balmeon,

JOSHUA 13:25

Tsangshiqnok hiq rai mong niika, Jajar chela kiimaq Gilead wang wa tlotli chela thun kra, kiimaq Ammon mung wa Aroar chela na saüli riito; Aroar chela ka Rabba chela ma maq shedong nü na riito.

JOSHUA 21:39

Heshbon, kiimaq Jajar chela thun ka, kriithun tro binjü wa nyamse rümchang nyiimlung wakram nongnong pheakuqto.

PHOWEBI 11:26

Israilnok ka Heshbon chela nai Aroar chela na, kiimaq kra tro binjü na, chelaransetiim thun kra, kiimaq Arnon Rai kii wiilü wiilü na chela thun sitlaq na, rawii shi-tsam she shongtlo. Riita rawii atinkhan lea wantaq liipan na ümniiraq jamto jiiwan nong maü riilaü?